ভারতকী রাস্ত্রপতি শ্রী রাম নাথ কোবিন্দনা ঙসি (ওগস্ত ১৬, ২০২০) বর্চুএলগী খুত্থাংদা ভারতকী হান্না প্রধান মন্ত্রী ওইরম্বা শ্রী অতল বিহারি বাজপায়না লৈখিদবগী চহি ২শুবগী কুমওন্দা ইন্দিয়ন কাউন্সিল ফোর কলচরেল রিলেসন্স (আই.সি.সি.আর.)গী ময়ায়লোইশঙদা মহাক্কী অয়েকপা লাই অমা হাঙদোকখ্রে। শ্রী অতল বিহারি বাজপায়না ফোরেন মন্ত্রী ওইরিঙৈদা মার্চ ১৯৭৭তগী ওগস্ত ১৯৭৯ ফাওবদা আই.সি.সি.আর.গী এক্স-ওফিসিও প্রসিদেন্ত ওইনা থৌ পুরম্মি।

ঙসিগী বর্চুএলগী খুত্থাংদা পাঙথোকপা থৌরম অসিদা ৱা ঙাংবদা রাস্ত্রপতিনা ভারতকী রাজনিতীগী লমদা মশক থোকপা তাঙ্কক কয়া শেম্লম্বা মশক নাইরবা লৈবাক নিংবা মীওই অসিদা ঐখোয়না ঙসি ইকায় খুম্নবা উৎলি হায়খি। অতলজীনা মীওই পুম্নক্না য়ানগদবা অমসুং গনতন্ত্রগী ওইবা ৱাখল্লোন কয়াদা অচেৎপা থাজবা থমখি হায়না মহাক্না ফোঙদোকখি। মহাক্না মহাক্কী তোপ তোপ্পা মগুন চেনবা মওং অসিগী মুৎনাইররোইদবা খুদম কয়া থম্লমখি উমসুং পার্তীগী থৌমী, পারলিয়ামেন্তকী মেম্বর, মরু ওইবা পারলিয়ামেন্ত কম্মিতীগী চেয়রমেন, ওপোজিসনগী লুচিংবা, ফোরেন মন্ত্রী অমসুং প্রধান মন্ত্রী ওইনা তোঙান তোঙানবা থৌদাং কয়া লৌদুনা কান্নবা থবক কয়া অমা তৌরমখি। অতলজীনা পাঙথোক্লম্বা থৌওং কয়া অসিনা রাজনিতী দলশিং অমসুং মীয়ামগী থবক তৌবা মীওইশিংদা লৈবাক্কী ফনবা খনবা অসিনা খ্বাইদগী অহেনবা থবক্নি হায়না উৎলমখি।

ঙসিদি মালেম অসি কোবিদ-১৯না মরম ওইদুনা চরাংনহল্লে হায়না রাস্ত্রপতিনা হায়খি। অদুবু লায়চৎ অসিদগী মায় পাক্না থোক্লক্লবা তুংদদি ঐখোয়না চাউখৎপা অমসুং নুংঙাই য়াইফবগী মাইকৈদা খোঙজেল থুনা চংশিল্লগনি অমসুং অতলজীনা ২১শুবা চহি চা অসিগী ভারতকী চহি চা ওইবগী মঙলানবুসু মঙফাওনবা ঙম্লগনি হায়না হায়খি।

ঙসি অয়ুক অঙনবদা রাস্ত্রপতিনা মমাংদা প্রধান মন্ত্রী ওইরম্বা শ্রী অতল বিহারি বাজপায়গী নীংশিং খুভম – সদাইব অতলদা চত্তুনা ইকায় খুম্নবা উৎখি।

রাস্ত্রপতিনা ৱা ঙাংবা অসি হিন্দিদা পানবা মফমসিদা নম্বীয়ু

***