য়ুনিয়ন হোম মিনিস্তর শ্রী অমিত শাহনানা অন্দমান অমসুং নিকোবর আইলেন্দ প্রজাশিংগীদমক “নিংশিংনিঙাই ওইরবা নুমিৎনি”  হায়না প্রধান মন্ত্রী শ্রী নরেন্দ্র মোদীনা কিলোমিতর ২৩০০ শাংবা পোর্ত ব্লাইর, লিতল অন্দমান অমসুং স্বারাজ আইলেন্দগী সবমেরিন  ওপ্তিকেল ফাইবর কেবল (ও.এফ.সি.) ফাওননবগী শঙ্গাবা অমদা হায়খি।

 “মসিগী চাওরবা প্রোজেক্ত অসি লোয়শিন্নবা হোৎনবদা অৱাবা কয়া মায়োক্নখি অদুবু মসিগী লোয়শিনবগী পীখিবা মতম অদুগী মমাংদা লোয়শিনবা ঙমখি,” শ্রী অমিত শাহনা পরেং ওইবা ত্বীত অমদা হায়খি।

প্রধান মন্ত্রী শ্রী নরেন্দ্র মোদী অমসুং কম্মুনিকেসনস, ইলেক্ত্রোনিকস এন্দ আই.তি. অমসুং লো এন্দ জস্তিস শ্রী রবি শঙ্কর প্রসাদপু থাগৎপা ফোংদোক্লদুনা  শ্রী অমিত শাহনা হায় মদুদি ““মসিগী লেন্দমার্ক প্রোজেক্ত অসিনা অন্দমান অমসুং নিকোবর আইলেন্দগী চাওখৎ থৌরাংদা অনৌবা য়াওল অমা পীরগনি”

সবমেরিন ও.এফ.সি. অসিনা অন্দমান অমসুং নিকোবরগী মফমশিং অমসুং মেত্রো সিতিশিংদা খোঙজেল য়াঙবা তেলেকোম অমসুং ব্রোদবেন্দশিং ফংহল্লগনি  হায়না য়ুনিয়ন হোম মিনিস্তরনা পন্খি অমসুং মহাক্না হায়খি মদুদি “মসিনা ই-ইজুকেসন, বেঙ্কিং ফেসিলিতিশিং, তেলেমেদিসিন অমসুং তুরিজমগী লমদা মশিং য়াম্লবা থবক পীদুনা য়াম্না চাওনা কান্নবা পীরগনি”।

য়ুনিয়ন হোম মিনিস্তরনা হায় মদুদি, “মোদী সরকারনা মখোয়গী পান্দম দিজিতেল ইন্দিয়া অমসুং মখোয়গী নাগরিকশিংবু শক্তি পীদুনা খ্বাইদগী ফবা অনৌবা খুদোংচাবা পীবা হায়বসি অচেৎপা থাজবা থম্লিবনি”

*****