কেন্দ্ৰীয় শিক্ষা মন্ত্ৰী শ্ৰী ৰমেশ পখৰিয়াল ‘নিশাংকে’ অনলাইন মাধ্যমৰ জৰিয়তে  আইআইএম ৰায়পুৰৰ প্ৰাক্ স্নাতক পাঠ্যক্ৰমৰ একাদশ বেটছ আৰু ফেল’ (ডক্ট’ৰেল) পাঠ্যক্ৰমৰ নৱম বেটছৰ মুকলি অনুষ্ঠানত অংশগ্ৰহণ কৰে৷ আইআইএম ৰায়পুৰৰ বিঅ’জি, অধ্যক্ষ শ্ৰী শ্যামলাল গোপীনাথ, সঞ্চালক অধ্যাপক ভৰত ভাস্কৰো এই অনুষ্ঠানত উপস্থিত থাকে৷

অনুষ্ঠানটোত ভাষণ প্ৰদান কৰি শ্ৰী পখৰিয়ালে পিজিপিৰ একাদশ বেটছ আৰু এফপিএমৰ নৱম বেটছক আইআইএমৰ কেম্পাছলৈ আদৰণি জনায়৷

ভাষণ প্ৰসংগত শ্ৰী পখৰিয়ালে নতুন ৰাষ্ট্ৰীয় শিক্ষানীতিৰ বিষয়েও উল্লেখ কৰে৷ এই সন্দৰ্ভত চৰকাৰে ২০৩৫ চনৰ ভিতৰত দেশত উচ্চ শিক্ষাৰ মুঠ পঞ্জীয়নৰ অনুপাত ৫০%লৈ বৃদ্ধি কৰাৰ উদ্দেশ্যৰ বিষয়ে মন্ত্ৰীগৰাকীয়ে আলোকপাত কৰে৷ তেওঁ কয় যে ইয়াৰ জৰিয়তে আইআইএমৰ দৰে প্ৰতিষ্ঠানসমূহেও অৰিহণা আগবঢ়াব৷ শিক্ষাৰ্থীসকলে জীৱনৰ নতুন প্ৰান্তত উপস্থিত হোৱাৰ পৰিপ্ৰেক্ষিতত মন্ত্ৰীগৰাকীয়ে তেওঁলোকক শুভেচ্ছা জ্ঞাপন কৰি ভাষণৰ মোখনি মাৰে৷

ইয়াৰ পিছতে আইআইএম ৰায়পুৰৰ সঞ্চালক অধ্যাপক ভৰত ভাস্কৰে শিক্ষা মন্ত্ৰী শ্ৰী ৰমেশ পখৰিয়াল ‘নিশাংক’, শিক্ষা মন্ত্ৰালয়, চট্টিশগড় চৰকাৰ, আইআইএম ৰায়পুৰৰ কৰ্তৃপক্ষ তথা আইআইএমৰ শিক্ষক আৰু কৰ্মচাৰী মণ্ডলীক ধন্যবাদ জ্ঞাপন কৰে৷ অধ্যাপকগৰাকীয়ে ২০২০-২০২২ বৰ্ষৰ পিজিপিৰ শিক্ষাৰ্থীসকলকো আদৰণি জনায়৷

******

MC/AKJ/AK/MANN