কেন্দ্র অমসুং রাজ্য/য়ু.তি.শিংনা কোবিদ-১৯গী মতাংদা খুৎশম্নবা, থাক খায়বা অমসুং হকথেংননা শেন্নবগী থৌওং কয়া পাঙথোকপগী মরম ওইদুনা লৈবাক্কী কেস ফেতেলিতী রেৎ (সি.এফ.আর.) অসি তাথহনবা ঙম্লে। হৌজিক মসি ২.০৪%দা লৈরি। কোবিদ-১৯বু নীংথিনা শেন্ননবা রাজ্য/য়ু.তি.শিংদা পাউতাক পীবগী লেপ্তনা চত্থরকপা য়েংশিনবগী মীফমগী থৌশিল ওইনা ওগস্ত ৭ অমসুং ৮দা লৈবাক্কী চাংচত্তগী হেন্না ৱাংবা সি.এফ.আর. লৈবা রাজ্যশিংদা মসিগী চাং হন্থহনবদা তেংবাংনবা শ্রী রাজেশ ভুশন্না লুচিংদুনা মীফম অনি পাঙথোকখ্রে।

ঙসিগী মীফম অদুদা রাজ্য/য়ু.তি. ৮দা লৈবা জিলা ১৩দা মিৎয়েং চংখি। মখোয়শিং অদুদি অসমগী কাম্রুপ মেত্রো, বিহারগী পত্না, ঝারখন্দগী রাঞ্চি, কেরলাগী তিরুবন্থাপুরম অমসুং অলাপুঝা, ওরিশাগী গঞ্জম, উত্তর প্রদেশকী লখনৌ, নোঙচুপ বেঙ্গালগী পরাগানা ২৪, হৌরা, কোলকতা অমসুং মালদহ অমসুং দিল্ললীনি। মসিগী জিলাশিং অসিনা ভারতকী এক্তিব কেসকী শরুক ৯% অমসুং কোবিদনা লৈখিদবগী ১৪%গী শরুক ওইরি। মখোয়না তেস্ত পর মিলিয়ন নেম্বা অমসুং লায়না অসিগী কনফেরমেসনগী চাং ৱাংবা ওইরি। জিলা মরিদা নোঙমদা কেস মশিং য়ামখৎলকপগী মতৌ উবা ফংলি। মখোয়শিং অদুদি সমগী কাম্রুপ মেত্রো, উত্তর প্রদেশকী লখনৌ, কেরলাগী তিরুবন্থাপুরম অমসুং অলাপুঝানি। রাজ্য ৮ অসিগী প্রিন্সিপাল সেক্রেতরী (হেলথ) অমসুং এম.দি.(এন.ঐচ.এম.)গা লোয়ননা দিস্ত্রিক্ত সর্বেলিএন্স ওফিসারশিং, দিস্ত্রিক্ত কল্লেক্তরশিং, ম্যুনিসিপাল কোর্পোরেসনগী কম্মিস্নরশিং, চীফ মেদিকেল ওফিসারশিং অমসুং মেদিকেল কোলেজশিংগী সুপ্রিন্তেন্দেন্তশিংনা বর্চুএলগী মীফম অসিদা শরুক য়াখি।

মীফম অসিদা ফেতেলিতী রেৎ হন্থহনবগী মরু ওইবা ৱাফম কয়া খন্নখি। রাজ্যশিং অসিদা লেবশিং মশিং নেম্না শিজিন্নবা, হায়বদি নোঙমদা আর.তি.-পি.সি.আর. তেস্ত ১০০দগী তাবা অমসুং অতোপ্পনা ১০দগী তাবগী হীরম; মীশিংগী মতুং ইন্না তেস্ত পর মিলিয়ন মশিং নেম্বা; মমাংগী চয়োলদগী এবসোল্যুত তেস্ত মশিং হন্থরকপা; তেস্ত রীজল্ৎ পীবদা থেঙবা; হকশেলগী থৌমীশিংগী মরক্তা পোজিতিব ওইবগী চাং ৱাংবনচিংবা হীরম কয়াগী মতাংদা য়েংশিন্নবা খঙহনখি। রাজ্যশিং অসিদা কৌবা মতমদা য়ারোই হায়বগী চাং লৈতবা এম্বুলেন্স মতম পুম্বদা ফংহন্নবা খঙহনখি। হোম আইসোলেসন তৌদুনা লৈবা সিম্পতম উত্তবা অনাবশিংবু নুংতিগী ওইনা মখোয়গী হকশেলগী ফিভম অসি ফোন তৌদুনা নত্ত্রগা চত্তুনা য়েংশিনবগী হীরমসু য়াম্না মরু ওইনা খন্নখি। রাজ্যশিং অসিদা লৈরিবা কেসকী মশিং অমসুং হেনগৎলকপা য়াবগী চাং খঙদোক্তুনা মখোয়গী লৈরিবা ইনফ্রাস্ত্রকচরশিং , হায়বদি আই.সি.য়ু. বেদ, ওক্সিজেন সপ্লাইনচিংবা অসি মতম চানা য়েংশিন্দুনা নীংথিনা শেম শাদুনা থম্নবা খঙহনখি।

নই-দিল্লীগী এমসনা কেস ফেতেলিতী রেৎ হন্থহন্নবা হায়দুনা চয়োল খুদিংগী অনিরক ওইনা লৈবাকপোকপা অমসুং ইরাই নুমিৎ খুদিংগী হৈরবা দাক্তরগী কাংবু অমনা তোঙানবা রাজ্যগী হোস্পিতালশিংগা তেলি/ভিদিও কন্সলতেসনগী খুত্থাংদা আই.সি.য়ু.দা লৈরিবা কোবিদ-১৯গী অনাবশিংবু নীংথিনা ক্লিনিকেল মেনেজমেন্ত তৌবগী পাউতাক কয়া পীদুনা লাক্লিবা অসিগী মরমদসু মীফম মসিদা পনখি। হায়রিবা ভি.সি.শিং অসিদা রাজ্যশিংনা মখোয়গী স্তেৎ সেন্তর ওফ এক্সেলেন্স অমসুং অতোপ্পা হোস্পিতালশিংসু শরুক য়াহন্নবা খঙহনখি। রাজ্যশিং অসিনা মন্ত্রাল্যগী কাঙলোন কয়া নীংথিনা ইন্দুনা কন্তেনমেন্ত অমসুং বফর জোনশিং নীংথিনা শেন্ননবা অমসুং অরুবা কেস্তা মিৎয়েং চংদুনা অনাবশিংবু য়েংশিন্নবা পরিং নাইবা পথাপ শিজিন্ননবসু হায়খি। অতোপ্পা মরু ওইবা মিৎইয়েং চংগদবা মফমদি মতম কুইনদগী নারক্লবা মীওইশিং, মীরোনবী নুপীশিং, অহল অমসুং অঙাংশিংগুম্বা রিস্ক ৱাংবা মীওইশিংবু নীংথিনা শেন্নদুনা থোক্ত্রবসু য়াবা মী-লৈতবগী থোউওং থোকহন্দনবা হোৎনবা অসিনি।

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid১৯[at]gov[dot]in দা থাবীয়ু অমসুং অতোপ্পশিংগী ওইনা ncov২০১৯[at]gov[dot]in and @CovidIndiaSevaদা থাবীয়ু।

কোবিদ-১৯গী ক্বেরীশিংগী ওইনা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +৯১-১১-২৩৯৭৮০৪৬ নত্ত্রগা ১০৭৫ (তোল-ফ্রী) দা কোল তৌবীয়ু

রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf তা ফংবীগনি।

******