আর্থ সাইন্স মন্ত্রালয়

ওরিশাগী মীয়ামদা য়ুনেসকো-আই.ও.সি. সুনামি রেদী খঙদোকহন্নবা ভর্চ্যুল থৌরম ওগস্ত ০৭, ২০২০দা পাঙথোক্কনি

Posted On: 06 AUG 2020 3:28PM by PIB Imphal

করিগুম্বা সুনামিনা খুদোংথিহনবা য়াবা মীওইশিংনা মতম চানা অচুম্বা চেকশিল ৱাশিং ফংলবদি মখোয়না পুন্সি কন্নবা খোঙথাংশিং লৌখৎপা, অমাং অতা থোকপা হন্থহনবা অমসুং থবক লৌখৎপা য়াংশিনহনবা ঙমহল্লি হায়বা খঙবা ঙমখ্রে। সাইন্তিস্তশিং অমসুং ইমর্জেন্সী মেনেজমেন্ত ওফিসরশিংনা লেপ্তনা হোৎনবগী খুত্থাংদা, অফবা সেন্সরশিং, অফবা মোদেলশিং অমসুং মতম অমত্তদা তোঙান তোঙানবা পাউ খোমজিন্নবা মোদশিং শীজিন্নদুনা সুনামিগী চেকশিন ৱাশিং অমসুং মতমশিং পীবদা চাউনা ফগৎহল্লি। অদুম ওইনমক, চেকশিন ৱা অমা কয়াম মায় পাক্লে হায়বা অসি মরী লৈনরিবা ওথোরোতীশিংনা মীয়ামগী ওইবা চেকশিন ৱা অমা থোক্লবা মতুংদা মীয়ামনা লৌখৎপা খোঙথাংশিংনা তাক্কনি। সুনামি অমদগী হিংহৌবা হায়বা অসি মীওই অদুনা খুদোংথিরবা মফম অমদা ৱার্নিং সিকনেলশিং খঙবা, অচুম্বা ৱারেপশিং লৌবা অমসুং থবক থুনা পাঙথোকপা ঙম্বগী মখা পোল্লি।

মীয়াম পুন্না, কাংলুপশিংগী চুলিংবশিং, অমসুং জাতি অমদি রাজ্যগী ইমর্জেন্সী মেনেজমেন্ত এজেন্সীশিং চুংশিন্নদুনা সুনামিগী চেকশিল থৌরাং লৌখৎপা হেনগৎনবা য়ুনেসকোগী ইন্তর্গভর্মেন্তেল ওসিনোগ্রাফিক কম্মিসন (আই.ও.সি.)না হৌদোকপা সুনামি রেদী অসি কম্ম্যুনিতী পর্ফোর্মেন্স-বেজ প্রোগ্রাম অমনি। প্রোগ্রাম অসিগী মপুং ওইবা পান্দমদি সুনামি ইমর্জরন্সীশিংগীদমক সমুদ্র তোর্বানদা লৈরিবা মীয়ামনা চেকশিন থৌরাং লৌখৎপা হেনগৎনবা, পুন্সি অমদি লন থুম মাংবা হন্থনবা অমসুং য়ুনেসকো-আই.ও.সি.গী ইন্তর্গভর্মেন্তেল কোওর্দিনেসন গ্রুপ ফোর ইন্দিয়ন ওসিন সুনামি ৱার্নিং এন্দ মিতিগেসব সিস্তেম (আই.সি.জি./আই.ও.তি.দবল্যু.এম.এস)না পীবা খ্বাইদগী ফবা ইন্দিকেতরশিং ঙাক্তুনা মীয়ামনা চেকশিল থৌরাং লৌখৎপদা স্ত্রকচরেল অমসুং সিস্তেমেতিক এপ্রোচ অমা লৌখৎহনবনি। মীয়ামদা এৱার্নেস পীবা অমসুং চেকশিন থৌরাংশিং লৌখৎপদা অখন্নবা মীৎয়েং অমা থম্বগা লোয়ননা গাইদলাইনশিং অসি ঙাক্লবদি মীয়াম্না সুনামিগী চেকশিন ৱাশিং অমসুং মিতিগেসন সিস্তেম ঙন্না খঙবা ঙমগনি।

ভারত্তা সুনামিগী পাউতাকশিং পীনবা নোদেল এজেন্সী অসি ইনইয়ন সুনামি অর্লী ৱার্নিং সেন্তর (আই.তি.ই.দবল্যু.সি.), আই.এন.সি.ও.আই.এস.না ওইরি। আই.ও.সি.- য়ুনেসকোনা পীবা থৌদাং ওইনা ইন্দিয়ন ওসিন রিজন (লৈবাক ২৫)দা আই.এন.সি.ও.আই.এস.না সুনামি সর্ভিস প্রোভাইদর অমা ওইনা সুনামিগী পাউতাকশিংসু ফংহল্লি।o সুনামিগী মরমদা এৱের্নেস পীনবা অমদি চেকশিল থৌরাং লৌখৎপগী মরমদা খঙহনবা আই.এন.সি.ও.আই.এস.না সমুদ্র তোর্বানগী রাজ্যশিংগী রাজ্যগী অমসুং জিলাগী থাক্তা দিজাস্তর মেনেজমেন্ত ওফিসিএলশিং (দি.এম.ও.শিং)শিংগী চাং নায়না সুনামি স্তেন্দর্দ ওপরেতিং প্রোসিদ্যুর (এস.ও.পি.) ৱার্কশোপশিং, ত্রেনিং সেসনশিং অমসুং সেমিনারশিং শিল্লি। ITEWC at আই.এন.সি.ও.আই.এস.গী আই.তি.ই.দবল্যু.সি.না স্তেকহোল্দরশিংগা লোয়ননা খুদক্কী ওইবা ফীভমশিং লাকশিন্নবা চেকশিল থৌরাংশিং কনখৎহন্নবা আই.সি.জি./আই.ও.তি.দবল্যু.এম.এস গা লোয়ননা আই.ও.ৱেফ সুনামি মোক এক্সর্সাইজশিং চহি অমদা অনিরক পাঙথোক্লি অমসুং হোম পুবা মন্ত্রালয় (এম.ঐচ.এ.) অমসুং নেস্নেল দিজাস্তর মেনেজমেন্ত ওথোরিতী (এন.দি.এম.এ.) অমসুং স্তেৎ দিজাস্তর মেনেজমেন্ত এজেন্সীশিং (এস.দি.এম.এ.)না জাতিগী থাক্তা চহি অমমম কান্নরগা মোক এক্সর্সাইজশিং পাঙথোক্লি। হন্দক্তা পাঙথোকখিবা সুনামি মোক এক্সর্সাইজশিং হায়বদি আই.ও.ৱেফ ১৮ (সেপ্তেম্বর ২০১৮) অমসুং মল্তি স্তেৎ মেগা মোক এক্সর্সাইজ (নোবেম্বর ২০১৭) অসি সুনামি মায়োক্নবা ঙম্বা খুন্নাই অমা শেমনবা অচৌবা খুদমশিংনি। মখা তানা খুন্নাই অসি মপাঙ্গল কনখৎনবা, আই.তি.ই.দবল্যু.সি.- আই.এন.সি.ও.আই.এস.না ভারত্তা সুনামি রেদী প্রোগ্রাম ইমপ্লিমেন্ত তৌনবা দি.এম.ও.শিংগা লোয়ননা চুংশিন্নরি।

ভারত্তা সুনামি রেদী অমসুং আই.ও.ৱেফ এক্সর্সাইজশিং ইমপ্লিমেন্ত তৌবা অসি য়েংশিন্নবা, আর্থ সাইন্সেস মন্ত্রালয়না ইন্দিয়ন নেস্নেল সেন্তর ফোর ওসিন ইনফোর্মেসন সেন্তর (আই.এন.সি.ও.আই.এস.)গী দিরেক্তরনা চ্যেরমেন ওইদুনা নেস্নেল বোর্দ অমা লিংখৎখ্রে মসিদা আর্থ সাইন্সেস মন্ত্রালয় (এম.ও.ই.এস.), নেস্নেল দিজাস্তর মেনেজমেন্ত ওথোরিতী (এন.দি.এম.এ.), হোম পুবা মন্ত্রালয় (এম.ঐচ.এ.), ওরিশা স্তেৎ দিজাস্তর মেনেজমেন্ত ওথোরিতী (ও.এস.দি.এম.এ.), অন্দামান অমসুং নিকোবর ঈথৎশিংগী দিরেক্তোরেৎ ওফ দিজাস্তর মেনেজমেন্ত (দি.দি.এম.) অমসুং আই.এন.সি.ও.আই.এস.দগী মীহুৎশিং য়াওরি।

ওরিশা স্তেৎ দিজাস্তর মেনেজমেন্ত ওথোরিতী (ও.এস.দি.এম.এ.), ওরিশানা সুনামি রেদী প্রোগ্রাম খুঙ্গং অনিদা ইমপ্লিমেন্ত তৌখ্রে মখোয় অদুদি গঞ্জম জিলাদা বেঙ্কতরাইপুর, জগৎসিংহপুর জিলাগী নোল্যিসাহি অসিনি। গাইদলাইনশিংগী মতুং ইন্না হায়রিবা খুঙ্গংশিংদা ইন্দিকেতরশিং ইমপ্লিমেন্তেসন ভেরিফিকেসন তৌরবা মতুংদা নেস্নেল বোর্দনা মখোয়বু জাতিঈ থাক্তা শকখঙনবা অমসুং য়ুনেসকো-আই.ও.সি.না শকখঙনবা ৱারেপ লৌখ্রে। নেস্নেল বোর্দকী য়াথং মতুং ইন্না, য়ুনেসকো-আই.ও.সি.না কাংলুপ অনি সুনামি রেদী কম্ম্যুনিতীশিং ওইনা শকখঙখ্রে মখোয় অদুদি বেঙ্কতরাইপুর অমসুং নোল্যসাহি অসিনি। শকখঙখিবা অসিগা লোয়ননা ইন্দিয়ন ওসিন রিজনদা সুনামি রেদী ইমপ্লিমেন্ত তৌবা অহানবা লৈবাক ভারতনা ওইরে অমসুং অহানবা রাজ্য ওরিশানা ওইরে।

বেঙ্কতরাইপুর অমসুং নোল্যসাহি কম্ম্যুনিতীশিং অমসুং ও.এস.দি.এম.এ. ওফিসিএলশিংদা য়ুনেস্কো-আই.ও.এস.কী রিকক্নেসন অমসুং এপ্রিসিএসনগী সর্তিফিকেৎ পীনবা ২০২০গী অগস্ত ০৭দা ইন্দিয়ন নেস্নেল সেন্তর ফোর ওক্সনি ইনফোর্মেসন সর্ভিস (আই.এন.সি.ও.আই.এস.), আই.সি.জি./আই.ও.তি.দবল্যু.এম.এস. সেক্রেতরিএৎ অমসুং য়ুনেস্কো-আই.ও.এস.কী ইন্দিয়ন ওক্সিন সুনামি ইনফোর্মেসন সেন্তর (আই.ও.তি.আই.সি.)না পুন্না ভর্চ্যুল থৌরম অমা শিল্লগনি। 

থৌরম অসিগী চিফ গেস্ত দা. এম. রাজীবন, সেক্রেতরী, মিনিস্ত্রী ওফ আর্থ সাইন্স (এম.ও.ই.এস.), ভারত সরকার অমসুং গেস্ত ওফ ওনর শ্রী. জি.ভি.ভি. শর্ম, মেম্বর সেক্রেতরী, নেসনএল দিজাস্তর মেনেজমেন্ত ওথোরিতী (এন.দি.এম.এ.) ভারত সরকারনা খুঙ্গং অনি অমসুং ও.এস.দি.এম.এ.গী ওফিসিএলশিংদা রিকক্নেসন অমসুং এপ্রিসিএসনগী সর্তিফিকেৎ লান্থোক্কনি। 

য়ুনেস্কো-আই.ও.সি.গী ওফিসিএলশিং, দা. শ্রীনিভাস কুমার তুম্মাল, আই.সি.জি./আই.ও.তি.দবল্যু.এম.এস.কী মকোক অমসুং ইন্দিয়ন ওক্সিন সুনামি ইনফোর্মেসন সেন্তর (আই.ও.তি.আই.সি.)গী মকোক, প্রোফ. দ্বিকোরিতা কর্নাৱতি দিরেক্তর, বি.এম.কে.জি., ইন্দোনেসিয়া অমসুং আই.সি.জি./আই.ও.তি.দবল্যু.এম.এস.কী চিয়র্মেন থৌরম অসিদা য়াওগনি। শ্রী প্রদীপ কুমার জেনা, ওরিশা সরকারগী এদিস্নেল চিফ সেক্রেতরী অমসুং ও.এস.দি.এম.এ.গা লোয়ননা এম.দি. ও.এস.দি.এম.এ. অমসুং ভেঙ্কতরাইপুর অমসুং নোল্যসাহি কম্ম্যুনিতীগী ওফিসিএলশিংনা রিককএনসন অমসুং এপ্রিসিএসন সর্তিফিকেৎ লৌনবা থৌরম অদু য়াওগনি। দা. এস.এস.সি. শেনোই, ভাইস-চিয়র্পর্সন, আই.ও.সি.-য়ুনেস্কো, হান্নগী দিরেক্তর আই.এন.সি.ও.আই.এস. অমসুং নেস্নেল বোর্দকী চিয়র্মেন; দা. তি.এম.বালাকৃক্ষনন নাইয়র, দিরেক্তর (আই/সি),আই.এন.সি.ও.আই.এস. অমসুং শ্রী ই.পত্তাভি রামা রাও, তি.দবল্যু.জি., আই.এন.সি.ও.আই.এস.সু থৌরম অদু শরুক য়াগনি। থৌরম অদুদা শরুক য়াগদবা অতোপ্পা মীওইশিংদি এম.ও.ই.এস.কী ওফিসিএলশিং, নেস্নেল বোর্দকী মেম্বরশিং (এন.দি.এম.এ., এম.ঐচ.এ., ও.এস.দি.এম.এ., এ অমসুং দি দি.দি.এম. নচিংবা), আই.এন.সি.ও.আই.এস.গী ওফিসিএলনচিংবশিংনি।

ফোতোশিং:  ২০১৯গী দিসেম্বর ১৩-১৪গী মনুংদা নেস্নেল বোর্দ মেম্বরশিং অমসুং আই.সি.জি./আই.ও.তি.দবল্যু.এম.এস.কী মীহুৎশিংনা ওরিশাগী ভেঙ্কতরাইপুর খুঙ্গং, গঞ্জাম দিস্ত্রিক্ত অমসুং নোল্যসাহি, জগৎসিংউর দিস্ত্রিক্ততা চৎপা। 

https://static.pib.gov.in/WriteReadData/userfiles/image/image001NOK5.jpghttps://static.pib.gov.in/WriteReadData/userfiles/image/image0025JF9.jpghttps://static.pib.gov.in/WriteReadData/userfiles/image/image003HFOZ.jpghttps://static.pib.gov.in/WriteReadData/userfiles/image/image004OCOS.jpg

https://static.pib.gov.in/WriteReadData/userfiles/image/image005I6B9.jpghttps://static.pib.gov.in/WriteReadData/userfiles/image/image006EFXD.jpghttps://static.pib.gov.in/WriteReadData/userfiles/image/image007UVTU.jpghttps://static.pib.gov.in/WriteReadData/userfiles/image/image008KOTV.jpg

********



(Release ID: 1643823) Visitor Counter : 94