ঙাকশেল মন্ত্রালয়

ঙাকশেল মন্ত্রী শ্রী রাজনাথ সিংহনা ফেসিলিতীশিং মতম অসিগা চান্নবা ওন্থোকপা/ফগৎহনবা অমসুং দিফেন্স পি.এস.য়ু.শিং অমসুং ও.এফ.বি.গী অনৌবা ইনফ্রাস্ত্রকচর শেমগৎখিবা অদু লোঞ্চ তৌখ্রে

এম.ও.দি.না অত্মা নির্ভর ভারত ৱিক পালন তৌরি

Posted On: 10 AUG 2020 7:47PM by PIB Imphal

ঙাকশেল মন্ত্রী শ্রী রাজনাথ সিংহনা ঙাকশেল মন্ত্রালয়গী অত্মা নির্ভর ৱিক পালন তৌবগী শরুক ওইনা দিজিতেল লিঙ্ককী খুত্থাংদা ঙসি ফেসিলিতীশিংগী মতম অসিগা চান্নবা মওংদা শেমগৎনবা অমসুং ফগৎহন্নবা খোঙথাং মশিং কয়া লোয়ননা দিফেন্স পি.এস.য়ু.শিং অমসুং ও.এফ.দি.গী নৌনা শেমগৎপা ইনফ্রস্ত্রকচরসু হৌদোকখ্রে। রাজ্যগী ঙাকশেল মন্ত্রী শ্রী ৱাই নাইক, ঙাকশেলগী সেক্রেতরী দা. এজে কুমার,দিফেন্স প্রদক্সন সেক্রেতরী শ্রী রাজ কুমার, ভাইস এদমিরেল হরিকুমার সি.আই.এস.সি., দিদি.পি. অমসুং সি.এম.দি.শিংগী মকোক থোংবা ওফিসরশিং অমসুং দি.পি.এস.য়ু.শিং অমসুং ও.এফ.বি.গী চ্যেরমেন্না ভিদিও কনফরেন্সকী লিঙ্কশিংগী খুত্থাংদা থৌরম অসিদা শরুক য়াখি। মখোয়দা ৱা ঙাংবদা শ্রী রাজনাথ সিংহনা হায় প্রধান মন্ত্রী শ্রী নরেন্দ্রা মোদীনা অত্মা নির্ভর ভারত অভিয়ানগীদমক অপাম্বা ফোঙদোকখি অমসুং আই-৫গী ফোর্মুলা “ইন্তেন্ত, ইনক্লুজন, ইনবেসমেন্ত, ইনফ্রাস্ত্রকচর অমসুং ইন্নোবেসন”না শেন্মীৎলোনবু অৱাংবা গ্রোথ ত্রেজেক্তরীদা পুখৎপা ঙমগনি। মহাক্না হায় মাপলদগী পুশিল্লকপা পোৎশিংগী নেগেতিব লিস্ত থোকপা, এফ.দি.আই.দা লিমিৎ হেনগৎপা, দোমেস্তিক কেপিতেল প্রোক্যুর্মেন্তগী তোঙানবা বজেৎ অমসুং ইন্দিজিনাইজেসনদা মীৎয়েং থম্বা অসিগুম্বা কোবিদ -১৯গী মনুংদা মতম চানা অমদি লৌশিং লৈবা খোঙথাংশিং ঐখোয়গী সরকারনা লৌখৎখি। “মপালদগী পোৎলম ১০১ পুশিল্লকপদা অথিংবা থমখিবা অসি অত্মা নির্ভর ভারতগী মায়কৈদা থাংজিনবা অচৌবা খোঙথাং অমনি। নেগেতিব লিস্ততা য়াওরিবা অসি অপিকপা পোৎলমশিং খক নত্তে মসিদা অচৌবা তেক্নোলোজীগী ৱিপন সিস্তেমশিং য়াওরি। অসিগুম্বা পোৎলম কয়া লিস্ত অসিদা অথুবদা হাপচিন্দুনা মপালদগী পোৎ পুশিল্লকপদা শেল চৎলম্বা অদু হন্থরগনি।“ম্বা ফোনা অত্মা নির্ভার ভারত াসেক্রেতর

ঙাকশেল মন্ত্রীনা হায় ঐখোয়না ইন্দিজিনাইজেসন, দেফেন্স ইনফ্রাস্ত্রকচরদা ইনবেসমেন্ত তৌবা অমসিং দেফেন্স মেন্যুফেকচর তৌবা হেনগৎহনবা অসিগী মায়কৈদা খোঙথাং কয়া লৌখৎলগনি। হায়রিবা খোঙথাংশিং অসিনা ভারকী দিফেন্স প্রদক্সনদা অচৌবা খুদোংচাবশিং ফংহল্লগনি। প্রধান মন্ত্রীগী ৱাখল্লোন অদু ঙাকপা ওইনা শ্রী সিংহনা হায় দেফেন্স প্রদক্সনগী বিভাগ, দিফেন্স পি.এস.য়ু.শিংঅমসুং ওর্দনান্স ফেক্তরীস বোর্দনা তশেংবা অত্মা নির্ভর ভারত অমা পুরক্নবা হোৎনবদা থৱায় য়াওনা হোৎনবা উবা ফংখি। মহাক্না হায় “মালেম পুম্বদা দেফেন্স ইন্দস্ত্রীনা খ্বাইদগী নৌবা তেক্নোলোজীশিংদা মাংজিল থারি মরম অসিনা দিফেন্সতা মীপান তাংদবা অমা ওইহনবদা থৱায় হকচাং য়াওনা হোৎনবা মথৌ তাই।” “আর্ম ফোর্শিংগী তুংদা দিফেন্স ইন্দস্ত্রীশিংনা ঙাকলৌ ওইরি। ঙসি ঐখোয়গী দিফেন্স পি.এস.য়ু.শিং অমসুং ও.এফ.বি.না লেপ্তনা মতেং পাংবা অমসুং লেপ্তনা হোৎনবা অসিদা ঐখোয়না চাওথোকচৈ।”,হায়না মহাক্না মখা তাখি।

ফেসিলিতীশিং ফগৎহনবগী মখাদা ওর্দনান্স ফেক্তরী চান্দাগী পিনাকা রোকেৎ কমপ্লেক্সনা ফেসিলিতীশিং ফগৎহন্দুনা দেফেন্সনা শেম শাদুনা লৈবদা মরু ওইনা মথৌ তাবা পিনাকা অমসুং অতোপ্পা রোকেৎ লোয়ননা এসেমব্লী অমসুং ত্রিচীগী ও.এফ.কী এস.আর.সি.জি.গী তেস্তিং ফেসিলিতীগী মথৌ তারিবশিং ফংহনবা হেনগৎহন্নবা হৌদোকখি। ও.এল.এফ. দেহরাদুনগী ফেসিলিতীশিং মতম অসিগা চান্নবা মওংদা ওন্থোকপনা তি-৯০ তেঙ্কশিংগী হাই-এন্দ ওপ্তোইলেক্ত্রোনিক প্রদক্তশিং শাবদা মতেং ওইরগনি।

দি.আর.দি.ও.না দিজাইন তৌবা এন্তি তোর্পেদো দিফেন্স সিস্তেম মারীচ শাবা, ইন্তিগ্রেসন অমসুং তেস্তিং তৌনবা মপুং ফাবা ইন্দিজিনাইস মারীচ ইন্তিগ্রেসন ফেসিলিতী বেলনা হৌদোকখ্রে।

ঐচ.এ.এল.না আই.এ.এফ.তা ৫০০শুবা এ.এল-৩১এফ.পি. শেমজিল্লবা ইঞ্জিন মখোয়গী খ্বাইদগী শাথিরবা মাংজিল থারিবা ফাইতর এয়রক্রাফ সু-৩০এম.কে.আই.দা হাপতুনা শিন্নখ্রে। মসি কোরাপুৎ দিবিজনগী ঐচ.এ.কে.না তৌখিবনি।

অনৌবা ইনফ্রাস্ত্রচর শেমগৎপগী শরুক ওইনা বি.ই.এম.এল.না বেঙ্গলুরুদা ইন্দস্ত্রিএল দিজাইন সেন্তর লিংখৎখ্রে। ইন্দস্ত্রিএল দিজাইন অমসুং ইর্গোনোমিক্স প্রদকশিংদা মালেম ওইবা বেঞ্চমার্ক তৌবা ঙম্নবা চাউখৎ থৌরাংগী লালোংশিংগী শরুক অমা ওইনা ইন্দস্ত্রিএল দিজাইনগী ফেক্তরশিং অমসুং হ্যুমেন ফেক্তরশিং ইমপ্লিমেন্ত তৌবদা মীৎয়েং চংবা ভারতকী ওইনা খ্বাইদগী অহানবা সেন্তর ওইরি। ফেসিলিতী অসি মখা তানা নেস্নেল ফেসিলিতী অমা ওইনা অমসুং ইন্দস্ত্রীদা মথংগী তাঙ্কক্তা দিবেলপ তৌনবা খন্নখ্রে।

ফেসিলিতীশিং মতমসিগা চান্না মওংদা ওন্থোকপগী মখাদা, জি.আর.এস.ই.না মখোয়গী রাজা বগন দোকয়ার্দতা হৌজিক চত্থরিবা মমিং লৈরবা পি.১৭এ. প্রোজেক্তকী মথৌ তাবা প্রদক্সন ফংহন্নবা হোৎনবা হেনগৎখ্রে।

মপালদগী পোৎ পুশিল্লকপা হন্থহনগদবা মিসাইল সিস্তেম (আর.এফ.সীকর) শানবা অনৌবা মোদ্যুলর ফেসিলিতী, বি.দি.এল.গী সীকর ফেসিলিতী সেন্তর (এস.এফ.সি.)গী ফাউন্দেসন ওইনস দিফেন্স সেক্তরদা অনৌবা ইনফ্রাস্ত্রকচর শেমগৎখ্রে, অমসুং লমদম অসিদা দিবেলপ তৌজবা কোনকুর্স-এম, ইনবার, অকাশ, অস্ত্রা মিসাইল অসিনচিংবাদা মথৌ তাবা ৱারহেদশিং শানবা অমসুং তেস্ত তৌনবা বি.দি.এল.দা ৱারহেদ প্রদক্সন ফেসিলিতীগী ফাউন্দেসন ওইরগনি। ফেসিলিতী অসি মোদ্যুলর ওইবনা অহেনবা মোদিফিকেসনশিংগা লোয়ননা তুংদা পুথোক্কদবা মিসাইল ৱারহেদ পুম্নমক্তা কান্নবা পীরগনি।

অৱাংবা তেক্নোলোজীগী গ্লাস রিইনফোর্স প্লাস্তিক (জি.আর.পি.) হল এম.সি.এম.ভি.শিং লোয়ননা লৈবাক অসিগী মতেং পাংগদবা অতোপ্পা ইনফ্রাস্ত্রকচরশিং লমদম অসিদা শাজবা ঙম্নবা জি.এস.এল.দা খ্বাইদগী নৌবা স্তীল প্রিপরেসন শোপ (এস.পি.জি.)অমা ঙাই শঙ্গাখ্রে।

মিধানিনা মখোয়গী কোর্পোরেৎ সোসিএল রেস্পোন্সিবিলিতী এন্স সস্তেনেবল দিবেলপমেন্ত পোলিসীগী মখাদা খ্বাইদগী অহানবা স্কিল দিবেলপমেন্ত সেন্তর অমা লিংখৎখ্রে অমসুং মদু “সেন্তর ওফ এক্সিলেন্স – স্পেসিএল মেতেরিএলস” ওইনা মিংথোনখ্রে। ফেসিলিতী অসিনা এরোস্পেস, দিফেন্স, ন্যুক্লিয়র, স্পেস অমসুং অতোপ্পা লমশিংদা শীজিন্নবা স্পেসিএল মেতরিএলশিংগী পুথোকপদা এপ্লাইদ রিসর্চ খুমাং চাওশিন্নবা মপুং ওইবা মীৎয়েং থম্লি।

ঙাকশেল মন্ত্রীনা রিমোৎ বত্তন অমা নমদুনা ফেসিলিতীশিং অসি মায়খুম হাংদোকখি। এম.ও.দি.গী দেফেন্স প্রদক্সনগী বিভাগ, দেফেন্স পি.এস.য়ু.শিং অমসুং ওর্দনান্স ফেক্তরীস বোর্দবু থাগৎলদুনা শ্রী রাজনাথ সিংহনা হায় “ফগৎহনবা/মতমগা চান্নবদা ওনখৎপা/অনৌবা লিংখৎপা অসিনা মপালদগী রিসোর্সশিংদা মীপান তাংদুনা পোৎ পুথোকপা হন্থহনবদা লোয়ননা য়েংশিনবদা, ফগৎহনবদা অমসুং মতম পুম্বদা মতেং পাংবদা মখা তানা চাউনা কান্নবা পীরগনি পুম্নমক অসি সাফবা মওংদা লমফম অসিদা শাজরবা য়ারগনি।” শ্রী সিংহনা হায় “দি.পি.এস.য়ু,শিং অমসুং ও.এফ.বি.না উৎলিবা থৌনা লিংজেল অসিনা অত্মা নির্ভর ইকোনোমী অমা পুরকপা ঙমহল্লগনি।”

অত্মা নির্ভর ৱিক পালনতৌবগী শরুক ওইনা, তোঙান তোঙানবা দি.পি.এস.য়ু.শিং অমসুং ও.এফ.বি.না মরী লৈনবা হীরমশিংগী ৱেবিনারশিং মথং মথং শিনখি অমসুং মসিদা ইন্দস্ত্রী এক্সপর্তশিং, ভেন্দরশিং অমসুং একাদেমিয়াগুম্বা তোঙান তোঙানবা স্তেকহোল্দরশিং য়াওরি।

******



(Release ID: 1644980) Visitor Counter : 4