কেন্দ্রগী এজুকেশন মন্ত্রী, শ্রী রামেশ পোখ্রিয়াল ‘নিশাঙ্ক’না য়ুনিভর্সিতী ওফ ওক্সফোর্দ, য়ু.কে.গা খুৎশম্নদুনা ঙসি জামিয়া মিলিয়া ইস্লামিয়া (জে.এম.আই.)না শিনখিবা গান্ধিয়ান থোৎ অমসুং ফিলোসোফীগী মতাংদা পাংথোকপা ৱেবিনার অমদা ৱা ঙাংখি। মসি গান্ধিয়ান থোৎ অমসুং ফিলোসোফীগী মতাংদা পাংথোকপা ৱেবিনার ৱেবিনার সিরিীজ অদুদা অহানবা লেকচরনি। মসিগী ৱেবিনার সিরীজ অসি ইন্তেলেকচুৱল সার্কলদা গান্ধিয়ান থোৎ অমসুং ফিলোসোফী শন্দোক্নবা মহাত্মা গান্ধিগী ১৫০শুবা মপোক কুমওনগী থৌরম পাংথোক্নবা য়ুনিভর্সিতী গ্রান্তস কমিশনগী প্রোপোজলগা মান্ননা শিনখি। প্রোফ. নাজমা আখতর, ভাইস চান্সেলরসু থৌরম অদুদা শরুক য়াখি।

শ্রী পোখ্রিয়ালনা থৌরম অদু হৌদোকপা ওইনা ৱা ঙাংবদা মহাক্না হায়খি মদুদি মহাত্মা গান্ধিগী ১৫০শুবা মপোক কুমওনগী থৌরম অসি মালেম শিনবা থুংনা পাংথোক্লি। জামিয়া মিলিয়াবু অসি লিংখৎপদা মপুং ফানা অরৈবা মতেং পাংখিবা মিশক অমা ওইরিবা মহাত্মা গান্ধিগী প্রিন্সিপলশিং অদুবু ঙাক্না চত্তুনা, ১৯২০দা লিংখৎখিবদগী লেপ্তনা চাঊখৎলক্লি হায়না মহাক্না মখোয়বু থাগৎখি। মালেম পুম্বনা গান্ধিয়ান ফিলোসোফী অমসুং মহাক্কী অচুম্বা চৎপা, মীনুংশি লৈবা, চমজবা অমসুং অহিমশাগী প্রিন্সিপলশিং অসিগী মরু ওইবা অদু খঙবা ঙম্লে, মরু ওইনা অৱাবা মতমদা মায়োক্নবা মতম অসিদা, গান্ধিগী মরু ওইবা অসি হেন্না খঙলে। পুন্সিগী তাঙ্কক অমত্তদা গান্ধিগী আইদিয়াশিং অসিগা মরী লৈনদবা অমত্তা লৈতে। গান্ধিজিগী ৱাখল্লোনঅসিনা ঐখোয়বু অচুম্বা, শান্তি, অহিমশা, ইরোমদোম হিংজবা ঙম্নবা চাউখৎপা পুরকপা, মহৌশাগী ফিভম ঙাক-শেন্দুনা থম্বা, ভেল্যুদা য়ুমফম ওইবা এজুকেশন অসিনচিংবদা লমজিং লমতাকপীরি।

মন্ত্রীনা হায়খি মদুদি মতম অসিগী মহৈরোইশিংনা গান্ধিজিগী পুন্সিদগী লৈবাক শেম্বদা মহৈরোইশিংনা করম্না শরুক য়াগনি হায়বগী মতাংদা তমজনীংঙাই ওইবা কয়া অমগী খুদোংচাবা লৈ। ঙসিদি লৈবাক অসিগী প্রজা খুদিংমক্না লৈবাক অসি সেলফ-সফিসিয়েন্ত ওইহন্নবা গান্ধিগী ৱাখল্লোন অমসুং ফিলোসোফীদগী কান্নবা ফংগনি।

মহাক্না মহৈ-মশিংগী তোঙান-তোঙানবা লমদা জে.এম.আই.গী হেন্না ফবা পার্ফোর্মেন্স লেপ্তনা পীবগী মতাংদসু পনখি। মহাক্না মরু ওইনা মহাক্কী মন্ত্রালয়না হন্দক্তা শিনখিবা সিভিল সার্বিস অমসুং হেক্কাথোনদা জে.এম.আই.গী পার্ফোর্মেন্সকী মতাংদা পনখি। 

*********