এজুকেসনগী কেন্দ্রগী মন্ত্রী শ্রী রামেশ পোখ্রিয়ল ‘নিশঙ্ক’না ঙসি নই দিল্লীদা ‘অত্মানির্ভার মধ্য প্রদেশ – হেল্থ এন্দ এজুকেসন’ হায়না মিংথোনবা ৱেবিনারদা শরুক য়াখ্রে।

থৌরম অসিদা ৱা ঙাংলদুনা মন্ত্রীনা হায় মে ১২, ২০২০দা প্রধান মন্ত্রী শ্রী নরেন্দ্র মোদীনা মরোমদোম লেপচবা ভারত লাউথোকখি। মহাক্না হায় হৌজিক ওইরিবা মালেমগী ফীভম অসিদা (অত্মানির্ভার ভারত) “মরোমদোম লেপচবা ভারত” অমা ওইবা হায়বা অসি খক্তনা লম্বীনি হায়বা তাক্লি। মহাক্না ঐখোয়গী ইদুনা থম্লবা– ‘এশ পন্থা’দা পল্লদুনা হায়খি: - মদুদি – মীপান তাংদবা ভারত। শ্রী পোখ্রিয়লনা হায় খুদোংথিবা তারিবা তানফমদা, এজুকেসন সেক্তরনা খুদোংচাবা অসি লৌদুনা হ্যুমেন কেপিতেলদা অনৌবা চহিচাগী ইনবেসমেন্তশিং ফংহন্নবা মখল কয়াগী খোঙথাংশিং লৌখৎলি, মরু ওইনা ইন্নোবেতিব করিকুলম অমসুং পেদাগোজীশিংগী শীজিন্নবা লমশিং, অহোবা মফমশিংদা থবক কনশিনবা, হেন্না ইনক্লুসিব ওইবা অমসুং তাঙ্কক খুদিংদা তেক্নোলোজী শীজিন্নবদা।

AatmNirbhar Madhya Pradesh - Health and Education https://t.co/bBNMUY71Ak

— Dr. Ramesh Pokhriyal Nishank (@DrRPNishank) August 10, 2020

মন্ত্রীনা হায় কোবিদ-১৯ লায়চৎ মনুংদা এজুকেসন মন্ত্রালয়না মখাদা পীরিবা খোঙথাংশিং অসি লৌখৎখ্রে :

• মিদ-দে মিল: কোবিদ লায়চৎনা মরম ওইদুনা স্কুলশিং থোং লোল্লিঙৈ মনুংদা অঙাংশিংগী হকচাং ফনা থম্নবা মচি ওইবা চিঞ্জাক চান্নবা চেং হৱাই অমসুং থোংবগী মমল য়াওনা ফুদ সেক্বুরিতীগী শেন্থং নত্রগা মিদ দে মিল রাজ্যশীং অমসুং য়ু.তি.শিংনা পীনবা খঙহনখ্রে।
• ওজাশিংগী লুচিং মখাদা মমা-মপাশিং য়াওনা শরুক য়াদুনা লাইনা মহৈ-মশিং তম্নবা অতোপ্পা পাম্বৈশিং শীজিন্নদুনা য়ুমদা অঙাং পুম্নমক স্কুলগী ওইবা মহৈ তম্বা য়ানবা মীৎয়েং চংদুনা এন.সি.ই.আর.তি.না তাঙ্কক মরিগী – প্রাইমারী, অপর প্রাইমারী, সেকেন্দরী অমসুং হায়র সেকেন্দরীগী এল্তর্নেতিব একাদেমিক কেলেন্দর শেমখ্রে।
• মাইগ্রেন্ত শিন্মীশিংগী অঙাংশিংগী মহৈ মশিং তম্বদা অকায়বা থোক্তনবা, হ্যুমেন রিসোর্স দিবেলপমেন্তনা রাজ্যশিং অমসুং য়ু.তি.শিংগীদমক গাইদলাইনশিং শেমখ্রে মসিনা লায়চৎ অসিনা থোকহল্লিবা খুদোংচাদবশিং অসিনা মহৈরোয় অমত্তদা মহৈ মশিং তম্বা ফংদবগী অৱাবা মায়োক্নহল্লোই। মাইগ্রেন্ত/মীতোপ মশিং য়াম্না চংলক্লিবা রাজ্যশীং/য়ু.তি.শিংগী ওইনা রাজ্য সরকারশিংনা স্কুল পুম্নমক্তা খুঙ্গংশিংদা হল্লক্লিবা অঙাং অমা হেক্তবু মখোয়গী চেচাং হংদনা শুবন্তগী শক্তাক চে য়াওরগা মিং চনবা য়ানবা খঙহনখ্রে। মখোয়গী ত্রান্সফর সর্তিফিকেৎ নত্রগা হৌখিবা ক্লাসকী চে অমত্তা হংবা য়ারোই। অঙাং অদুগী মমা-মপাশিংনা পীরিবা ৱারোল অদু অচুম্বনি হায়না লৌগদবনি অমসুং মখোয়গী মফম অদুগী সরকার/এদেদ স্কুলশিংদা মরী লৈনবা ক্লাস্তা মিং চনবা য়াহনগদবনি।
• স্কুল এজুকেসন অমসুং লেতরেসী বিভাগনা ওনলাইন মিদিয়মগী খুত্থাংদা দিজিতেল এজুকেসনগী প্রগ্যাতা গাইদলাইনশিং ফোঙখ্রে। মসিনা এজুকেসন ফগৎহন্নবা ওনলাইন এজুকেসনগীদমক রোদমেপ অমা নত্রগা পোন্তরশিং ফংহল্লি। স্কুল হেদশিং, ওজাশিং, মমা-মপাশিং, তিচর এজুকেতরশিং অমসুং মহৈরোয়শিং য়াওনা স্তেকহোল্দর কয়াদা গাইদলাইনশিং অসিনা কান্নবা পীরগনি।
• কেন্দ্রিয়া বিদ্যালয় ২৩০ অমসুং জৱাহর লাল নোবোদ্যা বিদ্যালয় ৫৭০গী পাক চাউরবা মফমশিং অসি দিফেন্স ওথোরিতীশিং, পেরামিলিতরী ফোর্সশিং অমসুং রাজ্য সরকারশিংদা কোরোনা সস্পেক্তশিং ক্বারেন্তিন তৌবদা, মাইগ্রেন্ত শিন্মীশিং চংজফম পীবদা অমসুং পেরামিলিতরী ফোর্সশিং মতম খরগী থম্বদা শীজিন্ননবা পীখ্রে।
• অহোংবা মমলশিংদা অফবা মহৈ মশিং তম্বীবা অমসুং বিস্বা গুরুগী থৌদাং অদু অমুক হন্না ঙাক্তুনা ভারত অসি মালেমগী মহৈ তম্ফম ওইরি। ২০২০-২১গী স্তদী ইন ইন্দিয়াগী মখাদা মহৈরোয় ৩৫,৫০০ রেজিস্তর তৌরকখ্রে।  কোর্সশিং অসি তাক্নবা মপাল লমগী ফেকল্তী ১,৪৫২ ভারত্তা লাকখ্রে।
• ইন্দিয়া-সেৎ একজাম অসি ভারত্তা লাক্লিবা মহৈরোয়শিংদা স্কোলরশিপ পীনবা হৌদোকখি মসিনা স্কোলরশিপ পোজিতন ২০০০ পীরি। চেম্পিয়ন সর্ভিস সেক্তর স্কিম (দি.এস.এস.এস,)কী মখাদা স্কোলরশিপশিং, ইনফ্রাস্ত্রকচর অমসুং কোর্শিং থম্নবা লুপা কোতি ৭১০.৩৪ হৌখিবা চহি মঙাদা (২০২৩-২৪ ফাওবা) পীরি।
• কোবিদ-১৯ লায়চৎ অসিগী মমাংদা লৈরম্বা খুদোংদাদবশিং কোকহন্দুনা অত্মানির্ভার ভারত ওইহন্নবগীদমক ঐচ.ই.আই. পুম্নমক্না থোক্লক্তুনা অমসুং হোৎনখি। লৈবাক অসিগী মমিং লৈরবা লোয়শঙশিংনা মালেম পুম্বদা খুদোংথিবা নংহল্লিবা ফীভম অসি লাকশিন্নবা অনৌবা খোঙথাং কয়া পুথোক্লি। রিসর্চতগী রেসক্যু ফাওবদা ঐখোয়গী ঐচ.ই.আই.শিংনা কোবিদ-১৯গী খুদোংচাদবশিং অসি কোকহন্নবা তোঙান তোঙানবা হীরমশিংদা চাউনা থৌদাং য়ারি। দ্রগ দিস্কোবরী হেকাথোন, ‘ফাইৎ কোরোনা আইদিয়াথোন’ অমসুং স্মার্ত ইন্দিয়া হেকাথোনগুম্বা হেকাথোনশিং পাঙথোকখ্রে।
• এম.ঐচ.আর.দি.না কোরোজর হৌদোকখ্রে – কুসুমা স্কুল ওফ বাইওলোজিকেল সাইন্স (কে.এস.বি.এস.) আই.আই.তি. দিল্লীগী রিসর্চরশিংনা আই.সি.এম.আর.না অয়াবা পীরবা কোবিদ-১৯গী খঙদোক্নবা এসে অমা পুথোকখ্রে। এসে অসি সেন্সিতিবিতী অমসুং স্পেসিফিসিতী ১০০%গা লোয়ননা আই.সি.এম.আর.না বেলিদেৎ তৌখ্রে। আই.সি.এম.আর.দগী রিয়েল তাইম পি.সি.আর.দা য়ুম্ফম ওইবা দাইগনোস্তিক এসে অমগী অয়াবা ফংখ্রবা অহানবা একাদেমিক ইন্সতিত্যুৎ আই.আই.তি.দি.না ওইরি। আই.আই.তি দিল্লীনা দিবেলপ ততৌবা কোবিদ-১৯ তেস্তিং কিৎ অসি পি.পি.পি.গী অচৌবা খুদম অমা ওইরে।
• ন্তিলেতরশিং, তেস্তিং কিৎশিং, মাস্ক পুথোকপা, সেনিতাইর য়ুনিৎশিং, মোবাই বেজ কন্তেক্ত ত্রেকিং এপ্লিকেসনশিং, তোঙান তোঙানবা ৱেব-পোর্তেলশিংগী রিসোর্স মোবিলাইজেসন তৌবদা ঐহোয়গী ঐচ.ই.আই.শিংনা মালেমগী থাক্তা থবক তৌরি। আই.আই.তি. রোর্কীনা মমল অহোংবা ভেন্তিলেতর প্রনা-ভায়ু পুথোকখ্রে। আই.আই.তি. কানপুরনা ইন্দিজিনস মাস্ক প্রদক্সন ফেসিলিতী অমা লিংখৎখ্রে। মহারাস্ত্রদা আই.আই.তি. এলুমনিনা কোবিদ-১৯ তেস্ত বস পুথোকখ্রে। আই.আই.তি.শিং, আই.আই.আই.তি.শিং, এন.আই.তি.শিং অমসুং আই.আই.এস.ই.আর.শিং শিনবা থুংনবা থবক কয়া লৌখৎখ্রে।

মন্ত্রীনা ফোঙদোকখি মদুদি নেস্নেল এজুকেসন পোলিসি (এন.ই.পি.) ২০২০না চহি কুনথ্রাগী মমাংদা শেমখিবা ভারতকী এজুকেসন সিস্তেমগী হীরম খুদিংমক য়াওহন্নবা অমসুং মালেমগী এজুকেসনগী থাক্তা পুখৎনবা পান্দম থম্মি। এন.ই.পি. অসি চৎন-লোনচৎশিং অমসুং ইন্তরদিসসিপ্লিনরী এপ্রোচকী মরক্তা বেলেন্স অমা ঙাক্না থম্মি। এন.ই.পি অসি মহৈরোয়শিংনা মালেমগী মীয়ামগা চাংদম্নবা ঙম্নবগা লোয়ননা ভারতকী ওইবা ভেল্যুশিং, চৎন-লোনচৎ অমসুং লোলশিং খংবা ঙম্নবা খুলায়শিংগী অপুনবা অমনি। খ্বাইদগী মরুওইনা এন.ই.পি.গী অশানবা মীৎয়েং অমসুং মপুংফাবা পান্দমশিং লৈ।

মহাক্না মখা তারদুনা এন.ই.পি. অসি ভারতকী ওইবা ভেল্যুশিং,ইথিকশিং অমসুং চৎন-লোনচৎ ঙাক্না চৎতুনা মালেমগী মীয়ামগী চংদম্ননবা শেম শাবদা মহৈরোয়শিংবু মপুংফানা চাউখৎহন্নবা পান্দম থম্বা মপুংফানা শেম-শারবা অমসুং হীরম খুদিংমক য়াওরবা দোক্যুমেন্ত অমনি। এজুকেসন অসি কনকরেন্ত ওইবনিনা এন.ই.পি.না পাক-শন্না মাইকৈ তাকপা খক্তনি। শেমদোক্লবা প্রপোজ অসি কেন্দ্র অমসুং রাজ্যশিংনা পুন্না খুৎশম্নবা মতমদতা ইমপ্লিমেন্ত তৌগনি।

মন্ত্রীনা মধ্য প্রদেশকী সরকারবু সেক্তর খুদিংমক্তা মীৎয়েং মথং-মথং চংদুনা হৌজিক ওইরিবা কোবিদকী লায়চৎ অসি মপুংফানা মায়োক্নবগীদমক থাগৎপা ফোঙদোকখি। কোবিদ-১৯ থোরকপদগী পাংথোক্লিবা লোকদাউন্দা মধ্য প্রদেশকী স্কুল এজুকেসন দিপার্তমেন্তনা তেক-ইনেবল লর্নিং সোর্সশিং ফঙহনদুনা অঙাংশিংনা মহৈ তম্বদা খুদোংচাবা মাংদনবা অমসুং মখোয়গী একেদেমিক্কী প্রোগ্রেস মখা চত্থনবা থৱায় য়াওনা থবক পাইখৎখি। শ্রী নিশঙ্কনা মরোমদোম লেপ্পা ঙম্বা এম.পি. অমগী পান্দম ফংনবা কেন্দ্রগী লোয়শঙশিংনা মতেং পাংগনি হায়না মধ্য প্রদেশকী মুখ্য মন্ত্রীদা থাজবা পীখি। মধ্য প্রদেশকী মুখ্য মন্ত্রী শ্রী শিবরাজ সিংহ চৌহান, মধ্য প্রদেশকী চীফ সেক্রেতরী অমসুং এদিস্নেল সেক্রেতরী (হেলথ এন্দ ন্যুত্রিসন) শ্রী ইগবাল সিংহ বাইন্স, নিতি আয়োগ শরী রাকেশ সর্ৱালসু অত্মানির্ভর মধ্য প্রদেশ- হেলথ এন্দ এজুকেসন ৱেবিনার অসি য়াওখি।

********