কোবিদ লাইচৎ অসিনা মরুওইনা খুঙ্গংগী মফমশিংদা হকশেলগী লমদা শেমগৎ শাগৎকদবা লৈরিবশিং অসি পুথোকপীরে। লৈকাই-লৈকাইগী থাক্তা কোবিদ-১৯ অনাবা খঙদোক্নবা, স্কৃনিং তৌনবা, থিদোক্নবা, তোখাইহন্নবা অমসুং লাইয়েংনবগীদমক্তদি পুথোক পুশিন য়াবা হোস্পিতালশিং অসিনা হকশেলগী লমদা শেমগৎ শাগৎকদবা হেনগৎলক্লিবসি খরমখৈ কোকহনবা ঙম্লগনি।

ভারত সরকারগী সাইন্স অমসুং তেক্নোলোজী বিভাগকী মখাদা লৈবা শ্রী চিত্র তিরুনাল ইন্সতিত্যুৎ ফোর মেদিকেল সাইন্সেস অমসুং তেক্নোলোজী (এস.সি.তি.আই.এম.এস.তি.)না আই.আই.তি. মদ্রাসনা শেমগৎপা স্তার্ত-অপ অমা ওইরিবা 'মোদ্যুলস হাউসিং'গা খুৎশম্নদুনা লৈকাইগী থাক্তা পুথোক পুশিন য়াবা অপীকপা স্ত্রকচরশিং শীজিন্নদুনা কোবিদ-১৯ অনাবা খঙদোকপা, মফম শিনবা অমসুং লাইয়েংবগী দিসেন্ত্রেলাইজ ওইবা লম্বী অমা পুথোকখ্রে।

এস.সি.তি.আই.এম.এস.তি.গী সাইন্তিস্ত শ্রী সুভাস এন.এন. অমসুং শ্রী মুরালিধরন সি.ভি., অমসুং শ্রী শ্রীরাম রবিচন্দ্রন, চীফ একজিক্যুতিব ওফিসর, মোদ্যুলস হাউসিংগা মহাক্কী মখা তাবশিংগা লোইননা পুথোক পুশিন য়াবা "মেদিকেব" কৌবা অপীকপা স্ত্রকচর অমা পুথোকখ্রে, হায়রিবসি মফম মফমগী ফিবম য়েংদুনা পানখৎপা য়াই, পুথোক পুশিন য়াই, কুইনা চৎলি, পানখৎপদা লাই অমসুং লৈগদৌরিবা মীদুগী অপাম্বগী মতুং ইন্না শেমদুনা পীবা য়াই। হায়রিবসি থুপচিনবসু য়াই অমসুং কাখল মরি য়াওরি – দোক্তরগী কা অমা, তোখাইনা থম্নবা কা অমা, মেদিকেল রুম/ৱার্দ অমা অমসুং ফমুং অনী ওইবা আই.সি.য়ু. অমনি, হায়রিবশিং অসি নেগেতিব প্রেসরদা থম্মি। হায়রিবসি পুথোক পুশিন তৌবা য়াই, অমসুং করিগুম্বা লৈমাই অমহেক্তদা পানখৎপা য়াই অমসুং পুং অনীগী মনুংদা মীওই মরিখক্তনা হেক্তা পানখৎপা য়াই। মেদিকেবতা য়াওরিবা কাশিং অসি মতীক চানা নুংশিৎ নুংশাদগী ঙাকথোকই অমসুং উফুল ৱাইফুল চঙদে। মশাদা অদুমক থিঞ্জন্দুনা শীজিন্নবা য়াবা মৈ য়াওজৈ। মেদিকেব অসি অকনবা ঈশিং নুংশিৎকী ফিবম মতীক চানা মাইওক্নবা ঙমই অমসুং অকনবা নোং চঙদে।

হায়রিবসি মফম অমদা হেক্তমক লাইনা পানখৎপা য়াবা তেক্নোলোজী অমসুং মসিগা লোইনরিবা অশাংবা ফ্রেমশিং অসিনা মোদেল অসিবু মশাগী পাকপা চাউবদগী শরুক ১/৫ খক্তমক চাউহনবসু য়াই, মসিনা পুথোক-পুশিন অমসুং শীজিন্নবা লোইরবা মতুংদা থমজিনবদা খুদোংচাহল্লি। হায়রিবা পুথোক-পুশিন য়াবা য়ুনিৎ অসি পাক চাউবগী মখল অহুমদা লাকই – স্ক্বারফীৎ ২০০, ৪০০, অমসুং ৮০০। হায়রিবা য়ুনিৎ অসি কার খাম্ফমদগী হৌদুনা হোস্পিতালগী লম্পাক মচা অমদা হেক্তা অরৈবা লমগী চাং য়েংদুনা অমসুং তঙাইফদবগী মতুং ইন্না পানখৎপা য়াই।

হৌজিক্কী ওইনদি চেঙ্গালপেৎ, চেন্নইগী সুগাঐচহেলথকোর্প প্রাইবেৎ কোর্পোরেসন্দা লুপা লাখ ৩৪ চঙনা ফমুং ৩০ লৈবা হোস্পিতাল অমা, অমসুং অতোপ্পা ফমুং ১২ লৈবা লুপা লাখ ১৬ চঙবা হোস্পিতাল অমা ৱেনাদ, কেরলাগী প্রাইমরী হেলথ সেন্তর, ভরাদুর- গবর্নমেন্ত ওর্গনাইজেসন্দা মাই পাক্না জোন মরিগী হোস্পিতাল ওইনা লিংখৎখ্রে।

মোদ্যুলস হাউসিংগী কাংবুনা হায়রি, মদুদি হায়রিবসি কোবিদ-১৯ আইসোলেসন ৱার্দ ওইনা শীজিন্নবা য়ানবগীদমক দিজাইন অনী শীজিন্নদুনা শাবনি। মোদ্যুলস হাউসিংনা এল.এন্দ তি., তাতা গ্রুপ, অমসুং শাপুরজি, সেল্কোদা ঈচাউগী মতমদা খুদক্কী ওইবা য়ুমগী অমা ওইবগী তঙাইফদবদু পীখ্রে। কেন্দ্রগী হ্যুমেন রিসোর্স মন্ত্রালয়না মখোয়গী সোসিএল মীদিয়া প্লেৎফোর্মদা মখোয়না হোৎনরিবসিবু থাগৎপা ফোংদোকখি।

"থুপচিনবা য়াবা, পুথোক-পুশিন য়াবা, মফম অমহেক্তদা খন্দোক্তুনা শীজিন্নবা য়াবা থুনা শেমগৎপদা লাইবা হোস্পিতালশিং অসিনা লাইচৎ, অমাং-অতা অমসুং অতোপ্পা খুদোংথীবশিংদা তঙাইফদবা উপাইশিং পীবদা মতেং পাংলগনি" হায়না প্রোফেসর অশুতোশ শর্ম, সেক্রেতরী দি.এস.তি.না ফোংদোকখি।

[মখা তাবা অকুপ্পা মরোলগীদমক, শ্রী সুভাশ এন.এন. (Subhashnn@sctimst.ac.in) অমসুং শ্রী শ্রীরাম রবিচন্দ্রন (Shreeramdpm[at]gmail[dot]com) দা পাউ ফাওবীয়ু

অইবাঃ

ভারত্তগী হৌখিবা, ই.আর. আর্বিন্দ কুমার প্রজাপতি অসি শ্রী চিত্রা তিরুনাল ইন্সতিত্যুৎ ফোর মেদিকেল সাইন্স অমসুং তেক্নোলোজীদা সাইন্তিস্ত/ইঞ্জিনীয়র ওইদুনা হৌজিক ত্রিবান্দ্রম, কেরলাদা লৈ। আর্বিন্দ, মেদিকেল দিবাইস, ন্যু প্রদক্ত দিবেলপমেন্ত প্রোসেস (এন.পি.দি.পি.), সি.এ.দি. মোদেলিং (পি.তি.সি. ক্রিও), দিজাইন কন্ত্রোল দোক্যুমেন্ত (দিওভি.ভি., দি.এফ.মেকা), ভেরিফিকেসন এক্তিবিতী অমসুং তোলরেন্স এনালাইসিস, ফাইনাইৎ ইলিমেন্ত এনালাইসিস, ৱেলদিং,  খুউ অমসুং নিংজোনগী শরুগী বাইওমেকানিক্স, জিওমেত্রিক দাইমেন্সনিং অমসুং তোলরেন্স (জি.দি.অমসুং তি.), মেন্যুফেকচরিং মেথদ, খুউ অমসুং নিংজোনগী ইন্সত্রুমেন্ত দিজাইন তৌবা অমসুং শাবদা চহী নিপাল হেন্না থবক তৌদুনা লাকখ্রে।

ৱেব পেজঃ https://sctimst.ac.in/People/arvind]

*****