কেন্দ্র সরকার অসিনা লৌউ-শিংউগী হীরমদা য়াম্না চাউনা মীৎয়েং থম্লি। লৌমীশিংদা খুদোংচাবা কয়া পীদুনা অমসুং নহাশিংদা থবক পীবীদুনা হকথেংননা নত্ত্রগা নাকোইননা মখোয়গী শেন্থোক লম্বী হেনগৎনবগীদমক স্তার্ত অপশিংবু পুক্নিং থৌগৎলি। রাস্ত্রিয়া কৃশি বিকাস য়োজনাগী মখাদা ইন্নোবেসন অমসুং এগ্রিপ্রিন্যুরশিপ হেনগৎনবগীদমক মখোয়দা শেলগী মতেং অমসুং ইঙ্ক্যুবেসনগী ইকোসিস্তেম অমা শাগত্তুনা ইন্নোবেসন অমসুং এগ্রি-ওন্ত্রপ্রিন্যুরশিপ দিবেলপমেন্ত প্রোগ্রাম অমা হৌদোকখ্রে। মসিগী স্তার্ত অপশিং অসি এগ্রো-প্রোসেসিং, আর্তিফিসিএল ইন্তেলিজেন্স, দিজিতেল এগ্রিকলচর, ফার্ম মেকানাইজেসন, ৱেস্ত তু ৱেলথ, দেরী, ফিসরীজ অসিনচিংবা কাংলুপশিংদা খাইদোকই।

দি.এ.সি. অমসুং এফ.দব্ল্যু.না নোলেজ পার্তনর (কে.পি.) ৫বু সেন্তর ওব এক্সিলেন্স ওইনা খনগৎলে।

মখোয়শিং অদুদি –

১) নেসনেল ইন্সতিত্যুৎ ওব এগ্রিকলচর এক্সতেন্সন মেনেজমেন্ত (মেনেজ), হাইদেরবাদ

২) নেসনেল ইন্সতিত্যুৎ ওব এগ্রিকলচর মার্কেতিং (নিয়াম) জয়পুর

৩) ইন্দিয়ন এগ্রিকলচরেল রিসর্চ ইন্সতিত্যুৎ (আই.এ.আর.আই.) পুসা, নই দিল্লী

৪) য়ুনিবর্সিতী ওব এগ্রিকলচর সাইন্স, ধারবাদ, কর্নাতাকা অমসুং

৫) অসম এগ্রিকলচরেল য়ুনিবর্সিতী, ঝোরাৎ, অসমনি।

লৈবাক অসিদা লৈরিবা ২৪ আর.কে.ভি.ৱাই. – আর.এ.এফ.তি.এ.এ.আর. এগ্রিব্যুজিনেস ইঙ্ক্যুবেতর (আর.-এ.বি.আই.)শিংসু লৌখৎখ্রে।

মখাদা পীরিবশিং অসি স্কিম অসিগী মচাকশিংনিঃ

• এগ্রিপ্রিন্যুরশিপ ওরিএন্তেসন – থা খুদিংগী লুপা ১০,০০০গী স্তাইপেন্দ পীবগা লোইননা থা অনী পাঙথোক্কদবা। তাকপী তম্বীগদবা হীরম্না শেলথুম, তেক্নিকেল, আই.পি.গী সমশ্যাশিং অসিনচিংবশিংদনি।
• সীদ স্তেজ ফন্দিং ওব আর.-এ.বি.আই. ইঙ্ক্যুবেতীজ – লুপা লাখ ২৫ ফাওবগী শেন্থং পীবা (চাদা ৮৫গী শেন্থং অমসুং চাদা ১৫না ইঙ্ক্যুবেতরশিংদগী)
• আইদিয়া/প্রিসীদ স্তেজ ফন্দিং ওব এগ্রিপ্রিন্যুর – লুপা লাখ ৫ ফাওবগী শেন্থং পীবা (চাদা ৯০না শেন্থং অমসুং চাদা ১০না ইঙ্ক্যুবেতরশিংদগী)

ইন্সতিত্যুৎশিংনা মখোয়গী প্রোগ্রামশিংগীদমক এপ্লিকেসন কৌরি অমসুং তোঙান-তোঙানবা তাংককশিংদা খনবগী থৌওং পাঙথোক্তুনা অমসুং থা অনীগী ত্রেনিং পীদুনা, গ্রান্তস-ইন-এদকী মখাদা শেন্থং পীগদবা স্তার্ত অপশিংগী অরোইবা লিস্ত অদু লেপথোকই। তেক্নিকেল, ফাইনান্স, ইন্তেলেকচুএল প্রোপর্তী, স্তেত্যুতোরী কম্পালিয়ন্স ইস্যু অসিনচিংবশিংগী ত্রেনিংসু পীবীরি। স্তার্ত-অপশিংবু মরুওইবশিংদা অমসুং মতমগী মখা পোন্না তাকপী তম্বীবগী থবকসু প্রোগ্রাম অসিগী শরুক অমনি।

ইঙ্ক্যুবেৎ তৌরবা স্তার্ত-অপ খরদা মখাগী সোলুসনশিং অসি পীরিঃ-

• ভেৎজ হায়না মিংথোনবা এক্তিব এনিমেল হেলথ তেক্নোলোজী অসি কস্তমরশিংগা হায়বদি শা লোইরিবশিংদা খুদক্কী ওইনা অথাপ্পদগী কন্সলতেসন পীবা অমসুং য়ুমদা চত্তুনা উন্নবা ভেতিনরী দোক্তরশিংগী নেৎৱার্ক অমনি।
• এন.এন.এল. ইনোবেসন – ইন্নো ফার্মসনা ইন-হাউজ মোনোব্লোক ফ্রুৎ প্রোসেসিং প্লেৎফোর্ম অমা শীজিন্নদুনা ফার্মদা হকথেংননা প্রোসেস তৌবা উহৈ অমসুং মনা মশীংগী মনুংগী শরুকপু চহী অমা হেন্না চৎহন্দুনা ফার্মদগী কস্তমরফাওবদা মপুং ফানা ত্রেস তৌবা য়াহনবগা লোইননা পীরি।
• ই.এফ. পোলিমরনা ইকো-ফ্রেন্দলী ৱাতর রিতেন্সন পোলিমর অমা লৌমীশিংনা থেংনরিবা ঈশিং ফংদবগী অৱাবসিবু কোক্নবগী পান্দমদা শেমগৎখ্রে। মসিগী স্তার্ত-অপ অসিনা ঈশিং কা হেন্না চুপশিনবা ঙম্বা পোলিমর অমা লৈপাক লৈহাউদা ঈশিং চুপশিলহন্দুনা মতম কুইনা তুংদুনা লৈনবা অমসুং তঙাইফদবা চাংদুমক মহৈ-মরোংশিংদা ফংহন্নবা হোৎনরি।
• খনগৎখ্রবা স্তার্ত-অপশিং অসিগী মনুংদগী নুপীশিংনা লুচিংদুনা শেমজবা স্তার্ত-অপশিংসু য়াওরি, মখোয়গী মরক্তা অরেম্বা বাইও-মাসশিংবু এ.আই. শীজিন্নদুনা ত্রেক তৌহন্দুনা লৌমীশিংদা মখোয়শিংদুবু খোমজিলহল্লিবা এ.২.পি. ইনর্জী সোলুসননি। নাকল অমরোমদা মসিনা লৌমীশিংগী অহেনবা শেন্থোক অমা পীরি অমসুং অতোপ্পা অমদনা এ.২.পি.না খোমজিল্লবা বাইও গ্যাসশিং অসিবু ইনর্জী পেলেৎ, গ্রীন কোইল, অমসুং বাইও ওইল ওইনা নেক্স জেন বিওফ্যুলদা ওন্থোক্লি।
• ক্যারি ইন্নোবেসন্না ভারত অমসুং মসিগী ৱাংমদা মীওইবা অমসুং জিব-পানবা অতোপ্পশিংগগী মরক্তা থোকপা চয়েৎনবা লোইশিন্নবা হোৎনরি। মখোয়না এনিদর্স-এনিমেল ইন্ত্রুজন দিতেক্সন অমসুং রিপেলেন্ত সিস্তেম কৌবা অনৌবা পোত্থোক অমা শাগৎলে। মসিগী খুৎলাই অসিনা মেচিন্না মথৌ তৌবা উচেক তান্নবগুম্বা অমগী মথৌ তৌহন্দুনা ফার্ম্লেন্দশিংদা শাশিংনা চঙশিল্লকপদগী ঙাকথোকপা ঙমহল্লি।
• এগমার্তিক তেক্নোলোজীনা এ.আই., আই.ও.তি. অমসুং কম্প্যুতর ভিজন শীজিন্নদুনা দেতানা লুচিংবা মওং অমদা ইথৈ লৌখোং চপ চানা শেমগত্তুনা অমসুং লাইনা লাইওং য়েংশিন্দুনা মহৈ-মরোং ফগৎহন্নবা হোৎনরি। মখোয়গী ক্রোপলাইতিক® অসি গ্রাউন্দ সেন্সর দেতা অমসুং সেতিলাইৎ ইমেজরিবু ইথৈ লৌখোংগী চপ চাবা মওং অমা পীবা ঙম্বা দেতা অমদা ওন্থোকহনবা সোফৱেইয়র অমসুং হার্দৱেইয়র সোলুসনগী অপুনবা অমনি।

মথক্তা পল্লিবা স্তার্ত-অপ ৬ অসিগী মথক্তা, লৌউ-শিংউগী পথাপ ফগৎহনবা ঙমগদবা অমসুং লৌমীশিংগী শেন্থোক হেনগৎকদবা উপা পীবা অনৌবা পোত্থোক কয়া পুথোকপা কয়া অমা লৈরি।

অপুনবা ওইনা, লৌউ-শিংউ অমসুং মসিগা মরী লৈনবা হীরমগী স্তার্ত-অপ ৩৪৬তা হন্দক্কী তাংকক্কী ওইনা লুপা লাখ ৩৬৭১.৭৫গী শেন্থং থাদখ্রে। মসিগী শেন্থংশিং অসি তাংকক তাংকক নাইনা থাদগনি। মসিগী স্তার্ত-অপশিং অসিবু ভারত শিনবা থুংনা লৈরিবা এগ্রিব্যুজিনেস ইঙ্ক্যুবেসন সেন্তর ২৯না থা অনী চুপনা ত্রেনিং পীখি। হায়রিবা স্তার্ত-অপশিং অসিনা নহাশিংদা থবক পীরগনি। মসিগী মথক্তা, হকথেংননা অমুং নাকোইননা লৌমীশিংদা খুদোংচাবা কয়া পীবগা লোইননা মখোয়গী শেন্থোক লম্বীদা ফগৎলগনি।

এগ্রিওন্ত্রপ্রিনরশিপ, আর.কে.ভি.ৱাই.গী মরমদা অহেনবা খঙবীনবগীদমকঃ https://rkvy.nic.in দা চঙবা য়াই। 

************