ভারতনা নিংখা তমখিবগী ৭৪শুবা নুমিৎ পালন তৌনবা শেম শারবা অসিদা, তুরিজম মন্ত্রালয়গী দেখোঅপনাদেশ ৱেবিনার সিরিজনা “সেলুলর জেল: লেত্তর্স, মেমোর্স এন্দ মেমোরিস” হায়না মিংথোনবা ৱেবিনার ওগস্ত ১০, ২০২০দা খুদোল তমখ্রে।

দেখোঅপনাদেশ ৱেবিনারশিংগী ৪৬শুবা সিরিজ, “সেলুলর জেল: লেত্তর্স, মেমোর্স এন্দ মেমোরিস” অসি ইন্দিয়া সিতী ৱাক্স এন্দ ইন্দিয়া ৱিদ লোকেলসকী সি.ই.. মিস নিধি বন্সাল, ইন্দিয়া ৱিদ লোকেলস অমসুং ইন্দিয়া হেরিতেজ ৱাক্সকী হেদ ওফ ওপরেসন্স দা সৌমি রোই অমসুং ইন্দিয়া সিতী ৱাক্সকী সিতী এক্সপ্লোর্র মিস সোমিত্রা সেন গুপ্তানা লান্থোকখি। দেখোঅপনাদেশ ৱেবিনার সিরিজ অসি এক ভারত শ্রেশথা ভারতকী মখাদা ভারতকী মশিং য়াম্লবা তোঙান তোঙানবা জাতিশিং অসি উৎনবা হোৎনবা অমনি অমসুং মসিনা ভর্চ্যুল প্লেৎফোর্মগী খুত্থাংদা এক ভারত শ্রেশথা ভারতকী ৱাখল্লোন লেপ্তনা শন্দোক্লি।

ৱেবিনার অসিনা ভারতকী নিংতম লানগী ৱারী অদু সেলুলর জেল অসিগী গেলরীশিং অমসুং সেলশিংগী খু্ত্থাংদা উৎলি। ভীর সভার্কর, বি.কে. দত্ত, ফাজল-ই-হগখাইরাবদি, বরিন্দ্রা কুমার ঘোস, সুসিল দাস গুপ্তাগুম্বা খ্বাইদগী অফাওবা রাজনিতি তৌবা বন্দী খরগী পুন্সি অমসুং ৱারীশিং উৎলি। প্রজেন্তেসন অসিদা নেতাজি সুভাস চন্দ্র বোসনা অন্দামানদা ভারতকী নিংখা তম্নবা লৌখিবা মরু ওইবা থৌদাং অদুসু পনখি।

পোর্ত ব্লাইয়র, অন্দামান অমসুং নিকোবর ইথৎশিংদা লৈরিবা সেলুলর জেল অসি ব্রিতিশকী ময়োক্তা নিংতম্নবা লান শোক্নখিবা ভারতমচাশিংবু লোয় থাখিবা অমসুং মীনুংশি য়াওদনা তমথিবা ফীভমশিংদা ফাজিন্দুনা থমখিবা কৈশুমশঙ অমনি। ঙসি নেস্নেল মেমোরিএল অমা ওইরিবা অসি সেলুলর হায়না কৌবগী মরমদি মসিদা মী অমবু মথন্তা ফজিন্দুনা থম্নবা তোঙান তোঙানবা কাশিং শাখিবনি। তশেংবদি, বিল্দিং অসিগী ৱিং তরেৎ থোক্না খায়দোকই, ময়াইদা তাৱর অমা লৈ মসিদা অচৌবা কাংশি অমা শন্ত্রীশিংনা ঙাক্তুনা থম্মি। ৱিং খুদিংমক দালন মথোন অহুম ওই অমসুং তোঙান্নবা থম্নবা কাশিং অদু মরাক ময়ুং ফুৎ ১৫ রউৎ ৯ ওইবগা লোয়ননা ফুৎ ৯ ৱাংবা থোংনাও অমা খক পাল্লি। ৱিংশিং অসি একাগারী অমগী স্পোকগুম্না শাখি অমসুং ৱিং অমগী মমাং থংবা শরুনা অতোপ্পাগী মনিংদা ওনশিল্লি মসিনা বন্দী অমত্তনা অমগা ৱারী শানবা পাও ফাওনবা য়ানবা লম্বী পীদে।

থৌরম লান্থোক্লিবশিংনা ১৮৫৭গী মতমদা ব্রিতিশ লৈঙাকপু ভারতনা করম্না শীংনখি অমসুং ১৯শুবা চহিগী ময়াই য়ৌরকপদা ব্রিতিশ শাসন নমথখি হায়বা নৌহৌনা নীংশিংহনখি। ২০শুবা চহিচাগী রাজনিতিগী ওইরিবা মওং অসিদা গান্ধীগী অহিংসা অমসুং সিবিল দিসোবিদিয়ন্স অমসুং তোঙান তোঙানবা কেম্পেনশিংগী পোলিসীগী নিংতম লানশিংগী তাঙ্কক অমা উবা ফংখি। কৈশুমশঙ অসি ১৮৯৬তগী শাবা হৌখি অমসুং ১৯১০দা শাবা লোইশিনখি। বিল্দিং অসি তশেংবদি চেক মচু ওইরমখি। বিল্দিং অসিগী ৱিং তরেৎ লৈরমখি, ময়াইদা তাৱর অমনা খায়দোকখি অমসুং শন্ত্রীশিংনা বন্দীশিংবু ঙাকশেনখি।

সেলুলর জেলগী মমাংদা, ভাইপর ইথৎতা লৈবা কৈশুমশঙ অসি ব্রিতিশ শাসন্দগী লৈবাক অসি নিংখা তম্বা পুরক্নবা হোৎনরবশিংবু খ্বাইদগী তমথিবা মওং অমদা ওৎনৈবা চত্থনবা ব্রিতিশনা শীজিন্নরম্মি। মথন্তা থম্নবা কাশিং, লোক-অপশিং, লেপহন্দুনা ফুনবা য়ুংদুনা থম্লিবা য়ুম্বীশিং অসিনা ভাইপর জেলগী মশক তাক্লি। নুপীশিংসু বন্দী ওইনা থমখি। কৈশুমশঙ অসিগী ফীভমশিং অসি তমথিবানা মরম ওইরগা মফম অসিগী তমটিরবা মমিং “ভাইপর চেন গেঙ্গ জেল” হায়না থোলমখি। ব্রিতিশ লৈঙাকপু শীংনরুবা মীওইশিং পুন্না য়োৎলি থংদুনা অমদি অহিং অদু মখোয়গী মখোঙদা য়োৎশিং থংদুনা লেনহনখি। চেন গেঙ্গগী মীহুৎশিংবু অৱাবা থবকশিং শুহনখি কৈশুমশঙ অসিদনি।

সেলুলর জেল অসিগী আর্কিতেকচর অসি ‘পেন্নিস্লেবেনিয়া সিস্তেম নত্রগা সেপরেৎ সিস্তেম’গী থিওরীগী মওংদা শাখিবনি মসিদা বন্দী খুদিংমক তোঙান তোঙান্না থম্নবা তোঙানবা কাশিং মথৌ তাখি। চপ মান্নবা ৱিং নত্রগা তোঙানবা ৱিংশিংদা লৈরিবা বন্দীশিংনা মখল অমত্তগী পাও ফাওন্নবা পাম্বৈ অমত্তা লৈহনখিদা। সেলুলর জেলগী মফম খুদিংদা অৱাবা খাঙখিবা, ওৎনৈখিবা অমসুং কত্থোকখিবশিংগী থম্মোয় শোক্লবা ৱারী কয়না থল্লি। সেলুলর জেল অসিনা সেলশিং অসিদা বান্দী ওইখিবা লৈবাকনিংবা, নিংতম লান্মীশিংগী মীনুংশি য়াওদনা ওৎনৈখিবগী মরোল থোক্ত্রবা খুদম অমা ওইনা লৈহৌরি। মীওৎ মীনৈ তৌবা অসিদা মখোয়গী মমল য়াম্লবা থৱায়শিং অদু ফাওবা থাখি।

দন্দী অদু অয়াম্বনা তমথিখি, মসিদা গ্রাইন্দিং মিলদা খুৎ য়োৎলিং থাংদুনা চয়োল অমা ফাওবা লেপহনখি, লৈকোলদা থবক তৌহনখি, য়ুবী কংহনবা, থৌরি শাবা, য়ুবী মশিং শিৎতোকপা, কার্পেৎ শাবা, তাৱেল শাবদগী খোঙদা য়োৎলিং থাংদুনা থা তরুক ফাওবা থমখি, মথন্তা থম্নবা কা খুশিংদা ফাজিন্দুনা থম্বা, নুমিৎ ,রিনা চরা হেনহন্দুনা থম্বা অমসুং বান্দীশিংবু মখোঙশিং ফাক্তোক্তুনা পাং তিংদুনা নুমিৎ তরানি থম্বা য়াওরি।

থৌরম লান্থোক্লিবশিংনা মখাদা পীরিবা নিংতম লান্মীশিং অসিনা সেলুলর জেলদা থেংনখিবা মীওৎ মীনৈশিংগা লোয়ননা কত্থোকখিবা অদু থমখি।

a) ভীর সভার্কর - ১৯১১দা নিংতম লান্মী ভিনায়ক দমোদর সভার্করবু মোর্লে-মিন্তো রিফোর্মস (ইন্দিয়ন কাউন্সিলস এক্ত ১৯০৯)গী মায়োক্তা লান হৌখিবগীদমক অন্দামান্সকী (কালা পানি হায়নসু খঙনবা) সেলুলর জেলদা চহি ৫০ ফাদোক তাখি। মহাকপু ১৯২৪দা থাদোকখি। মহাকপু থৌনা ফাবগীদমক শক খঙখি অমসুং মহাক্কী মমিংবু ‘ভীর’ হায়না কৌখি।

b) বি.কে. দত্ত –বতুকেশ্বর দত্ত, বি.কে. দত্ত হায়নসু খঙনবা অসি নিংতম য়াওল অমনি। ভাগৎ সিংহগা লোয়ননা ১৯২৯দা  সেন্ত্রেল লেজিসলেতিব এসেমব্লী বোম্বিং কেস অদুদা চেন্নখিবা মহাক অসি ১৯৬৫কী জুলাই ২০দা মশাগী অনাবা অমদগী চহি ৫৪দা পুন্সি লোমখি। সিংহ অমদু দত্ত অনিমক পুন্সি চুপ্পগী ফাদোক তাখি অমসুং পোর্ত ব্লাইয়রগী সেলুলর জেলদা পুখি।

c) ফাজল-ই-হগখাইরাবদি - ১৮৫৭গী নিংতম লান মায়থিরবা মতুংদা, ফাজল-ই-হগনা মায়থিদুনা ব্রিতিশ লৈঙাক্না মহাকপু জনুৱারী ৩০, ১৮৫৯দা খাইরাবাদতা হিংসা তৌবগীদমক ফাখি। মহাকপু ত্রাইএল চত্থবদা মীহাৎপা থৌগৎপী অমসুং ‘জিহাদ’তা য়াওরম্বগীদমক মরাল লৈ হায়না ফাদোক তাখি। মহাক মশানা কাউন্সেল ওইদুনা মশাবু ঙাকথোকচখি। মহাক মশানা কেস অসিদা মশাগীদমক ঙাকথোকচনবা হোৎনখিবা অদু অদুক্কী মতিক ঙকনীংঙাই ওইখি অমদি মআক্না ফৎৱা অদুদা মহাক্না অরানবা অমত্তা ঙাকখিবা লৈতে হায়না ফম্লিবা মেজিস্ত্রেৎ অদুনা মহাক্কী ৱায়েল পীবদা মহাক মরাল লৈতে হায়না ইখি। মহাকবু অন্দামান ইথৎকী কালা পানি (সেলুলর জেলদা পুন্সি চুপ্পগী ফাদোক তাখি অমসুং মআক্কী লন-থুম পুম্নমক অৱাধ কোর্তকী জুদিসিএল কম্মিস্নরনা ফাজিনখি।

d) বরিন্দ্রা কুমার ঘোস- বরিন্দ্রা ঘোস জনুৱারী ৫, ১৮৮০দা ক্রোইদোন্দা পোকখি। এপ্রিল ৩০, ১৯০৮তা খুদিরাম অমসুং প্রফুলা লালহৌবা অনি অসিনা কিঙ্গসফোর্দ হাৎখিবগী মতুংদা, পুলিসনা মখোয়গী ইনবেস্তিগেসন কনশিনখিবনা মে ২, ১৯০৮দা মখোয়গী লান্মীশিংগা লোয়ননা বারিন অমসুং ওরোবিন্দো ঘোশ ফাখি। অহানবদা এাইএল (এলিপোর বোম্ব কেস হায়না খঙনবা) অসিনা বরিন ঘোশ অমসুং উলাস্কর দত্তবু শীবগী রাই তাখি। অদুম ওইনমক রাই অসি পুন্সি চুপ্পা ফাদোক তাবদা ওইনা হন্থখিবগা লোয়ননা দেশবন্ধু চিত্তরঞ্জন দাস অমসুং বারিন অতোপ্পা মরাল লৈবশিংগা লোয়ননা ১৯০৯দা অন্দামানগী সেলুলর জেলদা পুখি।

e) সুসিল দাস গুপ্তা - সুসিল দাস গুপ্তা (১৯১০-১৯৪৭) অসি হৌজিক বঙ্গলাদেশ ওইখ্রবা বরিশালদা পোকখি। মহাক বেঙ্গলগী য়াওল লুপা য়ুগন্তর দলগী মীহুৎ অমনি অমসুং ১৯২৯গী পুতিয়া মেল রোবরী কেসনা মহাকপু মেদিনিপুর কৈশুমশঙ য়ৌহনখি। মফম অসিদগী মহাক্কা লোয়ননা য়াওল্লোই সচিন কর গুপ্তা অমসুং দিনেশ মজুমদরগা লোয়ননা নান্থোরকখি।  মখোয় থা তরেৎ মীরোৎ ওইখি। মতুং তারকপদা দিনেশ ফাখি অমদি ফাসি তৌখি, সুশিল সেলুলর জেলদা থাজিনখি, অমসুং সচিনবু অহানবা মন্দলে জেলদা থমখি মতুদা সেলুলর জেলদা পুরকখি।

মীয়াম পাক্তক্ননা চরা হেনবগী খোঙজং চংশিনখি মরু ওইনা ১৯৩২দগী ১৯৩৭গী মরক্তা।  অরোইবগী খোঙজং অদু জুলাই ১৯৩৭দা হৌখি অমদি নুমিৎ ৪৫না চত্থখি। সরকারনা লোইলম থাবগী থবক অসি লোইশিনখি অমসুং সেলুলর জেলদা লৈরিবা রাজনিতি তৌবা বন্দীশিং মেনলেন্দ ইন্দিয়াগী মখোয়গী মশা মশাগী রাজ্যশিংদা জনুৱারী ১৯৩৮তা হনহনখি।

দেসেম্বর ২৯, ১৯৪৩দা ইথৎ অসি সুভাস চন্দ্রা বোসকী অজাদ হিন্দ গোভর্মেন্তকী মখাদা লৈখি। বোসনা পোর্ত ব্লাইয়রদা চত্তুনা ইন্দিয়ন নেস্নেল আর্মীগী মচু অহুমগী ফিরাল চিংখৎখি। মসিগী মনুংদা, মহাক্না অন্দামানদা লৈরিবা মফমশিংদা চৎপদা জপানগী ওথোরিতীশিংনা মহাকপু মফম অদুগী মীয়ামগা ৱারী শাদনবা কুপনা য়েংশিনখি।অন্দামান মীয়াম্না মখোয়না ৱারীবশিং অদু মঙোন্দা খঙহন্নবা কয়ারক হোৎনখি অমসুং মতম অদুদা ভারতকী লৈবাকনীংবশিং সেলুলর জেলদা ওৎ নৈবা মতমনি।

প্রজেন্তরশিংনা সেলুলর জেলগী ৱাংমদা লৈবা ফজরবা ইথৎসু উৎখি। অন্দমান ইথৎশিং অসি বে ওফ বেঙ্গলদা লৈবা ভারতকী আর্কিপেলেগি অমনি। মসিগী চাউরাক্না ইথৎ ৩০০ অসি মখোয়গী পাল্ম লাইন ওইবা, অঙৌবা সেন্দ বীচশিং, মেংগ্রুবশিং অমসুং ত্রোপিকেল রেনফোরেস্তশিংগী মমিং চৎলি। শার্ক অমসুং রেশিংগুম্বা মেরিন লাইফশিং মতেং পাংলিবা কোরেল রীফশিং অসি দাইবিং অমসুং স্নোর্কিং সাইতশিংগী মমিং চৎহল্লি। মৈহৌরোলদগী ইথৎ অসিদা লৈরক্লবা মীওইশিংনা হেন্না মনুং হনজিনবা ইথৎশিংদা লৈ, অদুগা কয়া অমনা চংবা য়াদে।

অন্দমান ইথৎকী খা থংবদা লৈবা পোর্ত ব্লেয়র অসি অন্দমান অমসুং নিকোবার ইথৎশিংগী কোনুংনি। মসিগী সমুদ্র মপান্দা লৈবা সেলুলর জেল অসিনা হৌখিবা মতমগী ব্রিতিশ পেনেল কোলোনীগী শক্তম তাকই অমসুং মসি হৌজিক্তি ভারতকী নিংতম লান্মীশিংগী নিংশিংফম অমা ওইহৌরে। ইথৎ, সমুদ্রিকা মেরিন ম্যুজিয়ম্না মফম অদুগী সমুদ্রদা হিংবা মহিংগী মশক উৎলি। এনথ্রোপোলোজিকেল ম্যুজিয়ম্না ঈথৎশিং অসিগী মৈহৌরোলদগী লৈরক্লবা ত্রাইবশিংগী মশক উৎলি। অন্দমান অমসুং নিকোবার ইথৎতা লৈবা মালেমগী লম কোইবশিংগী মমিং লৈরবা অমসুং পুক্নিং হুরবা মফম অমা ওইরিবা সেলুলর জেল ম্যুজিয়ম অসিদা লৈরিবা অসি নেস্নেল মেমোরিএল হাউসশিং, নিংতম লান্মীশিংগী ফোতো অমসুং এক্সিবিসন গেলেরী, আর্ত গেলেরী অমসুং নিংতম ইহৌগী লাইব্রেরী অমা লৈ। মসিগী মফম অসিনা ঐখোয়গী ৱাখল্লোন অসি ভারতকী নিংতম ইহৌ মতমদা শোইদনা পুগনি। রোস আইলেন্দ নত্রগা এন.সি. বোস দ্বীপতা বেকরী, অরিবা ওফিস বিল্দিংশিং, চর্চশিংনচিংবগী মওংদা মমল য়াম্লবা ব্রিতিশকী অরিবা পোৎশিংগী কায়থরবা মশকশিং উৎলি। অঙৌবা সমুদ্র মপানশিং, কোরেল রীফ লৈবা নীল আইলেন্দ নত্রগা শাহীদ দ্বীপতা মহৌশানা স্নোর্কেলিংগী চৎলি। স্বারাজ আইলেন্দ হায়না খংনবা হাভেলোক আইলেন্দদা রাধানগর বীচ লৈ। লমকোয়বশিংনা ইলিফেন্ত আইলেন্দদা স্কুবা দাইবিং, ফিশিং, স্নোর্কেলিংনচিংবা তৌবা য়াই।

তুরিজম মন্ত্রালয়গী দিরেক্তর শ্রী রাজেশ কুমার সাহুনা মহাক্কী লোয়শিনবগী ৱারোলদা প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুত্থাংদা অন্দমান অমসুং নিকোবার ইথৎশিংগা ভারতকী মফম অতৈগা শম্নবা সবমেরিন ওপ্তিকেল ফাইবর-কেবল (ও.এফ.সি.) লোঞ্চ তৌখিবগী মতাংদা ফোঙদোকখি। মসিগী কন্নেক্তিবিতী অসিনা ইথৎশিং অসিদা লোয়বা নায়দ্রবা খুদোংচাবা কয়া ফংলনি। প্রধান মন্ত্রীনা হায় সবমেরিন কেবল অসিনা এ. অমসুং এন.দা অহোংবা অমসুং অফবা কন্নেক্তিবিতী ফংহনবদা অমসুং মরুওইনা ওনলাইন এজুকেসন, তেলি-মেদিসিন, বেঙ্কিং সিস্তেম, ওনলাইন ত্রেদিং অমসুং তুরিজম হেনগৎহনবনচিংবা দিজিতেল ইন্দিয়াগী খুদোংচাবা ফংহনবদা মতেং পাংলগনি।  

দেখো অপনা দেস ৱেবিনার সিরিজ অসি নেস্নেল ই-গভর্নেন্স দিপার্তমেন্ত, মিনিস্ত্রী ওফ ইলেক্ত্রোনিক্স এন্দ ইনফোর্মেসন তেক্নোলোজীগা লোয়ননা তেক্নিকেল ওইনা পুন্না পাঙথোকমিন্নবনি। ৱেবিনার অসিগী সেসনশিং অসি হৌজিক https://www.youtube.com/channel/UCbzIbBmMvtvH7d6Zo_ZEHDA/featuredদা অমসুং ভারত সরকারগী তুরিজম মন্ত্রালয়গী সোসিএল মেদিয়া হেন্দলশিংদা ফঙগনি। 

জালিয়নৱালা বাঘ: এ তর্নিং পোইন্ত ইন দি ফ্রীদম স্ত্রগল হায়না মমিং থোনবা ৱেবিনার অসিগী মথংগী তাঙ্কক্না ২০২০গী অগস্ত ১৪গী ১১.০০ এ.এম.দা পাংথোক্লগনি অমসুং ৱেবিনার অসিগী রেজিস্ত্রেসন তৌবা হৌরে: https://bit.ly/JallianwalaBaghDAD

*****