ঙাকশেল মন্ত্রালয়
কোবিদ-১৯গী য়েংলদুনা হয়েং লাল কিলাদা পাঙথোক্কদবা নিং-খা তম্বগী কুমওন পালনগী থৌরমগীদমক্তা এম.ও.দি.না অখন্ননা শিল-লাংখ্রে
Posted On:
14 AUG 2020 10:56AM by PIB Imphal
ঙাক-শেল মন্ত্রালয়না ওগস্ত ১৫, ২০২০দা লাল কিলাদা নিং-খা তম্বগী ফিরাল চিংখৎপগী থৌরম অমা কোবিদ-১৯না হৌজিক ওইহল্লিবা ফিভমগা মরী লৈনবা চেকশিন থৌরাং কয়া লৌখত্তুনা লৈবাক্কী ওইবা থৌরম অসিগী শেংলবা অমসুং চাউথোকচনিংঙাই ওইবা ইথিল কয়াগী খল কায়হন্দনা পাঙথোক্কদৌরি।
- মী য়াম্না তিনবা ওইদনবা মীওইশিংনা পরিং নাইনা চৎপা য়ানবা হায়দুনা ফম্নবা জগাশিং অমসুং খোং-লম্বীশিং অসি উবাক অমসুং কার্পেৎ থাদুনা থম্লে। নীংথিনা মিং থাদুনা মতিক চানা লাপ্ননা থম্লবা অহেনবা দোর ফ্রেম মেতল দিতেক্তর কয়া থমদুনা মী চিলহন্দনবা অমসুং লাক্লিবা মীওইশিংবু নীংথিনা চঙকপা য়াহন্নবা শেমখ্রে। গারি খাম্ফম মফম অয়াম্বশিং অসি চেক্না খাজিন্দুনা অমসুং লৈমায় হৈদুনা গারিশিংবু য়াম্না নুংঙাইবা মওংদা চঙথোক চঙশিন য়ানবা শিল লাংখ্রে।
- গার্দ ওফ হোনরগী মীওইশিং অসি মীয়ামদা তেক্ত কায়দবা ওইহন্নবা হায়দুনা ক্বারেন্তাইন তৌদুনা থম্লক্লি।
- থৌরম অসিদা মীয়ামগী ফমফমগী পথাপ অসি “দো গজ কি দুরী”দা (মীথুং অনিগী মরক্তা ফুৎ ৬কী অরাপ্পা থম্বা) য়ুম্ফম ওইদুনা শেম্নবি।
- থৌরম অসিদা শরুক য়াবা অসি বার্তোন ফংবখক্তনা য়াগনি অমসুং ভার্তোন ফংদবা মীওইশিংদি মফম অসিদা লাকপিদনবা হায়খ্রে। ওফিসিএলশিং, দিপ্লোমেৎশিং, পব্লিক্কী মেম্বরশিং অমসুং মীদিয়ানচিংবা মীওই চাউরাক্না ৪০০০ হেনবদা থৌরম অসি য়াওনবা বার্তোন তৌখি।
- তেক্ত কায়দবা ওইবদা মিৎয়েং থমদুনা এন.সি.সি. কেদেৎশিং (নহা ওইরিবা স্কুলগী মহৈরোয়শিংগী মহুত্তা)বু থৌরম অসি য়েংনবা কৌখ্রে অমসুং মখোয়শিংনা গ্যানপথতা ফমগনি।
- বার্তোন ফংলবা মীওইশিংদা কোবিদকী চেকশিন থৌরাংগী মরমদা খঙহন্নবা হায়দুনা বার্তোন খুদিংগা লোয়ননা কোবিদকা মরী লৈনবা গাইদলাইনশিংসু পীখি। হীরম অসিগা মরী লৈননা থৌরম অসি লোয়রবা তুংদা মফম অসি থাদোক্তুনা চৎপগী মতাংদা হাথু হাথু তৌদনা ঙৈহাক ঙাইরগা মী খরা কোম্লবা মতুংদা থোকপীনবা মীয়ামদা হায়জবগী চেরোল অমমমসু ফমফম খুদিংদা থমগনি। মসিগী মতাংদসু মতম মতমগী মতুং ইন্না মীয়ামদসু লাউথোক্তুনা খঙহনগনি। ত্রাফিক পুলিসশিংগী এদবাইজরীদসু হীরমসিগী মতাংদা পনগনি। কোয়শিনবা মফম কয়াদা লৈরিবা ওফিসিএলশিংগী খুত্থাংদা মীয়াম্বু পরিং নাইনা তপ্না তপ্না মফম অসিদগী থোকহনবগী থৌওং পাঙথোক্কনি। হীরম অসিগী মতাংদা লাক্লিবা মীওই খুদিংমক্না থৌওং অসিদা মতেং পাংবিনবা হায়জরি।
- সেরেমোনিএল দ্রিলশিংসু সোসিএল দিস্তেন্সিংগী কাঙলোন অমসুং অতোপ্পা চেকশিন থৌরাংশিং ইনগনি।
- মতিক চাবা মেদিকেল বুথশিং, রেম্পার্ত্তা ১, মাধবদাস পার্ক্তা ১ অমসুং ওগস্ত ১৫গী পার্ক্তা ২ থমদুনা মফম অসিদা লাকপা মীওইশিংগী মনুংদা কোবিদ-১৯গী সিম্পতম উৎপা য়াওবশিংবু য়েংশিন্নবা থমখ্রে। মফম মরি অসিদা এম্বুলেন্সসু থমগনি।
- মীয়াম চঙফম খুদিংদা থর্মেল স্ক্রীনিং তৌনবগী থৌরাংসু তৌরি। লাল কিলাগী মনুং অমসুং মপানগী মফমশিংদা সেনিতাইজ তৌবগী থবক কয়া লেপ্তনা অমসুং চাং নাইনা চত্থরি।
- মফমসিদা লাক্লিবা মীওই খুদিংনা মাস্ক উপ্পিদুনা লাক্নবা হায়জখ্রে। মসিগী মথক্তা মফম অসিগী তোঙান তোঙানবা জগাশিংদা য়েন্থোকপা য়ানবা মতিক চাবা মাস্কশিংসু থমখ্রে। মান্নবা ওইনা হায়রিবা মফমশিংদা হেন্দ-সেনিতাইজরশিংসু থমখ্রে। লাক্লিবা মীওইশিংগী পুক্নিং চিংশিন্নবা হায়দুনা দিস্প্লে বোর্দ কয়াসু থমখ্রে।
- এন.সি.সি. কেদেৎশিংনা ফমগদৌরিবা গ্যানপথকী মনিংদা মফম অসিবু য়েংবদা হেন্না নীংথিবা ওইহন্নবা হায়দুনা লৈগী লৈতেং কয়াসু শেম-শাদুনা থমখ্রে।
*******
(Release ID: 1645744)
Visitor Counter : 163