সোসিয়েল জস্তিস অমসুং ইম্পৱার্মেন্ত মন্ত্রালয়
শ্রী থাৱরচান্দ গেহলোৎনা ‘নশামুক্তা ভারত কেম্পেন’দা য়াওগদবা দিস্ত্রিক্ত কল্লেক্তর ২৭২ অমসুং রাজ্যগী সেক্রেতরী ৩১গী মীফম অমদা ৱেবকাস্তকী খুত্থাংদা ৱা ঙাংখ্রে
রাজ্য সরকারশিং অমসুং দিস্ত্রিক্ত কলেক্তর ২৭২না “নশা মুক্ত ভারত” কেম্পেন ওগস্ত ১৫, ২০২০দা হৌদোক্কনি মসি মার্চ ৩১, ২০২১ ফাওবা থা ৭ চত্থগনি
Posted On:
14 AUG 2020 6:34PM by PIB Imphal
কেন্দ্রগী সোসিএল জস্তিস অমসুং এম্পাৱর্মেন্ত মন্ত্রী শ্রী থাৱরচান্দ গেহলোৎনা কেম্পেন অসি হৌদোক্তুনা চাউনা কান্নবা পীনবা ঙসি এন.আই.সি.গী ৱেবকাস্ত অমগী খুত্থাংদা “নশা মুক্ত ভারত” কেম্পেনদা য়াওবা রাজ্যশিং অমসুং জিলাশিংগী দিস্ত্রিক্ত কলেক্তর ২৭২, রাজ্যগী সেক্রেতরী ৩১, এন.জি.ও./ভি.ও. ৫০০ হেন্না, নর্কোতিক্স কন্ত্রোল ব্যুরোগী ওফিসরশিং, এন.দি.দি.তি.সি., এমসকী দোক্তরশিং অমসুং প্রোফেস্নেলশিং অমসুং অতোপ্পা ওফিসরশিংগী মীফম অমদা ৱা ঙাংখ্রে। মহাক্না কেম্পেন অসিগী পোস্তর মরিসু হৌদোকখি। থৌরম অসিদা সোসিএল জস্তিস অমসুং এম্পাৱর্মেন্তগী মিনিস্তর ওফ স্তেৎ শ্রী কৃষ্ণ পাল গুর্জর, শ্রী রাম দাস অথাৱালে অমসুং শ্রী রত্তন লাল কতারিয়ানা ৱারোল পীখি। এম/ও এস.জে. এন্দ ই.গী সেক্রেতরী শ্রী আর সুব্রহমনয়ম্না থৌরম হৌদোকপগী ৱারোল পীখি। প্রোগ্রাম অসিদা এম/ও এস.জে. এন্দ ই.গী জোইন্ত সেক্রেতরী শ্রীমতী রাধিকা চক্রভর্তীনা পাৱর পোইন্ত প্রজেন্তেসন অমগী খুত্থাংদা নশা মুক্ত ভারত কেম্পেনগী অসিগী মনুংদা পায়খৎকদবা মোদেলিতীশিং অমসুং থবক থৌরমশিং উৎখি।
![https://static.pib.gov.in/WriteReadData/userfiles/image/image001V2SQ.jpg](https://static.pib.gov.in/WriteReadData/userfiles/image/image001V2SQ.jpg)
থৌরম অসিদা শ্রী গেহলোৎনা মহাক্কী ৱারোলদা সবস্তেন্স য়ুজনা খ্বাইদগী হেন্না শোকহল্লবা জিলা ২৭২ খন্দোক্তুনা সোসিএল জস্তিস অমসুং এম্পাৱর্মেন্ত মন্ত্রালয়না ‘নশামুক্ত ভারত কেম্পেন’ শেমদুনা ইমপ্লিমেন্ত তৌখ্রে হায়না ফোঙদোকখি। রাজ্য সরকারশিং অমসুং দিস্ত্রিক্ত কল্লেক্তর ২৭২না ওগস্ত ১৫, ২০২০দা নশামুক্ত ভারত কেম্পেন অসি হৌদোকতুনা মার্চ ৩১, ২০২১ ফাওবা থা ৭ চত্থগনি। জিলা অমসুং রাজ্যগী থাক্তা নশামুক্ত ভারত কম্মিতিশিংনা কেম্পেন অসিগী লালোং অমসুং এক্সন প্লান অমা লৌখৎকনি। কম্মিতিশিং অসিনা কেম্পেনগী থবক থৌরমশিং মপুং ফানা ইমপ্লিমেন্ত তৌবা ঙমহনগনি অমসুং কেম্পেন অসিগী পান্দমশিং ফংহন্নবা হোৎনগনি। জিলা ২৭২ অসি নার্কোতিক্স কন্ত্রোলব্যুরো অমসুং মন্ত্রালয় অসিনা নেস্নেল সর্ভে পাকশন্না তৌবগী ফাইন্দিংশিংদা য়ুম্ফম ওইরগা খন্দোকপনি।
শ্রী গেহলোৎনা হায় সরকার অসিনা নশা মুক্তা ভারতকীদমক কত্থোক্কনি। ২০১৭দা থাদখিবা শেন্থং লুপা কোতি ৪৩ ওইরম্বা অসি ২০২০দা লুপা কোতিদা হেনগৎখ্রে ।শরুক মঙা হেনগৎপা অসিনা সরকারনা কেম্পেন অসি কয়াম মরু ওইনা লৌই হায়বা তাক্লি। মহাক্না রাজ্যশিংগী সরকারশিনা এন.এ.পি.দি.দি.আর. স্কিমশিং মপুং ফানা চল্লাইবগীদমক থাগৎপসু ফোঙদোকখি।
![https://static.pib.gov.in/WriteReadData/userfiles/image/image002V1XX.jpg](https://static.pib.gov.in/WriteReadData/userfiles/image/image002V1XX.jpg)
কেম্পেন অসিনা খ্বাইদগী শোকহল্লবা জিলা ২৭২দা হকশেল বিভাগকী খুত্থাংদা নার্কোতিক্স ব্যুরো , সোসিএল জস্তিসকী আউৎরিচ/এৱের্নেস অমসুং লায়েংদুনা মায়কৈ অহুমদগী পুন্না হোৎন্দুনা খোঙথাং লৌখৎপদা মীৎয়েং থম্লি। কেম্পেন অসিদা মখাদা পীরিবা মচাকশিং অসি য়াওরি:
- এৱের্নেস পীনবা প্রোগ্রামশিং;
- হায়র এজুকেস্নেল ইন্সতিত্যুৎশিং, য়ুনিভর্সিতী কেম্পসশিং অমসুং স্কুলশিংদা মীৎয়েং থম্বা;
- শোকহল্লবা মীশিংগী কম্ম্যুনিতী আউৎরীচ তৌবা অমসুং খঙদোকপা;
- হোস্পিতালগী মফমশিংদা লায়েংবগী খুদোংচাবশিং ফংহনবদা মীৎয়েং থম্বা; অমসুং
- সর্ভিস প্রোভাইদরগী কেপাসিতী বিল্দিং প্রোগ্রামশিং।
সবস্তেন্স এবুজ অসি লৈবাক অসিগী অচৌবা সমস্যা অমা ওইরক্লি মসিনা শোকহল্লিবা অসি দ্রগ শীজিন্নরিবা মীওই খক নত্তনা ইমুং-মনুং অমসুং খুন্নাইদা চাউনা শোকহল্লি। সমস্যা অসি কোকহন্নবা ঙাকথোকপা হায়বা অসিনা খ্বাইদগী ফাবা লালোং ওইরি। সোসিএল জস্তিস অমসুং এম্পাৱর্মেন্ত মন্ত্রালয়না দ্রগ দিমান্দ রিদক্সনগী নোদেল মন্ত্রালয় ওইনা ঙাকথোকপা, সমস্যা য়েংশিনবা, য়ুজরশিং লায়েংবা অমসুং রিহেবিলিতেসন তৌবা, মীয়ামদা ই-পাও শন্দোকপা অমসুং এৱের্নেস পীবা য়াওনা তোঙান তোঙানবা খোঙথাংশিং পায়খৎলি, ইমপ্লিমেন্ত অমসুং মোনিতর তৌরি। লৈবাক অসিদা সবস্তেন্স এব্যুজকী সমস্যা অসিগী চাং অসি খঙদোক্নবা, মন্ত্রালয় অসিনা ভারতকী লৈরিবা মীশিং অসিদা মখল কয়াগী সবস্তেন্সশিং শীজিন্নরিবা অমসুং সবস্তেন্স য়ুজ দিসওর্দরশিংনা নাহল্লবশিংগী চাং খঙদোকপা ঙম্নবা পাক শন্না সবস্তেন্স য়ুজ কদায় ফাওবা অমসুং করম্বা মওংদা তৌরিবনো হায়বগী নেস্নেল সর্ভে পাঙথোক্লি। নেস্নেল সর্ভেগী ফাইন্দিংশিং অসি ২০১৯গী চহিদা ফোঙখি।
******
(Release ID: 1645910)
Visitor Counter : 142