কেন্দ্রগী হকশেল অমসুং য়াইফ য়ুম্বাল মন্ত্রী দাঃ হর্শ বর্ধান্না ফুদ সেফতী অমসুং স্তেন্দর্দ ওথোরিতী ওফ ইন্দিয়া (এফ.এস.এস.এ.আই.)না মখোয়গী ইৎ রাইৎ চেলেঞ্জকী শরুক অমা ওইনা ওনলাইন্দা পাঙথোকপা ওরিএন্তেসন ৱর্কশোপ্তা দিজিতেলগী খুত্থাংদা লুচিংদুনা ৱা ঙাংখ্রে। মহাক্না এফ.এস.এস.এ.আই.গী ‘ইৎ রাইৎ চেলেঞ্জ’ হেন্দবুক অমসুং ৱেবসাইৎ eatrightindia.gov.in সু  ‘ইৎ রাইৎ ইন্দিয়া’বু লৈবাক শিনবা থুংনা খুমাং চাউশিলহনবদা স্তেকহোলদরশিংবু তেংবাংনবা লোঞ্চ তৌখি। থৌরম অসিদা হকশেল অমসুং য়াইফ য়ুম্বালগী রাজ্য মন্ত্রী শ্রী অশ্বিনি কুমার চৌবেসু শরুক য়াখি।

হকশেল অমসুং য়াইফ য়ুম্বাল মন্ত্রালয়গী মখাদা এফ.এস.এস.এ.আই.না হৌদোক্তুনা চত্থবা ‘ইৎ রাইৎ ইন্দিয়া’গী ইহৌ অসিনা মীয়ামদা তেক্ত কায়দবা, হকশেল ফবা অমসুং তুং কোইনা অফবা চিঞ্জাক চাবগী হৈনবী লৈবগী মতাংদা ৱারোল কয়া খঙহন্দুনা লাক্লি। মসিগী পান্দম অসি ফংনবা অমসুং মসিবু মীয়ামগী ইহৌ অমা ওইহন্নবা এফ.এস.এস.এ.আই.না চহিগী ওইনা জিলা অমসুং শহর ১৯৭তা ফুদ সেফতী অমসুং মসিগী চৎন-কাঙলোনশিংবু তোপ তোপ্পা মওংদা মপাঙ্গল কলহন্নবা, কঞ্জ্যুমরশিংদা খঙহন্নবা অমসুং মখোয়দা অফবা চিঞ্জাক খনবগী হৈনবী লৈনবা হায়দুনা হন্দক্তা ইৎ রাইৎ চেলেঞ্জ হৌদোকখি। ফুদ সেফতী কম্মিস্নরশিং অমসুং দিস্ত্রিক্ত মেজিস্ত্রেৎ অমসুং শহরগী দেজিগনেতেদ ওফিসারগুম্বা জিলাগী ওফিসিএলশিংসু ওনালাইনগী থৌরম অদুদা শরুক য়াখি।

ইৎ রাইৎ  ইন্দিয়া (ই.আর.আই.)গী থবকশিং অসিবু ওফিসিএলশিংনা মখোয় মখোয়গী মফমশিংদা ইন্নবা অমসুং খুমাং চাউশিলহনবদা তেংবাংগদবা কান্নরবা ‘ইৎ রাইৎ হেন্দবুক’ অসি পুথোক্লদুনা দাঃ হর্শ বর্ধন্না হায়খি, “চিঞ্জাক অসি চাক লাম্বা অমসুং মহাও খক্তগী নত্তে, তৌবতবু মসি হকশেল অমসুং হকচাংদা কান্নহন্নবনি। মান্নবা পান্দম অমা ফংনবা অচৌবা রেস্তুরেন্তশিংগী চেফশিংসু শরোক ময়াদা লৈবা চানবা মফমশিংদা থোকহনলক্লিবা অসি ৱর্কশোপ অসিগী তোপ তোপ মগুন্নি”।

থৌরমদুদা শরুক য়ারিবা জিলা অমসুং শহর ১৯৭কী ওফিসিএলশিংদা ৱা ঙাংলদুনা মহাক্না কেম্পেন অসিগী হৌজিক ওইরিবা তঙাই ফদবশিংগী মতাংদা মিৎয়েং চংখি। ভারত্তা লৈরিবা মীওই কোতি ১৩৫গী মনুংদা মীওই মিলিয়ন ১৯০না চাবা ফংদবগী অমসুং অতোপ্পা মীওই মিলিয়ন ১৮০না কা হেন্না নোইবগী ফিভমদা লৈরি হায়খি। অঙাং মিলিয়ন ৪৭তি চাউবা হেন্দনা লৈরি অমসুং অতোপ্পা মিলিয়ন ২৫ অমনা মফম মরাং খঙদনা লৈরি। মিলিয়ন ৫০০দি মাইক্রো-ন্যুত্রিএন্ততা ৱাৎলি অমসুং মিলিয়ন ১০০না চিঞ্জাক্তগী শন্দোকপা লায়নানা নারি। মসিগী ইহৌ অসিনা চিঞ্জাক, ন্যুত্রিসন অমসুং চাবা অমসুং দাইতরী হেবিৎশিংগী মতাংদা খঙহন্দুনা হায়রিবা খুদোংচাদবশিং অসি ঙাকথোকপদা তেংবাংবগী মতাংদা অথুবা মিৎয়েং চংফম থোকই হায়খি। মসিনা চিঞ্জাক মাঙহনবা অমসুং চিঞ্জাক হৈদোকপগী হীরমশিংদা অহেনবা মিৎয়েং চংহনবসু ঙমগনি।

থৌরম অদুদা শরুক য়ারিবা মীয়ামদা ইং ২০২২গী ৭৫শুবা নিং-খা তম্বা নুমিৎ ফাওবগী মনুংদা অনৌবা ভারত অমা শেম্বগী প্রধান মন্ত্রীনা খঞ্জরিবগী মতাংদা পল্লদুনা কেন্দ্রগী হকশেল মন্ত্রীনা হায়খি, “ সেনিতেসনগী পথাপ শোনবদগী থোক্লকপা লায়না কয়া মাঙহনখিনবা হায়দুনা প্রধান মন্ত্রীনা ইং ২০১৪গী ওক্তোবর ২দা স্বছ ভারত অভিয়ান হৌদোকখি। লৈবাক অসিদা ঈশিংদগী শন্দোকপা লায়না কয়া থিংনবা হায়দুনা য়ুম্থোং খুদিংদা তোতি ঈশিং ফংহন্নবা জল জীবন মিসন হৌদোকখি অমসুং মৈখু অমসুং থবোম্বী লায়নাশিংদগী ঙাকথোক্নবা অশেংবা ফুএল পীনবা উজ্বালা য়োজনা পায়খৎখি”। পোশন অভিয়ান, এনেমিয়া মুক্ত ভারত অমসুং ফিৎ ইন্দিয়া মুবমেন্তকী মরু ওইবশিংগী মতাংদা পল্লদুনা মহাক্না মখোয়শিং অসি “ইং ২০২২ ফাওবগী মনুংদা ফংগদবা অনৌবা ভারতকী প্রধান মন্ত্রীগী কোর্নরস্তোনশিং”নি হায়খি। অয়ুশমান ভারত হেলথ অমসুং ৱেলনেশ সেন্তরগী মরু ওইবা মিৎয়েং চংফম অসি ঙাকথোকপা, অফবা অমসুং প্রোমোতিব হেলথনি হায়না মন্ত্রীনা হায়খি। ঐচ.দবল্যু.সি. অসিনা হকশেল ফবা ভারত অমা ওইহনবা হায়রিবা প্রধান মন্ত্রীগী মঙলান অসিগী মপুং ওইবা শরুক অমনি।

দাঃ হর্শ বর্ধন্না মখা তানা হকশেল ফবা চিঞ্জাক অমসুং ন্যুত্রিসন্না কুইনা নাগনবা লায়নাগা মায়োক্নবদা লৌরিবা মরু ওইবা থৌদাংশিংগী মরমদা হায়খি। অফবা চিঞ্জাক্না মীওই অমগী লায়না অমগী মায়োক্তা নীংহন্নদবা অমসুং ঙাকথোকপা ঙম্বগী থৌওংদা য়াম্না তেংবাংই হায়রদুনা দাইবেতিস, হাইপর্তেন্সন, কার্দিওবাস্ক্যুলারগী খুদোংচাদবনচিংবদগী মীওই ৬১.৮% লৈখিদবগী থৌওঙ্গ অসি ফত্তবা চিঞ্জাক চাবগা হকথেংননা নত্ত্রগা নাকোইননা মরী লৈনৈ হায়খি। ত্যুবরকুলোসিস, মচি ফংবা চিঞ্জাক চাদবদগী শোইনাইবনচিংবা লৌনগনবা লায়নাশিং অসি মসিগী মরমদগীনি। ইমুং অমখক্তদা লৈবা মীওইশিংসু ন্যুত্রিসনগী খুত্থাংদা ইম্ম্যুনিতীগী মতুং ইন্না মখোয়না কোবিদকী মতাংদা তোঙান তোঙানবা মওং উৎলি।

শ্রী অশ্বিনি কুমার চৌবেনা  “চিঞ্জাক অমগা হকচাংগা লৈরিবা মরীদা য়ুম্ফম ওইদুনা চিঞ্জাক্কী কাংলুপ খায়দোক্তুনা অচুম্বা মওংদা চাবগী কাঙলোনগী মরমদা তাক্লিবা চহি য়াম্লবা অমসুং নাৎকী ওইবা অয়ুর্বেদগী লৌশিংগী” মতাংদা পনখি। ভগ্বৎ গীতা অমসুং উপানিশদতগী ৱারোল কয়া পল্লদুনা মহাক্না নাৎকী ওইবা চাবগী হৈনবী অমসুং পাম্বীদা য়ুম্ফম ওইবা চিঞ্জাক্কী মতাংদা মহাক্না পনখি। হকশেল ফনা চাবগী হৈনবী অমসুং হকচাং শাজেল তৌবগী পথাপ পুন্সিনবা অসিনা অফবা অমসুং হকশেল ফবা ভারত অমা ওইহনগনি হায়না মহাক্না হায়খি।

এফ.এস.এস.এ.আই.গী চেয়রপর্সন মিস রিতা তিওতিয়া অমসুং এফ.এস.এস.এ.আই.গী সি.ই.ও. শ্রী অরুন সিংহালসু থৌরম অদুদা দিজিতেলগী খুত্থাংদা শরুক য়াখি।

****