কেমিকেল্স অমসুং ফর্তিলাইজর মন্ত্রালয়
খ্বাইদগী য়াম্বা ওইনা ২০২০গী এপ্রিল-জুলাই মনুংদা এন.এফ.এলনা পুন্না হার মেত্রিক তন লাখ ১৮.৭৯ য়োনখ্রে
प्रविष्टि तिथि:
07 AUG 2020 3:09PM by PIB Imphal
নেস্নেল ফর্তিলাইজরস লিমিতেদ(এন এফ এল)না খ্বাইদগী য়াম্বা ওইনা ২০২০গী এপ্রিল-জুলাই মনুংদা এন.এফ.এলনা পুন্না হার মেত্রিক তন লাখ ১৮.৭৯ য়োনখ্রে, মসি হৌখিবা চহিগী মতম অসিদা মেত্রিক তন লাখ ১৫.৬৪ য়োনখিবা অদুদগী চাদা ২০ হেল্লবনি। মতম অসিদা য়োনখিবা হার মখলশিং অদুদা য়ুরিয়া, দি.এ.পি, এম.ও.পি, এন.পি.কে, এস.এস.পি অমসুং বেন্তোনাইত সলফর য়াওরি।
এন.এফ.এলগী ৱারোল মতুংইন্না, য়োনখিবা হারগী মনুংদা, কম্পেনি অসিনা মরুওইনা পুথোকপা য়ুরিয়া মেত্রিক তন লাখ ১৫.৮৭ য়াওখি, মসি মমাং চহিগা চাংদম্নবদা চাদা ১৭ হেল্লবনি।
পোৎশিৎ ফগৎলকপা অসিদা অমসুং কোবিদ-১৯ লাইচৎ মনুংদা ‘কিষান’ হারশিং মাইপাক্না লৌমীশিংদা ফংহনবগীদমক সি অমসুং এম.দি এস.ঐচ ভি.এন দত্তনা পোৎ য়োল্লিবা কাংবু থাগৎখি।
নেস্নেল ফর্তিলাইজরস লিমিতেদনা মেনুফেকচরি প্লান্ত মঙাদা য়ুরিয়া পুথোক্লি, প্লান্তশিং অদু পঞ্জাবকী নঙ্গাল অমসুং বাথিন্দাদা অমমম, হরিয়ানাগী পানিপৎতা অমা, মৈধ্য প্রদেসকী বিজয়পুরদা প্লান্ত অনি লৈরি। কম্পেনি অসিনা চহি অমদা য়ুরিয় মেত্রিক তন লাখ ৩৫.৬৮ পুথোক্লি। কম্পেনি অসিগী মশাগী পোৎথোকশিং হায়বদি য়ুরিয়া, বাইও ফর্তিলাইজরসিং অমসুং বেন্তোনাইত সলফরগী মথক্তা, কম্পেনি অসিনা তোঙান-তোঙানবা হার মখলগী ললোন্দুনা লৌমীশিংদা মখল কয়াগী হারশিং ফংহল্লি।
*****
(रिलीज़ आईडी: 1644110)
आगंतुक पटल : 227