মখোয়না অয়াবা য়াওদনা অমসুং অরানবা মওংদা ব্রান্দ নেম “খাদি” শীজিন্নবগীদমক ফার্ম অনি-খাদি ইসেন্সিএলস অমসুং খাদি গ্লোবেলদা খাদি অমসুং ভিলেজ ইন্দস্ত্রিজ কমিসন(কে ভি আই সি)না লিগেল নোতিসশিং থাখ্রে। ঙসি কে.ভি.আই.সিগী চেরোল অমদা হায়খি ব্রান্দ নেম “খাদি” শীজিন্নদুনা ফার্ম অনি অসিনা তোঙান-তোঙানবা ই-কমর্স প্লেতফোর্মশিংদা অকে-অমৌগী পোৎলমশিং য়োনখি অমসুং মসিনা পোৎ লৈরিবশিং লান্না লমজিংলে।

অগস্তকী অহানবা চয়োলদা খাদি ইসেন্সিএলস অমসুং খাদি গ্লোবেলদা নোতিসশিং থাখিবনি অমসুং দোমেন নেমশিং www.khadiessentials.com অমসুং www.khadiglobalstore.com ককথৎনবা অমসুং ব্রান্দ নেম “খাদি” শীজিন্নদুনা পোৎ য়োনবা খুদক্তা লেপ্নবা কে.ভি.আই.সিনা খঙহনখি। সোসিএল মেদিয়া প্লেতফোর্মশিং হায়বদি তুইতর, ফেসবুক, ইন্সতাগ্রাম অমসুং পিন্তেরেস্তদা মখোয়গী সোসিএল মেদিয়া হেন্দলশিং মখা তানা চৎথদনবা ফার্ম অনি অসিদা খঙহনখি।

থবক অসিনা খাদি ত্রেৎমার্ককী অফবা থবক অমসুং মিংচৎ লান্না শীজিন্নবা হোৎনরি। খাদি ইন্দিয়াগী মথক্তা, ত্রেৎমার্ক “খাদি” অসি অয়াবা পীরবা ফার্মশিং নৎত্রগা ফ্রানচাইসি পায়রবশিং খক্তনা শীজিন্নবা য়াগনি হায়না নোতিস অদুদা ফোংদোকলি। মশক মান্নবা পোৎলমশিংদা কে.ভি.আই.সিগী ত্রেৎমার্ক শীজিন্নবা অসিনা কৈথেলদা চমম্নবা পোকহনগনি অমসুং নমথাক তৌগনি। “খাদি” ত্রেৎমার্ক অসি লান্না উহন্নবা অমসুং লান্না শীজিন্ননবা হোৎনরে হায়রি।

ব্রান্দ নেম “খাদি” শীজিন্নদুনা পোৎ য়োনবা খুদক্তা লেপ্নবা ফার্ম অনিদা খঙহনখ্রে অমসুং খাদি ইসেন্সিএলস অমসুং খাদি গ্লোবেল ব্রান্দ নেমশিং য়াওবা পেকেজিং তৌরবা পোৎলমশিং, লেবেলশিং, সাইনবোর্দশিং অমসুং পব্লিসিতিগী মচাকশিং মাঙহনখিবনবা খঙহনখ্রে। নুমিৎ ৭গী মনুংদা হায়রিবা ৱাফমশিং অসি থবক ওইনা পাংথোক্ত্রবদি ফামশিং অসিগী মথক্তা আইনগী ওইবা থবকশিং লৌখৎকনি হায়না কে.ভি.আই.সিনা হায়খি।

কে.ভি.আই.সিগী চেয়রমেন বিনাই কুমারনা হায়খি ব্রান্দ নেম “খাদি” লান্না শীজিন্নবা অসিনা ভারতকী মফম কয়াদা লৈরিবা অশেংবা খুৎনা শাবা পোৎথোকশিং পুথোকলিবা ঐখোয়গী খুৎহৈবশিংগী হিংনবা লম্বীদা শিংনবনি। ব্রান্দ নেম খাদি লান্না শীজিন্নবা লনাই মীওই নৎত্রগা ফার্মশিংগী মথক্তা কে.ভি.আই.সিনা অকনবা থবক লৌখৎকনি। মসিনা খাদি খুৎহৈবশিংগী কনবা ঙমগনি অমসুং খাদিগী মিংদা শাশিন্নবা পোৎথোকশিং য়োনবদগী ঙাকথোকপা ঙমগনি।

ব্রান্দ নেম “খাদি ইন্দিয়া” অমসুং মসিগী ত্রেৎমার্ক লান্না শীজিন্নবগী মায়োক্তা হৌখিবা চহি খর অসিদা কে.ভি.আই.সিনা অকনবা থবকশিং পায়খৎতুনা লাক্লি। মসিগী ব্রান্দ নেম লান্না শীজিন্নবা অমসুং খাদিগী মিংদা পোৎথোক কয়া য়োনবগীদমক ফেবইন্দিয়া য়াওনা লনাই ফার্ম ১০০০ হেনবদা কে.ভি.আই.সিনা লিগেল নোতিসশিং থাখ্রে। কে.ভি.আই.সিনা ফেবইন্দিয়াদগী লুপা করোর ৫০০গী শেনফম অমা পীনবা কে.ভি.আই.সিনা খঙহনখি অমসুং কেস অসি হৌজিক মুম্বাই হাই কোর্ততা পন্দুনা লৈরি।

শাশিন্নবা খাদিগী ফিরোল য়োনবদগী খাদি খুৎহৈবশিংগী খুৎশুমল মাংহনখিবা অমসুং মসিগী মিংচৎ থিহনবগীদমক হায়রিবা ফার্মশিং অসিদগী শেন লৌনবা কে.ভি.আই.সিনা আইনগী ওইবা থবক পায়খৎখিবনি। লিগেল নোতিস পীরবা মতুংদা, ফার্ম অয়াম্বনা কে.ভি.আই.সিদা লাল্লে হায়জরকখি অমসুং খাদিগী মিং লান্না শীজিন্নবা মখোয়গী পোৎথোকশিং অমসুং এদভরতাইজমেন্তশিং লৌথোকখি।

ফেস মাক্সশিং খাদি ফেস মাক্স হায়না য়োনবা অমসুং মখোয়গী পেকেদশিংদা প্রধান মন্ত্রীগী ফোতোগ্রাফ শীজিন্নবগীদমক জুলাই ২৭দা চান্দিগরদা লৈবা মীওই অমা এফ.আই.আর লৌখৎনবা কে.ভি.আই.সিনা ৱাকৎখি। চহি অসিগী মে থাদা, দিল্লিগী ফার্ম অমা খাদিগী মিং শীজিন্নদুনা শাশিন্নবা পি.পি.ই কিৎশিং য়োল্লম্বগীদমক কে.ভি.আই.সিনা লিগেল নোতিস থাখি।

*****