কনফিদরেসন ওফ ইন্দিয়ন ইন্দস্ত্রী [সি.আই.আই]গা লোয়ননা গভর্মেন্ত ই মার্কেৎপ্লেস [জি.ই.এম.]না শিনবা নুমিৎ নিনিগী নেস্নেল পব্লিক প্রোক্যুর্মেন্ত কনক্লেভকী মরিশুবা ইদিসন জি.ই.এম. লিংখৎখিবগী মপোক কুওনগী নুমিৎকা ইরোইননা ঙসি কম্মর্স অমসুং ইন্দস্ত্রী অমদি রেলৱেজকী কেন্দ্রগী মন্ত্রী, শ্রী পিয়ুশ গোয়লনা ওনলাইন্দা হৌদোখ্রে। এন.পি.পি.সি.গী থিম অসি “তেক্নোলোজী ইনেবল গভর্মেন্ত প্রোক্যুর্মেন্ত – তুৱার্দস ইফিসেন্সী, ত্রান্সপরেন্সী অমসুং ইনক্লুসিবনেস” ওইখি।

সরকারগী প্রোক্যুর্মেন্তদা জি.ই.এম.না অওনবা অমা পুরকপদা মায় পাকখিববু থাগৎপা ফোঙদোক্লদুনা শ্রী গোয়লনা হায় অরৈবশিং অমসুং অয়োনবশিং মশিং কয়া কয়ানা সিস্তেম অসিদা য়াওশিনগদবনি। জাতি অসিগী চাউখৎ থৌরাংদা জি.ই.এম.না কান্নবা অমদি শেল চৎপা হন্থহনবা ঙম্লগনি হায়না থাজবা থম্মি হায়না ফোঙদোক্লদুনা মহাক্না হায় মসিনা ত্রান্সপরেন্ত লৈনা, লেপ্তনা, লাইনা, মপুং ফানা অমদি থুনা প্রোক্যুর্মেন্ত তৌবদা মতেং পাংলগনি। ই-পাউ পুম্নমক মফম অমদা ফেলগনি অমসুং কনাগুম্বনা সিস্তেম অসি শেমদোক্নবা হোৎনরকপসু লাইনা খঙদোকপা ঙম্লগনি। মহাক্না হায় অরৈবশিংদা পেমেন্ত তৌবদা থেংবগী জি.ই.এম.দা শেন্দোই পীনবা সরকারগী ৱারেপ অসি শীংথানীংঙাই ওইবা খোঙথাং অমনি। মসিগা ইরোইননা, মহাক্না অচুম-চুমদা খন্থদনা য়োলিবশিংনা ফত্তববা পোৎশিং নত্রগা মমল হেন্না লৌবগীদমক চেকশিন্নবা ৱা থমখি মখোয় অসি জি.ই.এম.পোর্তেলদগী ব্লেকলিস্ত তৌবা খক নত্তনা সরকারগী অপুনবা ইকো সিস্তেমদগীসু তৌগনি।

লৈবাক অসিগী কচিন-কোয়া য়ৌহনবা ঙম্নবা সি.আই.আই.না জি.ই.এম.গা লোয়ননা চুংশিন্নরকপা অসিদা শ্রী  পিয়ুশনা তরাম্না ওকখি। মহাক্না হায় থবক লেপ্তনা চত্থবা, ত্রান্সপরেন্ত লৈবা, কান্নবা পীবা অমসুং তেক্নোলোজীনা চল্লাইবগী খুদোংচাবা জি.ই.এম.দা ফংগনি অমসুং সিস্তেম অসিদা অরৈবশিং অমদি য়োল্লিবা মশিং কয়া কয়ানা য়াওরক্লবা মতমদা হেন্না মপাঙ্গল কল্লকনি। প্রোক্যুর্মেন্ত ওর্দরশিং হেল্লিবা মখৈ অয়োনবশিং মসিদা য়াওরকপগী মশিং হেনগৎহন্দুনা অহোংবা মমলশিংদা অফবা পোত্থোকশিং ফংনবা হেন্না হোৎনগনি। “হেন্না নুংঙাইহনগনি” হায়না মন্ত্রীনা হায়।

মন্ত্রীনা হায় সরকার অসিনা মম শাংনা তঙাই ফদবা খুদোংচাবশিং ফংহল্লুদ্রবা খুন্নাই অসিগী শরুক পুম্নমক মরু ওইনা শোত্থরবশিংবু মতেং পাংনবা লেপ্তনা হোৎনদুনা লাক্লি। মহাক্না সরকারগী প্রোক্যুর্মেন্ত অসি য়াম্না চাউই অমসুং কান্নবা ওইগনি। “শেল লুপা অমা তুংশিনবা হায়বা অসি লুপা অমা তানশিনবনি”, হায়না মন্ত্রীনা ফোঙদোকখি। চাংদম্নবা অমদি কান্নবা পীবা হেনবনা সরকারদা শেল চৎপা হন্থহল্লি মসিনা মীয়ামগী কান্ননবদা অমসুং য়েংশিনবা মথৌ তাবা মীওইশিংদা শীজিন্নৈ। শ্রী গোয়লনা হায় সরকার অসিনা অচুম্বা পুরক্তুনা শেঞ্জা থুমজা মুত্থৎলি। "ত“ক্নোলোজীনা ত্রান্সপরেন্সী পুরক্তুনা থাজবা লৈহল্লি, মসিনা লৈবাক অসিদা অওনবা পুরকপদা মতেং ওইরি। ঐখোয়না শেঞ্জা থুমজা লৈরম্বদগী তরু তরুবা সরকার অমা ওইদুনা মীয়াম্না থাজবা থম্লি অমসুং লৈবাক মনুং অমদি মপানদা ললোন ইতিক ফগৎহল্লি।"

মন্ত্রীনা হায় তেলিবিজন মিদিয়াগী মায় পাকপা অসি তি.আর.পি. রেতিংশিংদা ওনবগুম্না জি.ই.এম.গী মায় পাকপা অসি থাজবা (সরকারগী প্রোক্যুর্মেন্ত তৌবদা য়াওবা মীয়াম), থাজবা য়াবা (অফবা প্রদক্তশিং অতাবা মমলদা মতম চানা সপ্লাই তৌবা) অমসুং য়াইফবা (লৈবাক অমদি মীয়াম)দা ওনগনি। মহাক্না হায় সরকার খজিক হোৎন্দুনা কান্নবা মায়াম ফংহল্লি অমসুং প্রোক্যুর্মেন্তদা ই-প্রোসেস তৌবনা মায়কৈ অসিদা থাংজিনবা খোঙথাং অমনি।

মন্ত্রীনা হায় জি.ই.এম.গী প্রোক্যুর্মেন্ত তৌবদা ইন্দিয়ন রেলৱেজ পুনশিন্নবা কন্না হোৎনরি হায়না মন্ত্রীনা লাউথোকখি। মহাক্না হায় রেলৱেজনা চহি অমদা প্রোক্যুর্মেন্ত তৌবদা লুপা কোতি ৭০,০০০রোম চাদিং তৌরি অমসুং সিস্তেম অসি জি.ই.এমগা পুনশিল্লবা মতুংদা য়ামদ্রবদা ১০-১৫% হায়বদি লুপা কোতি ১০,০০০রোম হন্থহনবা ঙমগনি। মহাক্না হায় শেল হন্থহনবা ঙম্বা খক নত্তনা, পুনশিনবা অসি পাঙ্গল, থবক শীজিন্নরিবা মীশিং হন্থহনগনি অমদি সিস্তেম অসিদা কান্নবা অমদি ত্রান্সপরেন্সী পুরকপা ঙমহনগনি।

কম্মর্স অমসুং ইন্দস্ত্রী মন্ত্রালয়গী মিনিস্তর ওফ স্তেৎ শ্রী সোম প্রকাশনা হায় কনক্লেভ অসিনা অরৈবশিং অমসুং য়ল্লিবশিং ৱারী শান্নবা অফবা খুদোংচাবা অমা ফংহল্লি। মহাক্না হায় নু্পী ওন্তপ্রিনোরশিং, স্তার্ত-অপশিং, ফী শাবশিং, সেল্ফ হেলপ গ্রুপশিং অমসুং এম.এস.এম.ই.শিংনা প্লেৎফোর্ম অসিদগী কান্নবা ফংলগনি। মহাক্না সরকারনা জি.ই.এম. সিস্তেমগী মপালদগী পোৎ লৈবা হন্থনবসু হায়খি।

জি.ই.এম.গী সি.ই.ও. শ্রী তলীন কুমারনা হায় জি.ই.এম.না পব্লিক প্রোক্যুর্মেন্তদা কান্নবা পীবা, ত্রান্সপরেন্সী লৈবা, ইনক্লুসিব ওইবা হেনগৎনবা অঞদি দাইরেক্ত প্রোক্যুর্মেন্ত তৌনবা খুৎলাইশিং, ই.বিদিং অমসুং রিজার্ব ওক্সন তৌবা য়াহন্দুনা অরৈবশিংনা মখোয়গী শেল অদুগা খ্বাইদগী চান্নবা পোৎ ফংহনবদা খুদোংচাবা পীরি। মহাক্না হায় জি.ই.এম. অসি লেপ্তনা ত্রান্সপরেন্ত লৈবা, কান্নবা পীবা অমসুং ইনক্লুসিব প্লেৎফোর্ম অমা ওইবা হেনগৎলক্লি লোয়ননা জি.ই.এম.দা অপুনবা গ্রোস মর্চেন্দাইজ ভেল্যুগী ৫৭% এম.এস.এম.ই.শিংনা ওইরি। “অত্মানির্ভার ভারত”কী ৱাকল্লোনগী শরুক অমা ওইনা মেক ইন ইন্দিয়াগী খোঙথাংদা মতেং পীনবা অমসুং “ভোকেল ফোর লোকেল”গী খোঙথাংগী খুত্থাংদা লোকেল প্রদক্তশিং অৱাংবা থাক্তা পুখৎনবা, জি.ই.এম.দা অয়োনশিংনা অনৌবা প্রদক্তশিং রেজিস্তর তৌবা মতমদা মখোয়গী হৌরকফম লৈবাক শোইদনা হাপনবা সরকারনা খঙহনখ্রে। লাক্লিবা থা খরা অসিদা জি.ই.এম.না জি.ই.এম. ৪.০ পুথোক্লগনি - য়ুনিফাইদ প্রোক্যুর্মেন্ত সিস্তেমদা হাপচিল্লগনি।

চহি অসিগী ওনলাইন কনক্লেভ অসিগী মপুং ওইবা হীরমশিংদি জি.ই.এম.গী ফগৎহল্লবা ভর্জন – জি.ই.এম. ৪.০গী অকুপ্পা ৱারোল, মতুং তারকপদা পব্লিক প্রোক্যুর্মেন্ত তৌবদা এম.এস.এম.ই.শিং, স্তার্তঅপশিং, নুপী ওন্তপ্রিনোরশিং, ফী শাবশিং অমসুং খুৎহৈবশিং, ইনফোর্মেসন তেক্নোলোজী, দিফেন্স অমসুং রেলৱেজনা লৌবা থৌদাংগী ভর্চ্যুল পেনেল সেসনশিং। এন.প.সি.সি. ২০২০গী অতোপ্পা থৌরমশিংদি সরকার, অরৈবশিং অমসুং য়োলিবশিংগী মরক্তা ভর্চ্যুল বি২বি অমসুং বি২জি মীফমশিং, জি.ই.এম. অমসুং  অনৌবা পুথোক্লিবশিংগী মতাংদা ত্রেনিং অমসুং তেক্নিকেল সেসনশিং অমসুং মফম অদুমক্তদা খঙনিংবশিং হাংনবা জি.ই.এম.গী ভর্চ্যুল স্তোল অমা অমসুং অয়োনবশিং অমসুং অরৈবশিং রেজিস্ত্রেসন তৌবগী খুদোংচাবা, সর্ভিসশিংগী অখন্নবা সেসন।

থৌরম অসিদা সি.আই.আই.গী দিরেক্তর জেনরেল শ্রী চন্দ্রজিৎ বেনর্জীনা ৱা ঙাংখি।

********