পাৱর মন্ত্রালয়গী মখাদা কেন্দ্রগী পি.এস.য়ু. ওইনা লৈরিবা অমসুং লৈবাক অসিগী খ্বাইদগী চাউবা পাৱর পীবা কম্পেনী এন.তি.পি.সি. লিমিতেদনা ফ্লাই এশপু মপৈ ওইনা লাপ্না লৈবা সিমেন্ত প্লান্তশিংদা অহোঙবা মমলদা পুথোক পুশিন তৌনবা ইনফ্রাস্ত্রকচর অমা উত্তর প্রদেশকী রিহান্দ প্রোজেক্ততা শেমখ্রে। মসিগী থবক অসি পাৱর প্লান্তশিংগী ফ্লাই এশ অসিবু ১০০%দা শিজিন্নবা ঙম্নবা এন.তি.পি.সি.না পায়খৎলিবা খোঙথাংগী মনুং চনবনি।

এন.তি.পি.সি. লিমিতেদনা থোকপা ৱারোল অমগী মতুং ইন্না ফ্লাই এশ মেত্রিক তোন (এম.তি.) ৩৪৫০ পুবা বি.ও.এক্স.এন.গী মওং ওইবা রেলৱে ৱেগোন ৫৯গী অহানবা রেক অসি এন.তি.পি.সি. রিহান্দগী সুপর থর্মেল পাৱর স্তেসন্দগী কিলোমীতর ৪৫৮ লাপ্না লৈবা য়ু.পি.গী তিকারিয়াগী এ.সি.সি. সিমেন্ত মেন্যুফেকচরিং প্লান্তকীদমক্তা এন.তি.পি.সি. রিহান্দগী একজেক্যুতিব দাইরেক্তর শ্রী বালাজি আয়েঙ্গরনা লম্থাখ্রে। থৌরম অসিদা এন.তি.পি.সি. রিহান্দগী অতোপ্পা সেনিয়র ওফিসিএলশিংসু য়াওখি।

ইস্ত সেন্ত্রেল রেলৱেগী জেনেরেল মেনেজর শ্রী ললিৎ ত্রিবেদি অমসুং এ.সি.সি.গী হেদ সপ্লাই চেনগী শ্রী সুরেশ রথিনা মহাক্কী কাংবুশিংগা লোয়ননা ভিদিও কনফরেন্সিংগী খুত্থাংদা থৌরম অসিদা শরুক য়াখি। অহানবা ত্রাঞ্চ অসি থাদোক্নবা হায়দুনা এন.তি.পি.সি. রিহান্দগী ওফিসিএলশিংনা মকোক থোংবা সিমেন্ত পুথোকপশিংগা লোয়ননা ফ্লাই এশপু তারপাউলিন্না য়োম্লবা বি.ও.এক্স.এন ৱেগোনশিংদা পুথোক পুশিন তৌবা হৌনবগীদমক্তা ইস্ত সেন্ত্রেল রেলৱেদা হায়জখি। মসিগী অনৌবা থৌওঙ্গ অসিনা ফ্লাই এশপু পাৱর প্লান্তশিংদগী লাপ্না লৈবা সিমেন্ত পুথোকপা মফমশিংদা চাং য়াম্না নীংথিনা অমসুং তেক্ত কায়দনা পুবদা তেংবাংলগনি।

থৌওং অসিনা ফ্লাই এশপু অকোয়বগা চান্নবা মওং অমসুং অহোঙবা মমলদা পাৱর প্লান্তশিংনা মনুং চংশিনবা মফমদগী মসিগী শিজিন্নফম ওইরিবা সিমেন্ত প্লান্তশিং ফাওবা পুবা য়ানবা ইন্দিয়ন রেল ৱেজনা পোৎশিং অসিবু হাপ্নবা অহেনবা মেতরিএল ফংহন্দুনা ফ্লাই এশ অসিবু শিজিন্নবা হেনগৎহনবগী থৌওং অসিনা অনৌবা য়ুগ অমগী লম্বী য়াৎলি। শেনবা চহি ২০১৯-২০গী মনুংদা অপুনবা ওইনা পুথোকখিবা এশকী চাউরাক্না মিলিয়ন তোন ৪৪.৩৩দি তোঙান তোঙানবা কান্নবা থবকশিংদা শিজিন্নখি অমসুং মসিগী চাং অসি ৭৩.১৩% ওইগনি।

মসিদা নত্তনা কম্পেনী অসিনা ফ্লাই এশতা য়ুম্ফম ওইবা জিও-পোলীমর লম্বী, সিমেন্ত কঙ্ক্রিত্তা লৈঙোইগী মহুত্তা মখা থংবা এশ ওইনা শিজিন্নবগী পোত্থোক অসি শেন্নবগী অনৌবা থৌওং কয়া অমসু য়েংলি। মসিগা লোয়ননা এন.তি.পি.সি.না মীরমদা থাদোক্নবগীদমক্তা ফ্লাই এশকী মখল খায়দোক্নব্যা প্লান্ত শেম্বগী তৌরাংসু তৌরি।

অপুনবা ইন্সতোল্দ কেপাসিতী জি.দবল্যু. ৬২.৯গা লোয়ননা এন.তি.পি.সি. গ্রুপকী কোয়লাগী ২৪, কম্বাইন্দ সাইকল গ্যাস/লিক্বিদ ফুএলগী ৭, হাইদ্রোগী ১, রিন্যুএবলশিংগী ১৩গা লোয়ননা সবসিদরী অমসুং জে.ভি. পাৱর স্তেসন ২৫ য়াওনা পুন্না পাৱর স্তেসন ৭০ লৈ। গ্রুপ অসিগী জি.দবল্যু. ৫গী রিন্যুএবল ইনর্জী প্রোজেক্ত য়াওনা জি.দবল্যু. ২০গী কেপাসিতী লৈবা প্লান্ত কয়া অমা শাগৎলি।

***