অহানবা ওইনা, সাইন্স অমসুং তেক্নোলোজিগী থৌশিল শেম্নবা ভারতনা কমুতিনি রেদিওগী খুৎথাংদা করিসু ফোঙদোকপা ঙমজদ্রবা মীয়ামগী খোল্লাউ তারে।

থৌশিল শেম্বদা তোল্লবশিংদগী হৌরগা মকোক্তা লৈবশিং ফাওবা শরুক য়ানবা অমসুং খুদিংমক কোনশিনবা থবক অমা ওইনবা পান্দমদা সাইন্স অমসুং তেক্নোলোজি দিপার্তমেন্তনা ভারত সরকারগী প্রিন্সিপাল সাইন্তিফিক এদভাইজরগী ওফিসকা লোয়ননা সাইন্স এন্দ তেক্নোলোজি এন্দ ইন্নোবেসন পোলিসি(এস তি আই পি)-২০২০ শেম্নবা থবক পায়খৎপা হৌরে।

অমগা অমগা শম্নবা লম্বী মরিদা য়ুম্ফম ওইবা থৌশিল শেম্বগী থবক অসিদা চাউরাক্না মরী লৈনবা ১৫,০০০ রোম শরুক য়াগনি অমসুং কমুনিতি রেদিওগী খুৎথাংদা খুদিংমক কোনশিনগনি। কমুনিতি রেদিওগী খুৎথাংদা সাইন্স অমসুং তেক্লোলোজিগী মতাংদা মীয়ামগী ৱাখল্লোনশিং লৌশিন্নবা নেসনেল কাউন্সিল ফোর সাইন্স এন্দ তেক্নোলোজি কমুনিকেসন অমসুং সাইন্স অমসুং তেক্নোলোজি দিপার্তমেন্তনা অনৌবা পাম্বৈ অমা পুথোক্লে। লৈবাক অসিদা কমুনিতি রেদিও স্তেসন ২৯১ লৈবগী মনুংদা স্তেসন ২৫ থবক অসিগীদমক মশক খঙদোক্লে। ত্রেনিং পীনবা অমসুং পুন্না চৎমিন্ননবা থবক অসি কম্মনৱেল্থ ইজুকেসনেল মেদিয়া সেন্তর ফোর এসিয়াগী খুৎথাংদা পায়খৎকনি।

সাইন্স অমসুং তেক্নোলোজি দিপার্তমেন্তনা শেম্লিবা থৌশিল অসি খোঞ্জেল ওইনা নুংঙাইরবা জিঙ্গল অমগা লোয়ন্না ভারতকী লোন ১৩দা মশক খঙদোক্লবা কমুনিতি রেদিও স্তেসনশিংদা ২০২০গী অগস্ত ১গী শন্দোকপা হৌরে অমসুং মসি ২০২০গী সেপ্তেম্বর ৩০ ফাওবা শন্দোক্কনি। সাইন্স এন্দ তেক্নোলোজি এন্দ ইন্নোবেসন পোলিসি(এস তি আই পি)-২০২০দা য়াওহন্নবা তোঙান-তোঙানবা মওংদা হায়রিবা স্তেসনশিং অসিদগী দেতা খোমজিনগনি। মীয়ামগী মীহুৎশিংগী লোয়ন্না ফোকস গ্রুপ দিস্কসন(এফ জি দি) পাংথোকপা হৌখ্রে।

লৈবাক অসিগী খুন্নাই অমসুং শেন-থুম চাউখৎহন্নবা মীয়ামদা য়ুম্ফম ওইবা থবকশিং পায়খৎনবা তোঙান-তোঙানবা সাইন্সকী লমশিংদা দরকার ওইবশিংগী মতুংইন্না সাইন্স অমসুং তেক্নোলোজিগী মরুওইবশিং অমুক হন্না খঙদোক্নবা থৌশিল অসিনা পান্দম থম্লি। মীয়াম শরুক য়াবা গনতন্ত্রগী চৎনবী অসি ঙাক্নবা মসিগী থৌশিল অসি শেম্বদা মীয়াম শরুক য়াহন্নবগী নমুনা অদু পায়খৎলে।

সাইন্স অমসুং তেক্নোলোজি দিপার্তমেন্তগী সেক্রেতরি, প্রোফেসার অসুতোস শর্মনা হায়খি, থেংনরিবা খুদোংচাদবশিং মখোঙদগী হৌনা খঙদোকপা অমসুং খুদোংচাদবশিং ফজনা কোকহন্নবা থৌরাং পায়খৎপা অসিনা সাইন্স, তেক্নোলোজি অমসুং ইন্নোবেসনগী থৌশিল শেম্বদা চাউনা কান্নগনি।

*****