ওগস্ত ৬, ২০২০দা ত্রাইবেল কো-ওপরেতিব মার্কেতিং দিবেলপমেন্ত ফেদেরেসন ওফ ইন্দিয়া (তি.আর.আই.এফ.ই.দি.)গী কুনথ্রা-হুমদোই শুবা মপোক কুওনগী থৌরমদা মখোয়না ত্রাইবেলশিংগী পুন্সিদা অওনবা পুরক্নবা হোৎনবা অদু অমুক হন্না নিংশীংখ্রে। মখোয়গী ত্রাইবেলবু চাউখৎহন্নবা মিসন অসি এন্তর্প্রাইজ অমসুং কম্মর্সকী খু্ত্থাংদা লেপ্তনা থবক পায়খৎলি, খুদোংচাদবা কয়া মায়োক্নরিবা মতম অসিদা, তি.আর.আই.এফ.ই.দি. ত্রাইবেল মীয়ামবু থবক পীনবা অমসুং হিংনবগী পাম্বৈশিং পীদুনা মতেং পাংলিবা অসিগী শরুক অনি হেনগৎখি।

“মীওই মশিং কয়ানা হন্দক্কী লোকদাউন অমসুং হৌজিক থৌক্লিবা লায়চৎ অসিগী মনুংদা ভংরত্তা পোৎ লৈনবা, বেঙ্কিং তৌনবা, থবক তৌনবা অসিনচিংবদা -ওনলাইন পাম্বৈশিং লৌখৎলক্লি; অমসুং মসিগী চৎনবী অসি লোকদাউন কোমথোক্লকপা অসিদনা হেন্না হেনগৎলক্লি। সপ্লাইগী মরমদনা, কোবিদ-১৯গী খুদোংথিবা অসিনা মরম ওইরগা ত্রাইবেল খুৎহৈবশিং অমসুং উমংদা খুন্দারিবা মাইনর ফোরেস্ত প্রদ্যুস গেদররশিং য়াওনা লায়রবা অমদি শোত্থরবা কাংলুপশিংগী হিংনবগী পাম্বৈদা খম থেংনা অৱাবা পীরি। তি.আর.আই.এফ.ই.দি.না ওইরক্লিবা ফীভম অসিনা লালোং হৈনা মায়োক্নবা তারি। মসিগী হীরম অসিদা ঐখোয়গী দিজিতাইজেসনগী লালোং অসি চাউনা কান্নবা ওইরি।" হায়না তি.আর.আই.এফ.ই.দি.কী মেনেজিং দিরেক্তর শ্রী প্রবির কৃষ্ণনা ফোঙদোকখি।

লৈবাক শিনবা থুংনা লায়চৎ অসিনা শন্দোরকপগা লোয়ননা পুন্সিগী হীরম পুম্নমক্তা ওনলাইনদা মথৌ তৌবা হৌরবা মতম অসিদা, তি.আর.আই.এফ.ই.দি. গী মপোক কুমওন নুমিৎ, ওগস্ত ৬, ২০২০দা মশাগী ভর্চ্যুল ওফিস হৌদোকখ্রে। তি.আর.আই.এফ.ই.দ.গী ভর্চ্যুল ওফিস নেৎৱার্ক অসি ওনলাইন ৱার্কস্তেসন ৮১ অমসুং রাজ্য অমদি এজেন্সী কয়া কোল্লিবা অহেনবা ৱার্কস্তেসন ১০০ লৈ, মসিনা তি.আর.আই.এফ.ই.দি.গী মথৌ তৌরিবা তিমবু মখোয়গা চংশিন্নরিবশিংগা লোয়ননা লৈবাক শিনবা থুংনা থবক চত্থবদা মতেং ওইরগনি – মখোয়না নোদেল এজেন্সীশিং নত্রগা ইমপ্লিমেন্ততেসন এজেন্সীশিং শেম্বা য়াই – চাউখৎপগী লম্বেলদা ত্রাইবেল মীয়ামবু পুশিন্নবা মিসন মোদতা হোৎনগনি।

থবক পীবগী চাং অমসুং মখোয়না হোৎনরিবা অদু খঙদোক্নবা থবক তৌরিবা এমপ্লোই অমসুং শিন্দোক্লিবা থবক্কী মেত্রেক্সকা লোয়ননা দেশবোর্দ লিঙ্কশিংসু হৌদোকখ্রে। রাজ্যসিং অমসুং লমদম কয়া লেপ্তনা থবক তৌনবা অতোপ্পা দিজিতেল সোফৱেয়র কয়াসু হৌদোকখি।

ওর্গনাইজেসনগী ওইবা খোঙথাং অসি তি.আর.আই.এফ.ই.দি.গী ত্রাইবেলগী কম্মর্স অৱাংবা থাক্তা পুখৎতুনা অমসুং মখোয়গী খুঙ্গংদা য়ুম্ফম ওইবা ত্রাইবেল প্রদ্যুসরশিং অমসুং খুৎহৈবশিংবু অন্তর্জাতিগী থাক্কী ওইবা খ্বাইদগী নৌবা ই-প্লেৎফোর্ম অমা শেমগৎতুনা জাতি অমদি অন্তর্জাতিগী লৈরিবা কৈথেলশিংগা মরী থম্নবা হোৎনরিবা দিজিতাইজেসন দ্রাইফ পুম্নমক অসিগী শরুক অমনি।

মল্তি-স্তেৎ কোওপরেতিব সোসাইতি এক্ত ১৯৮৪গী মখাদা রেজিস্তর তৌখিবা, তি.আর.আই.এফ.ই.দি অসি ১৯৮৭দা ত্রাইবেল এফিয়র্স মন্ত্রালয়গী লুচিং মখাদা নেস্নেল নোদেল এজেন্সী ওইনা লিংখৎখি, মসিনা রাজ্য পুম্নমক্কী ত্রাইবেল মীয়ামগী সোসিও-ইকোনোমিক্কী ওইবা চাউখৎ থৌরাংশশিংগীদমক থবক তৌবা হৌখি। তি.আর.আই.এফ.ই.দি. ১৯৮৮তগী চল্লাইবা হৌখি লোয়ননা মখোয়গী হেন্দ ওফিস নই দিল্লীদা ওইখি অসুং মসিগী অহানবা মেনেজিং দিরেক্তর শ্রী এস কে চৌহান, আই.এ.এস.না ওইখি। মিস্তর প্রবির কৃষ্ণ, আই.এস.এস,না হৌজিক ৩৬শুবা মেনেজিং দিরেক্তর ওইরি মহাক্না জুলাই ২৫, ২০১৭দগী থৌ পুবা হৌখি। ঙসি ফাওবা ওর্গনাইজেসন অসিদা তোঙান তোঙানবা হেদ ওফিস অমসুং রিজনেল ওফিস ১৫দা এমপ্লোইয়ী ৫০০ হেন্না লৈরি। ভারত্তা লৈরিবা শোত্থরবা ত্রাইবেল মীয়ামগী শেন্মীৎলোনগী য়াইফ থৌরাং লৌখৎপগী পান্দমদা (মখোয়গী স্কিলশিং মার্কেতিং অমসং চাউখৎপা পুরকপগী খুত্থাংদা), তি.আর.আই.এফ.ই.দি.না মখোয়গী অহানবা রিতেল আউৎলেৎ ত্রাইবস ইন্দিয়া কৌবা নই দিল্লীদা ১৯৯৯দা লিংখৎখিবা অসিগী খুত্থাংদা ত্রাইবেল আর্ত অমসুং ক্রাফ প্রোক্যুর্মেন্ত অমসুং মার্কেতিং তৌবা হৌখি।

********