লেবর অমসুং এম্পাৱরমেন্ত মন্ত্রালয়দা এতেচ তৌবা ওফিস অমা ওইরিবা লেবর ব্যুরোগী ওফিসিএল লোগো ঙসি লেবর অমসুং এম্পাৱর্মেন্তগী মিনিস্তর ওফ স্তেৎ (আই/সি) শ্রী সন্তোশ কুমার গঙ্গৱারনা শ্রী হীরালাল সমরিয়া, সেক্রেতরী, এম.ও.এল.এন্দ ই. অমসুং শ্রী দি.পি.এস. নেগি, দোরেক্তর জেনরেল লেবর অমসুং মন্ত্রালয়গী মকোকথোংবা ওফিসরশিং য়াওনা শ্রম শক্তি ভৱন্দা ব্যুরো অসিগী মীৎয়েং অমসুং পান্দমশিং ভিজ্যুল ওইনা খংহন্নবা লোঞ্চ তৌখ্রে।

খোঙথাং অসিবু থাগৎলদুনা লেবর মন্ত্রীনা হায় লেবর ব্যুরো অসি চাং মান্নবা মওং অমদা লৈবাক অসিগী মরুওইবা সেন্তরশিংগী ফেমিলী বজেৎ য়েংশিংন্নবা অমসুং কোস্ত ওদ লিবিং ইন্দেক্স নম্বরশিং কম্পাইল তৌনবা পান্দমগা লোয়ননা শিম্লাদা ১৯৪১দা দিরেক্তোরেৎ ওফ কোস্ত ওফ লিবিং অমা ওইনা লিংখৎখি। লেবর পোলিসী শেম্বগী মতাংদা হেন্না চাউবা লেবর স্তেতিস্তিক্স মথৌ তাবনা ওক্তোবর ১, ১৯৪৬দা দিরেক্তোরেৎ ওফ কোস্ত ওফ লিবিং লিংখৎখি অমদি অহেনবা ফঙ্কসনশিংগা লোয়ননা লেবর ব্যুরো হায়না মমিং ওনখি। মসিদগী হৌনা লেবর ব্যুরোনা জাতিগী থাক্তা তোঙান তোঙানবা লেবরগী হীরমশিংদা স্তেতিস্তিক্স লৌখৎপা, পুনশিনবা, এনালাইসিস অমসুং য়েন্থোকপগী থবক তৌরি।

শ্রী গঙ্গৱারনা লেবর ব্যুরোদা মখোয়গী থবক চত্থবদা মপুং ফানা দিজিতেলাইজেসন তৌবা হেনগৎনবা অমসুং হৌজিক হৌজিক তৌরিবা ওপরেসনশিং অসিদা দেতা এনালাইতিক্স অমসুং আর্তিফিসিএল ইন্তেলিজেন্স শীজিন্ননবা হায়খি।

শ্রী গঙ্গৱারনা পোলিসী শেম্বদা দেতে বেস মরু ওইবা অদু থমখি। অতেনবা মতমগী মনুংদা অচৌবা অমদি অচুম্বা দেতা পীবা ঙম্নবা ইনফোর্মেসন তেক্নোলোজী শীজিন্নবা হেনগৎনবা মহাক্না হায়খি। অথুবদা থবক শুবদা চে য়াওদনা শুবা মথৌ তাবগী মতাংদা পল্লদুনা, অতেনবা মতমগী মনুংদা অচৌবা দেতা খোমজিনবা অমসুং এনালাইসিস তৌবদা দিজিতাইজেসন অমসুং আর্তিফিসিএল ইন্তেলিজেন্সনা মতেং পাংগনি হায়না মন্ত্রীনা থাজবা থমখি। মহাক্না মখা তারদুনা হায় সরকারনা থবক পীনবগী থবক লৌখৎলিবা অসিদা অচুম্বা দেতা অসি য়াম্না মরুওই।

থৌরম অসিদা মন্ত্রী অমসুং সেক্রেতরী (এল অমসুং ই)না মিদিয়াগী মীওইশিংদা হায় চহি চামা শুরবা লেবর এক্ত ৪৪ কোদ মরিদা পুনশিনখ্রে, মসিগী মনুংদা ৱেজ কোদতি হান্ননা চৎনখ্রে অমসুং কোদ অহুম হায়বদি সোসিএল সিক্যুরিতী, ইন্দস্ত্রীএল রিলেসন্স অমসুং ওক্যুপেস্নেল সেফতী, হেল্থ অমসুং ৱার্কিং কন্দিসন্স অসি হান্ননা লোক সভাদা পুথোকখ্রে অমসুং হেক চৎনবগা “ইজ ওফ দুইং ব্যুজিনেস”তা ভারতকী রেঙ্কিং অসি য়াম্না ৱাংখৎলক্কনি অমসুং ভারত অসি ইনবেস্তমেন্তকী ময়াম্না পাম্নবা মফম অমা ওইরগনি অমসুং মসিগী তঙাই ফদবা প্রোবিজনশিং অসিগী লেবর ব্যুরোনা দেতা লেপ্পা লৈতনা খোমজিল্লগনি অমসুং লেবর ব্যুরোদা স্তেত্যুতরী পাৱরশিং পীনবা কোদশিং অমসুং রুলশিং পীরগনি।  

লেবর সেক্রেতরীনা লেবর ব্যুরোদা ১০০% পর্সেন্ত দিজিতাইজেসন অমসুং ইনবেস্তিগেতরশিং অমসুং সর্ভেয়রশিং ত্রেকিং তৌনবা খংহনখ্রে। মহাক্না ব্যুরোদা দেতা কলেক্সন অমসুং মেথোদোলোজীশিং ফোর্মশিং অমসুং তাইপশিং হোংদোকপা মথৌ তারকপা য়াবনা লেবর রিফোর্মস লোগী মতাংদা দেতা খোমগৎনবা খংহনখ্রে।

লেবর ব্যুরো শক্তাক্লিবা নৌবা লোঞ্চ তৌখ্রবা লোগো অসি দেতাদা য়ুম্ফম ওইবা ওর্গনাইজেসন অমনি মসিনা ৱার্করশিং অমসুং থবক্কা মরী লৈনবা দেতাগী মতাংদা থবক তৌরি। লোগো অসিনা লেবর ব্যুরোনা ক্বালিতী লৈবা দেতা পুথোক্নবা হৌৎনবদা থম্লিবা পান্দম অহুম হায়বদি এক্যুরেসী, ভেলিদিতী অমসুং রেলাইএবিলিতীবু শক্তাক্লি। হীগোগ মচুগী চকা অসি থবক চল্লাইরিবা চকা অদু শক্তাক্লি, হিগোগ মচু ওইরিবা অসিনা তাক্লি ঐখোয়না ব্লু কোলর ৱার্করশিংগা লোয়ননা থবক তৌই তাক্লি, তশেংবদা দেতা অসি আকা অকুম নাই অদুনা গ্রাফ অসি মথক খক্তদা কাদে মরমদি তশেং-তশেংবা অদু উৎলি। মচু অহুমগী গ্রাফ অসিনা জাতিগী ফীরালগা মচু মান্নরি লোয়ননা গেহু মতোনশিং অসিন খুঙ্গংগী লৌউ শিংউদা থাদরিবা পাঙ্গলগী মহৈ অদু তাক্লি, মসি পুম্নমক অসি লোগো অসিদা মফম চানা ফজনা হাপলি।

লেবর ব্যুরোগী মথৌ অসি ইন্দস্ত্রিএল শীন্মীশিংগী কঞ্জুমর প্রাইস ইন্দেক্স, ইন্দস্ত্রিএল, লৌউ-শিংউ অমসুং খুঙ্গংগী শীন্মীশিংগী এগ্রিকলচর অমসুং রুরেল লেবর নম্বরশিং; থবক তৌবা/ থবক তৌদবগী খুশুমলগী রেৎকী ইন্দেক্সশিং অমসুং দেতা, ইন্দস্ত্রীগী ওর্গনাইজ অমসুং অনওর্গনাইজ সেক্তরদা ইন্দস্ত্রিএলগী মরীশিং, সোসিও-ইকোনোমিক্কী ফীভমশিং অসিগুম্বা মরুওইবা ইকোনোমিক ইন্দিকেতরশিংগী স্তোর্হাউস অমা ওইনা মথৌ তৌরি। লেবর ব্যুরো লেবর ইন্তেলিজেন্স, রিসর্চ, মোনিতর তৌবা/ইভাল্যুএসন অমসুং ত্রেনিংগুম্বা মরু ওইবা মথৌ তৌরিবা লেবর স্তেতিস্তিক্সকী লমদা লৈবা অপুনবা জাতিগী থাক্কী ওর্গনাইজেসন অমনি।

*****