কোবিদ-১৯ লায়চৎ অসিনা ইনফ্রাস্ত্রকচর মরাং কায়না লৈতবা খুঙ্গংগী মফমশিংদা রেপিদ দাইগনোস্তিক ফেসিলিতী লিংখৎনবা অনৌবা খোঙথাং লৌখৎহল্লি। মসিনা য়াম্না চেকশিন্নবা থম্বগী মথৌ তাদবা অমদি শেল চংদবা দিবাইজ পুথোকহল্লি। সাইন্তিস্তশিংনা অথুবদা মথৌ তারিবা অসি ফংবা ঙম্নবা রিসর্স প্লান অমা শেম্লি।

সাইন্স অমসুং তেক্নোলোজী বিভাগ (দি.এস.তি.)গী মখাদা লৈবা স্তেৎচুতরী বোদী অমা ওইরিবা সাইন্স এন্দ ইঞ্জিনীয়রিং রিসর্স বোর্দ (এস.ই.আর.বি.)গী মতেংগা লোয়ননা বির্লা ইন্সতিত্যুৎ ওফ তেক্নোলোজী, মেস্রা, রাঞ্চিনা দাইগনোস্তিক কিৎ অসি দেবেলপ তৌনবা বাইওইনফোর্মেতিক্স তুল শীজিন্নদুনা পাম্লিবা পোর্তিন অদু খঙদোক্নবা রিসর্স অমা হৌখ্রে। স্তদী অসিনা অখন্নবা দোমেনগী স্পাইক প্রোতিনগী ওইনা দাইগনোস্তিক কিৎ অসি দিবেলপ তৌরি।

রিসর্সরশিংনা সার্স-কো-ভি২না নারে খঙদোক্নবা এপ্তামের-বেজ দাইগনোস্তিক কিৎ অমা দিবেলপ তৌরি। মখোয়গী স্তদী অসিনা অহানবদা কোরোনা ভাইরসনা থোকহনবা অনাবা অসি খঙদোক্নবা হোৎনগনি লোয়ননা কিৎ অসিনা তোঙান তোঙানবা কোরোনা ভাইরসনা থোকহনবা কোবিদ ১৯গী লায়না অসি য়াওনা মখলশিং (সার্স-কো-ভি১, মর্স) খন্দোক্কনি। চুম্নগী কোরোনা ভাইরসকী লায়না অসি কোরোনা ভাইরস অহুমনা (সার্স-কো-ভি১, মর্স অমসুং কোবিদ ১৯) থোকহল্লিবা লায়না অসিদা য়াওবা কঞ্জর্ব দোমেনদা য়ুম্ফম ওইরগা খঙদোকপা য়াগনি অমরোমদা খন্দোক্নবা কিৎ অসিনা সার্স-কো-ভি১ ভাইরস, সার্স-কো-ভি২ ভাইরস অমসুং মর্স হায়রিবশিং অসিদা মথং শিৎনবা য়াওরিবা কঞ্জর্ব অমসুং নন-কঞ্জর্ব দোমেনগী অপুনবা য়ুম্ফম ওইরগা দিবেলপ তৌগনি।

মোলিকুলর বাইওলোজী অমসুং দ্রগ দেলিবরী দোমেনগী খ্বাইদগী নৌবা খুলাইগা শীজিন্নদুনা দা অভিমন্যু দেব বির্লা ইন্সতিত্যুৎ ওফ তেক্নোলোজী, মেস্রা (বিৎ মেস্রা), রাঞ্চিদা এসিস্তেন্ত প্রোফেসরনা ইন্সতিত্যুৎ অসিগী এসোসিয়েৎ প্রোফেসর দা বেঙ্কেতেসন জয়াপ্রকাশকা লোয়ননা চুংশিন্নদুনা রিসর্স অসি পাঙথোক্লি।  দাইগনোসতিক কিৎ অসি দেবেলপ তৌবা অসি বির্লা ইন্সতিত্যুৎ ওফ তেক্নোলোজী, মেস্রা লেবতা তৌগনি অমরোমদা কিৎ অসি চাংয়েংনা ইন্সতিত্যুৎ ওফ লাইফ সাইন্সেস (আই.এল.এস.), ভুবনেস্বরদা আই.এল.এস. ভুবনেস্বরগী সাইন্তিস্ত ই, দা রাজীব কুমার স্বানগী মীৎয়েং মখাদা পাঙথোক্কনি।

এপ্তামের-বেজ তেক্নোলোজী অসি খ্বাইদগী নৌবা তেক্নিক অমনি। মসিনা লায়না মশিং কয়া চুম্না অমদি মপুং ফাবা মওংদা খঙদোকপা ঙম্মি। মসিগী মথক্তা মসিনা কোবিদ-১৯গী লায়না অসি খঙদোকপদা শেল চংহন্দে অমসুং দিবাইজ অসি থম্বদা য়াম্না চেকশিনবা মথৌ তাবা অদু হন্থহল্লি , মসিনা মরু ওইনা খুঙ্গং অমসুং অরাপ্পা মফমদা লৈবা মীশিংগী ওইনা হান্না লৈরিবা এন্তি-বোদী বেজ দিতেক্সন তেক্নিকশিংদগী হেন্না কান্নবা ওইহল্লি। অতোপ্পা কোরোনা ভাইরসকী লায়নাশিং (সার্স-কো-ভি১ অমসুং মর্স) খঙদোকপা ঙম্বা অসিনা ঐখোয়গী রিসর্স অসিগী অহেনবা কান্নবা অমা ওইরগনি।

কিৎ অসিনা কোরোনা ভাইরসকী লায়না অসি মতম চংদনা খঙদোকপা ঙম্বগী খুদোংচাবা লৈ মরমদি মসি রেপিদ দাইগনোস্তিক কিৎ অমা ওইনা মচুংদা অহোংবা লাকপদা য়ুম্ফম ওইরগা খঙদোকপা ঙম্লগনি। মখা তানা, কিৎ অসি পুথোকপদা শেল চংদবা অমসুং থম্বদা হেন্না চেকশিন্নবগী  মথৌ তাদবা অদু হন্থহন্দুনা এন্তিবদী-বেজ দিতেক্সন তেক্নিক্কা য়েংনবদা কিৎ অসিগী মমল হোংগনি।

ফিগর অসিনা কোবিদ ১৯ লায়না অসি এপ্তামের-বেজ শীজিন্নদুনা খঙদোকপগী স্কিমেতক রিপ‌্রজেন্তেসন উৎলি

[অকুপ্পা ৱারোলগীদমক, পাও ফাওবীয়ু: দা অভিমন্যু দেব, বর্লা ইন্সতিত্যুৎ ওফ তেক্নোলোজী, মেস্রা (বিৎ মেস্রা) ইমেল: abhimanyudev@bitmesra.ac.in, মোবাইল: ৯৯৫৫১৬৫৯১৫

দা বেঙ্কতেসন জয়াপ্রকাশ, বর্লা ইন্সতিত্যুৎ ওফ তেক্নোলোজী, মেস্রা (বিৎ মেস্রা) ইমেল : venkatesanj@bitmesra.ac.in, মোবাইল: ৯৪৭০১৩৭২৬৪ ]

*****