কম্যুনিকেসন অমসুং ইনফোর্মেসন তেক্নোলোজী মন্ত্রালয়

মথংগী নুমিৎ ১০০০দা খুঙ্গং খুদিংমক ওপ্তিকেল ফাইবর কেবল (ও.এফ.সি.) কন্নেক্তিবিতীনা শম্নহল্লগনিঃ প্রধান মন্ত্রী শ্রী নরেন্দ্র মোদী

লক্ষদ্বীপসু নুমিৎ ১০০০গী মনুংদা সমুদ্রদা পুবা ওপ্তিকেল ফাইবর কেবলনা শম্নহল্লগনি

Posted On: 15 AUG 2020 4:55PM by PIB Imphal

 “মথংগী নুমিৎ ১০০০দা খুঙ্গং খুদিংমক ওপ্তিকেল ফাইবর কেবল (ও.এফ.সি.) কন্নেক্তিবিতীনা শম্নহল্লগনি” হায়না প্রধান মন্ত্রী শ্রী নরেন্দ্র মোদীনা ঙসি অঙনবদা নিংতম্বা ফংবগী ৭৪শুবা কুমওন্দা ৱা ঙাংবদা লাউথোকখ্রে। ইং ২০১৪গী মমাংদা পঞ্চায়ৎ দজন ৫ খক্তা ওপ্তিকেল ফাইবর কেবলনা শম্নহল্লম্মি হায়না শ্রী মোদীনা হায়খি। মমাংগী চহি ৫ খক্তদা গ্রাম-পঞ্চায়ৎ চাউরাক্না লাখ ১.৫ অসি ওপ্তিকেল ফাইবর কেবলনা শম্নহনখ্রে। ভারতকী খুঙ্গংশিংনা দিজিতেল ইন্দিয়াদা শরুক য়ারকপা অসিনা ভারতকী খল ঙাকপদা য়াম্না মরু ওই হায়না মহাক্না হায়খি। থৌওং অসি ওইথোকহন্নবা ঐখোয়না ওপ্তিকেল ফাইবর কেবলগী নেৎৱর্ক অসি চাউথোকহল্লি। মসিনা নুমিৎ ১০০০গী মনুংদা খুঙ্গং লাখ ৬তা য়ৌবা ঙম্লগনি।

মসিগী মরু ওইবা লাউথোকপা অসিগী মতাংদা প্রধান মন্ত্রী শ্রী নরেন্দ্র মোদীবু থাগৎপা ফোঙদোক্লদুনা ইলেক্ত্রোনিক্স অমসুং আই.তি. অমসুং কম্ম্যুনিকেসন মন্ত্রী শ্রী রবি শঙ্কর প্রসাদনা অসুম্না ত্বীৎ তৌখি, “ঙসিদি নহাক্না তেলিকম্ম্যুনিকেসন বিভাগতা নুমিৎ ১০০০গী মনুংদা ভারতকী খুঙ্গংশিংবু ওপ্তিকেল ফাইবর কেবলনা শম্নহনবগী থৌদাং অমা শিন্নরে। মসি দিজিতেল ইন্দিয়াগী অচৌবা অহোংবা পুরকপা অমনি। অদোমগী ইথিল অসিনা ঐখোয়বু থবক অসি তৌহল্লগনি”।

নিংতম্বা ফংবগী চহি ৭৪শুবগী থৌরমদা ৱা ঙাংবদা প্রধান মন্ত্রীনা মথংগী নুমিৎ ১০০০গী মনুংদা লক্ষাদ্বীপসু নুমিৎ ১০০০গী মনুংদা সমুদ্রদা পুবা ওপ্তিকেল ফাইবর কেবলনা শম্নহল্লগনি হায়না লাউথোকখি। “ঐখোয়গী চাউরাক্না ইথৎ ১৩০০ লৈ। মখোয়গী লৈফম অমসুং লৈবাক অসি চাউখৎহনবদা লৈরিবা মরু ওইবশিং অসি য়েংলবা মতুংদা ইথৎশিং অসিদা অনৌবা প্রোজেক্ত পায়খৎপগী থবক তৌবা হৌরে। ঐখোয়না অথুবা মতমদা চাউখৎহন্নবা ইথৎ খরা খনগৎলে। ঐখোয়না নুংঙাইবা ইন্তর্নেৎ পীনবা হায়দুনা হন্দক্তা অন্দমান অমসুং নিকোবর ইথৎপু ঈশিংদা পুবা কেবলগী খুত্থাংদা শম্নহনখ্রে। মথংদা ঐখোয়না লক্ষাদ্বীপ্পু শম্নহনগনি” হায়না মমিং লৈরবা লাল কিলাদা মহাক্কী নিংতম্বগী ৱা ঙাংবদা ফোঙদোকখি। হন্দক্কী চয়োলগী অহৌবদা প্রধান মন্ত্রী শ্রী নরেন্দ্র মোদীনা দিল্লী অমসুং চেন্নইদা ফংলিবা অয়াঙবা ইন্তর্নেৎকা মান্নবা খোঙজেল য়াঙবা ব্রোদবেন্দ কন্নেক্তিবিতী অসি য়ুনিয়ন তেরিতরী (য়ু.তি.) অসিদা পীনবা চেন্নই অমসুং অন্দমান অমসুং নিকোবর ইথৎকী মরক্তা অহানবা ওইনা ঈশিংদা পুবা ওপ্তিকেল ফাইবর লিঙ্ক অমা শঙ্গাখ্রবনি।

লক্ষাদ্বীপ ইথত্তা খোঙজেল য়াঙবা ইন্তর্নেৎ সর্বিস পীবগী লাউথোকখিবা অদুগা মরী লৈননা শ্রী প্রসাদনা মসিগী ইথৎশিং অসি নুমিৎ ১০০০গী মনুংদা সবমেরিন ওপ্তিকেল ফাইবরনা শম্নহন্নবা পান্দম থমখ্রে হায়না ত্বীৎ তৌখি। অন্দমান অমসুং নিকোবর ইথৎপু শম্নহনখিবগুম্না কম্ম্যুনিকেসন মন্ত্রালয়গী তেলিকম্ম্যুনিকেসন বিভাগনা হন্দক্কী অসিসু য়াম্না থুনা শম্নহল্লগনি হায়খ্রে।

খুঙ্গংশিংবু ও.এফ.সি.না অমসুং লক্ষাদ্বীপ ইথৎপু সবমেরিন ও.এফ.সি.না শম্নহনগদৌরিবা অসিনা খুঙ্গংগী মফমশিংদা লৈরিবা মীওইশিং অমসুং লক্ষাদ্বীপকী মীওইশিংবুসু অফবা অমসুং অহোঙবা কন্নেক্তিবিতী ফংহনবা তেংবাংলগনি অমসুং মসিনা ওনলাইন্দা মহৈ তম্বা, তেলিমেদিসিন, বেঙ্কিংগী পথাপ, ওনলাইন ত্রেদিং, তুরিজম ফগৎহনবা অমসুং হৈ-শিংবদা ফগৎহন্দুনা দিজিতেল ইন্দিয়াগী খুদোংচাবা কয়া অমসু পীরগনি।

******



(Release ID: 1646172) Visitor Counter : 3