দিফেন্স রিসর্স অমসুং দিভেলপমেন্ত বিভাগ, দি.আর.দি.ও.গী মখাদা লৈবা ওতোনোমস ওর্গনাইজেসন অমা ওইরিবা দিফেন্স স্তদী ওফ এদভান্স তেক্নোলোজী(দি.আই.এ.তি.)পুনেনা প্রধান মন্ত্রী শ্রী নরেন্দ্র মোদীনা লাইব ইভেন্ত অমদা শরুক য়ারিবশিংগা ৱারী শান্নখিবা স্মার্ত ইন্দিয়া হেকাথোন(এস.আই.ঐচ.)-২০২০দা অহানবা মনা ফংখ্রে।

এস.আই.ঐচ.-২০২০ অসি হ্যুমেন রিসোর্চ দিভেলপমেন্ত মন্ত্রালয়(এম.ঐচ.আর.দি.) অমসুং ওল ইন্দিয়া কাউন্সিল ফোর তেক্নিকেল এদজুকেসন(এ.আই.সি.তি.ই.)না অগস্ত ১-৩ ফাওবা উত্তর প্রদেশকী নোইদা ইন্সতিত্যুত ওফ ইঞ্জীনিয়রিং(এন.আই.ই.তি.)দা পুং ৩৬চুপ্না শুংলেপ-লেপ্তনা পাংথোকখিবা সোফৱেয়র ইদিসনগী ওইনা জাতীগী থাক্তা  দিজিতেল প্রদকশিং শেমগৎ-শাগৎপগী চাংদম্নবা অমনি। 

দি.আই.এ.তি. মহৈরোইগী তীম “এজ ওফ অলত্রোন” অসিদা দা. সুনিতা ধাবলেনা লমজিং-লমতাক্তুনা মীওই অহুম লৈবা তীম অসিনা মধ্য প্রদেস সরকারনা পুথোরকখিবা সোফৱেয়রগী কেতোগোরীদা প্রোব্লেম স্তেতমেন্ত এম.এস.৩৩১ অসি সোল্ব তৌবগীদমক লুপা লাক্ষ ১গী মনা ফংখি।

তীম অসিনা আর্তিফিসিএল ইন্তিলিজেন্স শিজিন্নদুনা মশক, ৱাহৈ-ৱাতা অমসুং হকচাংগী ইঙ্গিৎ খংবা ঙম্নবা “দৃস্তি” কৌবা সোলুসন অমা পুথোরকখি।

দিফেন্স বিভাগ আর.দি.গী সেক্রতরী অমসুং দি.আর.দি.ও.গী চেয়রমেন দা. জি. সথীশ রেদ্দীনা দিআই.এ.তি.গী তীম্বু মনা অসি থংন-থংননা অনিরক ফংলকখিবদা নুংঙাইবা ফোংদোকখ্রে। 

******