কেমিকেল্স অমসুং ফর্তিলাইজর মন্ত্রালয়
ফার্মাস্যুতিকেলগী দিপার্তমেন্তনা ফার্মা সেক্তরগী দোমেস্তিক কেপাসিতি চাওখৎনবা চান্নবা মওংগী খোঙথাং কয়া লৌখৎখ্রে: শ্রী গৌদা
সরকারনা লৈবাক অসিদা বল্ক দ্রগ পার্ক অমসুং মেদিকেল দিভাইস পার্ক চাওখৎনবা স্কীম কয়া হৌদোকখ্রে
বল্ক দ্রগ পার্ক অমসুং মেদিকেল দিভাইস পার্কনা লুপা করোর ৭৭৯০০ হেনবা শেন্থং ফংবগী অমসুং মীওই ২,৫৫,০০০ থবক ফংলবা য়াই: শ্রী গৌদা
Posted On:
20 AUG 2020 2:23PM by PIB Imphal
কেমিকেল অমসুং ফর্তিলাইজরগী য়ুনিয়ন মিনিস্তর শ্রী দি.ভি. সদানন্দা গৌদা হায়খি মদুদি ফার্মাস্যুতিকেলগী দিপার্তমেন্তনা ফার্মা সেক্তরগী দোমেস্তিক কেপাসিতি চাওখৎনবা চান্নবা মওংগী খোঙথাং কয়া লৌখৎখ্রে। মহাক্না হায়খি মদুদি শ্রী নরেন্দ্র মোদীনা হন্দক্তা হায়খি মদুদি ‘ইন্দিাদী ফার্মা ইন্দস্ত্রী অসি ইন্দিয়া খক্তগী নত্তনা মালেমগী ওইবা লন্নি। অসিনা মরুওইনা চাওখৎলবা লৈবাকশিংদা হিদাক্কী মমল হন্থহন্দুনা অচৌবা শক্লোন অমা লৌরি।
সি.আই.আই.গী ১২শুবা মেদতেক গ্লোবেল সমিত চার্তিংগী দ মেদতেক রুত তু আত্মানির্ভর ভারত হৌদোকপদা শ্রী গৌদানা হায়খি মদুদি, লৈবাক অসিগী দ্রগ সেক্যুরিতি মপাঙ্গল কনখৎনবা, সরকার অসিনা ফার্মা সেক্তরগী আত্মানির্ভারতা শাগৎনবা লেপ্লি। সরকারনা লৈবাক অসিদা বল্ক দ্রগ পার্ক অমসুং মেদিকেল দিভাইস পার্ক চাওখৎনবা স্কীম কয়া হৌদোকখ্রে। পার্ক অসিগী ময়ামগী ওইবা পোৎ-চৈ শেমগৎনবা হোৎনবদা সেন্তরনা পীরিবা মতেং অসিদগী হেন্দোক্তুনা য়ুনিয়ন গবর্নমেন্তনা প্রদক্সন লিঙ্কেদ ইন্সেন্তিব (পি.এল.আই.) পীথদুনা পার্ক অসিদা বল্ক দ্রগ অমসুং মেদিকেল দিভাইস পুথোকপদা মতেং পীরি।
মিনিস্তরনা হায় মদুদি সরকারনা ৫%গী কান্নবা পীদুনা ফিস্কেল চহি ২০২১-২২ দগীনা ২০২৫-২৬ ফাওবা চহি মঙা অসি, অপুনবা চাদিং লুপা করোর ৩৪২০গী শেন্ফম হেনগৎহনগদৌরি। ফার্মাস্যুতিকেলগী দিপার্তমেন্তনা হান্ননা স্কীম অসি ২০২০গী জুলাইগী ২৭তা শেম্দোক্লবা নিয়ম অমা থাদোকখি। নুমিৎ ১২০গী ওইবা মতম অমা এপ্লিকেসন ফাইল তৌনবা পীরি। মহাক্না হায়খি মদুদি কম্পিশিংনা স্কীম অসিগী খুদোকচাবা লৌনবা চপ চাবা মতম্নি।
ময়া অনি পানবা থাংগী লালোংগুম পুক্নিং থৌগৎপা অমসুং ময়ামগী ওইবা ইনফ্রাস্ত্রকচর অসিনা পোত্থোক্কী মমল ৱাংলিবা অসি তাথরকপা য়ারি। মসিনা দোমেস্তিক কম্পনিশিং অসি মপাল লৈবাকশিংগা চাংদম্নবা য়ারি, চহি ২-৩গী মতম অসিদা শ্রী নরেন্দ্র মোদীগী লুচিং মখাদা লৌখৎখিবা সরকার অসিগী অচুম্বা পোলিসিনা ফার্মা সেক্তরনা আত্মানির্ভার ওইবদা মতেং ওইরি মদুদা নত্তনা দোমেস্তিক্কী চংগদবা অদুদগী হেন্দোক্তুনা মালেমগী অপামবশিং মমল য়াম্দবা অফবা হিদাক অমসুং হিদাক্কী পোৎ-চৈশিং ফংহল্লি।
শ্রী গৌদানা খঙহল্লী মদুদি বল্ক দ্রগ অমসুং মেদিকেল দিভাইস পার্কনা লুপা করোর ৭৭৯০০ হেনবা শেন্থং ফংবগী অমসুং মীওই ২,৫৫,০০০ থবক ফংলবা য়াই। “মেদিকেল সেক্তর খক্তদা শেন্থং ফংবা অসি লুপা করোর ৪০০০০ অমসুং মীওই ১,৪০,০০০ থবক ফংবগী খুদোংচাবা লৈগনি,” হায়না মহাক্না হায়খি।
******
(Release ID: 1647399)
Visitor Counter : 147