ঙসি দিফেন্স মিনিস্তর রাজনাথ সিংহনা ও.এফ.বি.না পুথোকপা পোৎথোক মরি অমসুং বি.ই.এম.এল.গী পোৎথোক ৪, বি.ই.এল.গী ২ অমসুং হাল, বি.দি.এল, এম.দি.এল, জি.আর.এস.ই অমসুং জি.এস.এল.না পুথোকপা পোৎথোক অমমম হৌদোকখ্রে। ২০২০গী অগস্ত ১৪ ফাওবা চৎথগদবা ‘অত্মা নির্ভর ভারত’ চয়োল থৌরমগী শরুক অমা ওইনা হায়রিবা পোৎথোকশিং অসি দি.পি.এস.য়ুশিং/ও.এফ.বিনা পুথোকপনি। থৌরম অদুদা চীফ ওফ দিফেন্স স্তাফ, জেনেরল বিপিন রাৱাত, দিফেন্স সেক্রেতরি দোক্তর অজয় কুমার, সেক্রেতরি দিফেন্স প্রদক্সন রাজ কুমার অমসুং দি.দি.পিগী সেনিয়র ওফিসারশিং শরুক য়াখি।  ভিদিও কনফরেন্সকী খুৎথাংদা দি.পি.এস.য়ুশিংগী সি.এম.দিশিং অমসুং ও.এফ.বিগী চেয়রমেন থৌরম অদুদা শরুক য়াখি।

থৌরম অদুদা দিফেন্স মিনিস্তরনা হায়খি, ঙাক-শেনগী পোৎলমশিং মশাগী ওক্নবা শাবা অসি ‘অত্মা নির্ভর ভারত অভিয়ান’গী মরুওইবা পান্দমশিংগী মনুংদা অমনি। ‘অত্মা নির্ভর ভারত’কী ইহৌ অসিনা ভারতকী ঙাক-শেনগী খুৎলায়শিং মশাগী ওক্নবা পুথোকপা ঙম্নবা দরকার ওইবা ইথিল পীরগনি। খুৎলায় লৈনবা থৌরাংশিং, পুথোক্নবা থৌশিলশিং অমসুং লৈবাক অসিনা মশানা পুথোকচনবা থৌরাংশিং মওং-মরিল তাহন্নবা দিফেন্স মিনিস্ত্রীগী দিফেন্স প্রদক্সন দিপার্তমেন্তনা থবক পায়খৎপদগী লৈবাক অসিনা মশা মরোমদোম ঙাক-শেনগী খুৎলায়শিং পুথোকপা হেনগৎলক্তুনা ঐখোয়না মপান্দগী পুশিল্লকপগী মখা পোল্লম্বা অদু হন্থরে। মসিনা মরম ওইদুনা ফোরেন একচেঞ্জ মপানদা চৎখিবদগী কনবা ঙম্লে, লৈবাক অসিগী ইন্দস্ত্রি য়োকখৎলে, ভারতনা মপানগী ইথিল ঙাকথোক্লে অমসুং ঙাক-শেনগী খুৎলায়শিংগী অহেনবা পার্তশিং অমসুং শেমজিন-শাজিনবগী থবকশিং লৈবাক অসিদা লৈজরে।

মহাক্না হায়খি, করিগুম্বা সরকারগী দিফেন্স ইন্দস্ত্রিশিংনা লৈবাক মনুং অমসুং মালেমগী ওইনা চাংদম্নবা শরুক য়ারবদি মতমগা চুনদ্রবা থবকশিং তোকখিগনি। সরকারগী দিফেন্স ইন্দস্ত্রিশিং মতেং পাংনবা ঐখোয়না অনৌবা মেনেজমেন্তগী থবকশিং, তেক্নোলোজিশিং অমসুং পুন্না থবক তৌমিন্নবা দরকার ওই। মরম অসিনা সরকারনা ও.এফ.বি কোরপোরেসন ওন্থোক্নবা থবক পায়খৎপা হৌরে। মসিনা মমল লেপ্পদা অপনবা কয়া লৈরিবা অসি লৌথোকপা খক নত্তনা, কোরপোরেত মেনেজমেন্তগী থবকশিং চৎহন্নবা ঙমগনি। মসিনা ও.এফ.বি অনৌবা শক্তম অমা পুরক্নবা হোৎনবদা শিংনবা অমা ওইগনি হায়বা ঐ খঙই অদুবু মসি মাইপাক্কনি হায়বা ঐ থাজবা থম্লি।

ঙসি হৌদোকখিবা খুৎলায়শিং অদুগী মনুংদা, দি.আর.দি.এল হায়দ্রবাদকা লোয়ন্না ওর্দিনান্স ফেক্তরি মেদাকনা পুথোকপা নাগ মিসাইল কেয়িয়র(নামিকা) প্রোতোতাইপ য়াওরি। অহানবা তাঙ্কক্কী ওইনা লুপা করোর ৩৬০ , মখা তারকপা লুপা করোর ৩০০০ য়ৌগদবা মপান লৈবাক্তগী লৈগদবা অদু নামিকানা মহুৎশীনবা ঙমগনি। অতৈ খুৎলায়শিংগী মনুংদা ওর্দিনান্স ফেক্তর ত্রিচিনা শাবা ১৪.৫ এম.এমগী এন্তি মেতেরিএল রাইফল, তি-৯০ তেঙ্কগী কমান্দরস থর্মেল ইমেজর কম দে সাইত অমসুং রাইফল ফেক্তরি ইসাপুরনা পুথোকপা ৮.৬x৭০ এম.এম স্নাইপরগী প্রোতোতাইপ য়াওরি।

দিফেন্স মিনিস্তরনা হায়খি খ্বাইদগী চাউবা ইলেকত্রিক মাইনিং দম্প ত্রকশিংগী মনুংদা অমা ওইরিবা তন ১৫০গী দম্প ত্রক অমসুং তন ১৮০গী অচৌবা মাইনিং এক্সগাভেতর অনি অসি মপানদগী পুশিল্লকপদগী চাদা ২০ হেন্না মমল হোংনা লৈবাক অসিদা দিজাইন তৌবা অমসুং শাবনি অমসুং মসিনা অশেংবা ‘অত্মা নির্ভর’ পোৎথোকশিং ওইনা লুপা করোর ১৫০০ অমসুং লুপা করোর ২২০গী ফোরেন একচেঞ্জশিং কনবা ঙমগনি। বি.ই.এম.এল মেদিয়ম বুল্লেত প্রুপ গারি “গৌর” অসি অকনবা চেসিসনা শাবনি অমসুং লৈবাক অসিদা শাজবা হেলিপোর্তেবল ১০০ হোর্স পৱার দোজর অসি শিংথাবা য়ারবা পোৎথোকশিংনি।

হিন্দস্থান এরোনোতিক্স লিমিতদ(হাল)গী ১৫০সুবা দু-২২৮ এয়রক্রাফ শীজিন্নবা হৌবা অসি লৈবাক অসিনা মশানা শাজবা ঙম্বগী অচৌবা খুমাংচাওশিনবা অমনি। ভারত নেভিনা মেরিতাইম রিকন্সাইসসেস অমসুং ইন্তিলিজেন্স ৱারফিয়ারদা শীজিন্নরিবা ১৫০সুবা এয়রক্রাফ অমা ওইরিবা ইন-২৫৯ অসি হিন্দস্থান এরোনোতিক্স লিমিতদকী তেক্নিকেলগী তৌবা ঙম্বা অদু উৎপনি। কর্নাতাকাগী ইন্দিয়ান ইন্সতিতুৎ ওফ সাইন্সকী চাল্লাকেরে কেম্পসতা স্কিল দিবলপমেন্ত সেন্তর অমা লিংখৎনবা হাল অমসুং ইন্দিয়ান ইন্সতিতুৎ ওফ সাইন্স পুন্না চৎমিন্নরে। সেন্তর অসিগী পান্দমদি লৈকায়গী মীয়ামদগী হৌরগা অৱাংবা থাক্কী ইঞ্জিনিয়ারিংগী শীনফম পায়রিবা মীওইশিংদা ‘মেক ইন ইন্দিয়া’ মিসনগী মখাদা স্কিল হেনগৎহন্নবা থবক কয়া পায়খৎপনি।

লাইনিয়র ভেরিএবল দিফরেনসিএল ত্রান্সদুসর অসি বি.ই.এলনা মপুংফানা দিজাইন তৌবা অমসুং পুথোকপনি , মসিনা তার্গেত লমজিংবা অমসুং থিবদা য়াম্না মরুওইবা অমনি অমসুং ঐচ.এফ এরিএল সুইচিং য়ুনিতকী মহুৎশীনবা ওইনা ১ কিলোৱাত ত্রান্সমিত্তর এরিএল সুইচিং রেক পুথোক্তুনা ভারত নেভিগী মতেং পাংলিবা অসি তশেংনা লৈবাক অসিনা পুথোকচবা পোৎথোকশিংনি।

ভারত দাইনামিক্স লিমিতেদনা দিজাইন তৌবা অমসুং পুথোকপা কোনকুরস লঞ্চরস তেস্ত ইকুইপমেন্ত অসিনা রুসিয়াগী পুশিল্লকপা কোনকুর লঞ্চরশিংগী মহুৎশীন্দুনা য়ু.এস দোল্লর মিল্লিয়ন ১৭.৭গী ফোরেন একচেঞ্জ কনবা ঙম্লগনি।

জি.আর.এস.ইনা দিজাইন তৌবা অমসুং পুথোকপা কার্বোন ফাইবর পোলিমরনা শাবা মখল অসিগী অহানবা পোর্তেবল পেদেস্ত্রিয়ান(এসোল্ত)থোঙ অসি অশেংবা ‘অত্মা নির্ভর’গী পোৎথোক অমা ওইনা ভারত লান্মীগী দরকার ওইবশিং ফংহল্লগনি। 

ভারতকী কোস্ত গার্দ ওফসোর পেত্রোল ভেসেলশিংগী গিয়রবোক্স জি.এস.এলনা পুথোকপা অসি মশাগী ওক্নবা পুথোকপগী মাইপাকপগী ৱারি অমা খক নত্তনা মসি পুন্না থবক তৌমিন্নরিবা লনাই কম্পেনি অমগী মাইপাকপনি, লৈবাক অসিদা মপুংফানা শাজবা ওইদুনা জহাজ ৫ অসিদগী লুপা করোর ৩৭.৫০ কনবা ঙম্লে।

ঙসি চেন্নাইদা এম.দি.এলনা শাবা ঈশিং মনুংগী রিমোত কন্ত্রোলগী গারি লেবোরেতোরিগী চাংয়েং পাংথোকপা হৌখ্রে।

হায়রিবা পোৎথোকশিং অসি দিফেন্স মিনিস্তরনা রিমোত বত্তন অমা নমদুনা হাংদোকখি। লৈবাক অসিনা মশানা খুৎলায়শিং পুথোকচবা অমসুং ‘অত্মা নির্ভর ভারত’ শৌগৎপগীদমক মহাক্না দি.পি.এস.য়ুশিং অমসুং ওর্দিনান্স ফেক্তরিশিংগী মেনেজমেন্ত অমসুং থবক তৌরিবশিং থাগৎখি। ২০২০গী অগস্ত ৭দগী ১৪ ফাওবা ‘অত্মা নির্ভারতা’ চয়োল পাংথোকপগীদমক মহাক্না দিফেন্স প্রদক্সনগী সেক্রেতরি অমসুং মহাক্কী কাংবু থাগৎখি। মহাক্না হায়খি, লৈবাক অসিনা শাবা অনৌবা খুৎলায়শিং ঙসি হৌদোকপা অসিদা দি.পি.এস.য়ুশিং অমসুং ওর্দিনান্স ফেক্তরিশিংনা ‘অত্মা নির্ভর অভিয়ান’গী মাংজিল থাবা ওইগনি অমসুং লৈবাক্কী ঙাক-শেনগী অমসুং মশাগী ওক্নবা পুথোকপদা চাউনা মতেং পাংগনি হায়না ঐঙোন্দা থাজবা পোকহল্লে।

মহাক্না মখা তানা হায়খি, ঙসি হৌদোক্লিবা অসিগী মনুংদা পোৎথোক খর ঙাক-শেনগী দরকার ওইবশিং ফংহনবা খক নত্তনা মীয়ামগী দরকার ওইবশিংদা শীজিন্নগনি। দি.পি.এস.য়ুশিং অমসুং ওর্দিনান্স ফেক্তরিশিং অসি লৈবাক্কী লনশিংনি

অমসুং তেক্নিকেলগী ওইবা তৌবা ঙম্বা কয়া লৈরি। মখোয়গী নিংথিনা শেম-শারবা রিছর্স অমসুং দিবলপমেন্ত অমসুং তেস্ত তৌনবগী খুদোংচাবা অমসুং পোৎথোকশিং শাবা ঙম্বগী থৌনা লৈরি।

*****