পর্সনেল, পব্লিক গ্রিভান্সেস অমসুং পেন্সন্সকী রাজ্য মন্ত্রী দা.জিতেন্দ্রনা ঙসি ভারতনা প্রধান মন্ত্রী শ্রী নরেন্দ্র মোদীগী মখাদা মালেমগী ওইবা কোবিদকী তেংবাং পীনবগী তাল অমা শেমখ্রে হায়না ফোংদোকখ্রে। হৌখিবা চহি তরুক্তগী শ্রী নরেন্দ্র মোদীনা তোপ-তোপ্পা মওংদা মীরৈবাক্কা শম্নবা অসিনা লায়চৎ অসিগী মায়োক্তা অন্তর্রাস্ত্রীয়গী য়ান্ননা পুনশিন্নবা অসিদা মমাং থংনা লমজেল চেনবদা য়াম্না চাওনা মতেং পাংখ্রে।   মহাক্না ইন্দিয়ন তেক্নিকেল অমসুং ইকোনোমিক কোর্পোরেসন(আই.তি.ই.সি.), এক্সতের্নেল এফেয়র্স  মন্ত্রালয় অমসুং নেস্নেল(এন.সি.জি.জি.), বিভাগকা খুৎশম্নদুনা “কোবিদ-১৯- লায়চৎ অমদা নিংথিনা লৈঙাকপগী পাংথোকপা থবকশিং”গী মতাংদা ইন্তর্নেস্নেল ৱর্কশোপ অমা পাংথোকপদা হায়খি।  

ভারত্তা লায়চৎ অসিনা শোকহল্লকপা কেস খরা লৈরকখিবদগী থুনা লোকদাউন অমা চৎনহন্দুনা মালেম অসিবু  শিংনবা অসি লান্থেংননবা মীৎকপ থোকহনখিবা প্রধান মন্ত্রী শ্রী নরেন্দ্র মোদীনি হায়না দা. জিতেন্দ্রনা হায়খি।  প্রধান মন্ত্রীগী মীৎয়েং শানবা অমসুং উবা ঙম্বা অসিনা ভারতনা লায়চৎ অসি থেংনবদা য়াম্না নিংথিবা মওং অমদা মতেং ওইহন্দুনা অতৈ লৈবাক কয়া অমনা হেন্না মান্নবা মওং অসি য়ৌনবা তানখৎনরক্লি।

ইন্তর্নেস্নেলগা তেংবাংনবগী হিরমদা পল্লদুনা শ্রী নরেন্দ্র মোদীনা অমেরিকাগী মিলিয়ন দোলর ১০গী ৱাফম থমখিবগা লোয়ননা কোবিদ-১৯গী ইমর্জেন্সী ফন্দ শেম্বদা থৌদাং লৌখি, লন্নাই ওইনা সরকারগী অমসুং রাজ্যশিংগী মকোক থোংবশিংগা উন্নবদা নত্তনা নত্তনা সার্ক, এন.এ.এম., জি.-২০ অমসুং অতৈ প্লেতফোর্ম গুম্বা লায়চৎ অসিগী ৱাফমশিংসু লাওথোকপিখি হায়না শ্রী জিতেন্দ্রনা ফোংদোকখি।

শ্রী মোদীনা লাউথোকখিবা আত্মনির্ভর ভারতকী মখাদা লুপা লাক্ষ কোতী ২০গী মথক্কী পেকেজ অমা শেমখিবা অসি ভাকতকী জি.দি.পি.গী চাদা ১০মুক্কীনি অমসুং লায়চৎ অসি থেংনবদা মায় পাক্নবা তৌবদা মালেমদা খ্বাইদগী ৱাংবশিংগী মরক্তা অমনি হায়না দা. জিতেন্দ্রনা হায়খি।  ভারত অসি কোবিদকী মতুংদা লাক্কদৌরিবা মতমদা মালেমগী শেন্মিৎলোন ফগৎহল্লকপগী মরুওইবা য়ুম্বি অমা ওইরগনি হায়না মহাক্না হায়খি। কোবিদকী লায়চৎ অসিগী মায়োক্তা লান্থেংনবদা মায় পাকপগী লমজিংগদবা লম্বি তাকপা অসি  লৈবাক অসিগী শেন্মিৎলোন অসি অমুক হৌদোকপা অমদি য়ান্ননা খুৎশম্নবা অসি ফগৎহনবদা লৈ হায়না মহাক্না হায়খি। অফবা ওর্গনাইজেসনশিং, অফবা ই-গবর্নেন্স মোদেল, দিজিতেলগী মওংদা পাঙ্গল কনখৎহল্লবা নাগরিকশিং অমসুং অফবা হকশেলগী সর্ভসশিংগীদমক্তা ইনখৎলকপনি হায়না মহাক্না হায়খি। দা. জিতেন্দ্র সিংহনা তীম ওইনা থবক তৌদুনা, ৱামিন্নবা অমসুং স্তেতমেন্তশিপ অসিনা কোবিদ ১৯গী ওইনা থবক পাংথোকপদা ভারতকী লৈঙাক অসি করিনো হায়না তাক্লবনি অমসুং অফবা শেমগৎপা মওং অমনা লৈঙাক অসিনা থেংনরিবা লান্থেং অসি লোইশিনখ্রে। “গজ অনি থাপতোক্না লৈবা”-থাপতোক্না লৈনবগী লমজিংলিবা লম্বি অসি মালেমগী ওইবা কাংলোন অমা ওইরে হায়না মন্ত্রীনা মখা তানা ফোংদোকখি। 

মহাক্কী ৱারোলদা এক্সতর্নেল এফেয়র্সকী রাজ্য মন্ত্রী শ্রী ভি. মুর্লীধারন্না লায়চৎ অসিনা মাগী রিসের্সশিং অমদি হকশেল অমসুং মেদিকেলগী শেমগৎপা মওংশিং অকক্নবা ওইহন্দুনা চাওখৎলক্লিবা লৈবাকশিং অসি চৈথেং পীরি হায়না ফোংদোকখি। অদুবু প্রধান মন্ত্রী শ্রী নরেন্দ্র মোদীনা লুচিংবিদুনা ভারতনা মফম অসিদা হেন্না হকশেল অমসুং অতৈ তেংবাংশিংগা লোয়ননা অতোপ্পা মরূপ ওইরিবা লৈবাকশিং ফংননবা অকনবা থবক পায়খৎলি। মহাক্না ভারত অসি মালেমগী অতৈ লৈবাকশিংগা পুন্না ভেক্সিন পুথোক্নবদসু মকোক থংলি হায়না ফোংদোকখি।

নুমিৎ নিনিগী কনফরেন্স অসিদা খা থংবা এসিয়া, খা-নোংপোক থংবা এসিয়া, লেতিন অমেরিকা অমসুং অফ্রিকাদগী লৈবাক ২৬তগী দিপ্লোমেৎশিং, সিভিল সর্ভেন্তশিং অমসুং হকশেলগী অখং-অহৈশিং য়াওনা শরুক য়াবা মীওই ১৮৪না শরুক য়াখি। 

থৌরম হৌদোকপগী সেসন অসিদা ভারত সরকাগী দি.এ.আর.পি.জি. অমসুং দি.পি.পি.দব্লয়ু.গী সেক্রতরী দা. ক্ষত্রপতি শিবাজী অমসুং দি.এ.আর.পি.জি.গী এদিস্নেল সেক্রতরী অমসুং নেস্নেল সেন্তর ফোর গুদ গবর্নেন্সকী দিরেক্তর জেনরেল শ্রী ভি শ্রীনিবাস,  এক্সতর্নেল মন্ত্রালয়গী, জে.এস. কুমারী দিব্যনি খোব্রাগাদে অমসুং ভারত সরকারগী অতৈ মকোক থোংবা ওফিসিএলশিং য়াওখি।

ৱর্কশোপ অসি খুৎশম্নবা মওংদা এক্সতর্নেল এফেয়র্স, এদমিনিস্ত্রেতিব রিফোর্মস অমসুং পব্লিক গ্রিভান্সেস বিভাগ অমসুং নেস্নেল সেন্তর ফোর গুদ গবর্নান্সতগী ভারতনা নিংথিনা লৈঙাকপগী মওং অসি আই.তি.ই.সি.গী লৈবাকশিং  শন্দোক্নবগী ৱাখল্লোন থমখি।  

**********