থবক শুবা, মীয়ামগী ৱাকৎ অমসুং পেন্সন মন্ত্রালয়

প্রধান মন্ত্রী নরেন্দ্র মোদীনা পুৱারী ওইরবা ৱারেপ অমা লৌদুনা নেস্নেল রিক্রুইতমেন্ত এজেন্সি (এন.আর.এ.) লিংখৎপদা য়ুনিয়ন মিনিস্তর দোক্তর জিতেন্দ্রনা থাগৎলি


কেন্দ্র সরকারগী থবকশিং হাপ্নবগী থৌরাংশিংদা অওনবা পুরক্নবা লম্বী এন.আর.এনা শেম্লগনি: দোক্তর জিতেন্দ্র সিংহ

এন.আর.এ অসি কেন্দিদেৎশিংগী খুদোংচাবা অমসুং শেন য়াম্না তিংদবা অপুনবা অমনি: দোক্তর জিতেন্দ্র সিংহ

জিলা খুদিংমক্তা কম্মন ইলিজিবিলি তেস্ত(সি ই তি) পাংথোক্তুনা খুঙ্গংগী নহারোলশিং, নুপীশিং অমসুং ফিবম চাদ্রবা কেন্দিদেৎশিং য়াম্না লাইনা তেস্ত শরুক য়াবা ফংলগনি

এন.আর.এদা মোক তেস্ত, ২৪x৭ হেল্পলাইন অমসুং গ্রিভান্সেস রিদ্রেসেল পোর্তেল লৈগনি

Posted On: 19 AUG 2020 5:38PM by PIB Imphal

দোনরগী রাজ্য মন্ত্রী(মনিংতম্বা), পি.এম.ও, পর্সোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা ঙসি হায়খি কমন ইজিলিবিতি তেস্ত পাংথোক্নবা নেস্নেল রিক্রুইতমেন্ত এজেন্সি অমা লিংখৎনবা মন্ত্রীমন্দলনা ৱারেপ লৌখিবা অসি কেন্দ্র সরকারগী থবকশিং হাপ্নবগী লমদা পুৱারী ওইবা, মিৎয়েং শানবা অমসুং অওনবা অমনি। মসিনা সরকারগী থবক হাপ্নবগী থৌরাংদা অহোংবা পুরক্লগনি। নেস্নেল রিক্রুইতমেন্ত এজেন্সি(এন আর এ)না গ্রুপ বি অমসুং সি(নন-তেক্নিকেল)পোস্তশিংগীদমক কেন্দিদেৎশিং খন্নবা কমন ইলিজিবিলি তেস্ত অমা পাংথোক্কনি।

Revolutionary reform to bring ease in recruitment process through Common Eligibility Test to be conducted by #NationaRecruitmentAgency is a historic landmark decision taken today in the #CabinetMeeting chaired by PM Sh @narendramodi. pic.twitter.com/zYpZIZa3Y2

— Dr Jitendra Singh (@DrJitendraSingh) August 19, 2020

দোক্তর জিতেন্দ্রনা হায়খি খোঙথাং অসিনা থবক হাপ্পা, খনবা অমসুং থবক ফংনবা হোৎনবা লাইহনবা খক নত্তনা জিলা অমদা সেন্তর অমা লিংখৎতুনা পুন্না সেন্তর ১০০০ থমদুনা হিংবদা লাইহনগনি। থবক অসিনা মনুং-হুঞ্জিনবা অমসুং চীংগী মফমশিংদা লৈবা কেন্দিদেৎশিংদা চাউনা মতেং পাংগনি অমসুং মরুওইনা নুপীমচাশিং মখোয়গী মমল য়াম্লবা মতম অমসুং শেন কনবা ঙমগনি।

মহাক্না হায়খি মথং চহিদগী এন.আর.এ থবক হৌরগনি অমসুং দিল্লিদা হেদক্বাতর লৈগনি। কোওপরেতিপ ফেদেরেলিজমগী অচুম্বা ৱাখল্লোন্দা শরুক য়ানবা মিনিস্তরনা রাজ্য সরকারশিংদা খঙহনখি। তুংদা লনাই কম্পেনিশিংসু এন.আর.এদা শরুক য়াগনি হায়বগী থাজবা মহাক্না থমখি। মহাক্না হায়খি এন.আর.এদা রেলৱেজ মিনিস্ত্রি, ফাইনান্স মিনিস্ত্রি, এস.এস.সি, আর.আর.বি অমসুং আই.বি.পি.এসকী মীহুৎশিং য়াওগনি। কেন্দ্র সরকারগী থবক লৌনবগী খ্বাইদগী অনৌবা তেক্নোলোজিশিং শীজিন্নদুনা এন.আর.এ অসি অখন্নবা লুপ অমা ওইনবা পান্দম থম্লি।

দোক্তর জিতেন্দ্রনা হায়খি এন.আর.এগী মখাদা চহি অমদা তেস্ত অনিরক পাংথোক্কনি অমসুং কেন্দিদেৎশিংনা ফংখিবা অদু চহি অহুম চৎনগনি। হিন্দি অমসুং ইংলিসকী মথক্তা, লোন ১২দা তেস্তশিং পাংথোক্কনি অমসুং তুংদা সংবিধানগী ৮সুবা সেদুলদা চল্লবা লোনশিং য়াওহন্নবা হোৎনগনি। তোঙান-তোঙানবা রিক্রুইতমেন্ত এজেন্সিশিংগী পরিখা ময়াম্না কেন্দিদেৎশিংদা অচৌবা পোৎলুম অমা ওইহল্লি অমসুং হঞ্জিন-হঞ্জিন চাদিং তৌবা, লো অমসুং ওর্দরগা মরী লৈনবা ৱাথোক কয়া মায়োক্নহল্লি।

মহাক্না হায়খি হায়রিবা পরিখাশিং অসিদা চাউরাক্না কেন্দিদেৎ করোর ২.৫দগী করোর ৩ ফাওবা শরুক য়াই,অদুবু কমন ইলিজিবিলিত তেস্ত পাংথোকপা অসিনা হায়রিবা কেন্দিদেৎশিং অসিনা অমুক খক শরুক য়াগনি অমসুং হায়রিবা রিক্রুইতমেন্ত এজেন্সিশিং অসিগী অৱাংবা থাক্কী পরিখা অমা হেক্তা নৎত্রগা পুম্নমক শরুক য়াবা য়াগনি। মসিগী থবক অসি কেন্দিদেৎ পুম্নমক্কী থৌজাল অমা ওইরগনি।

*****



(Release ID: 1647107) Visitor Counter : 89