নেস্নেল ইন্সতিত্যুৎ ওফ দিজাস্তর মেনেজমেন্ত (এন.আই.দি.এম), মিনিস্ত্রী ওফ হোম এফিয়র্স অমসুং ইন্দিয়া মেতিওরোলোজিকেল দিপার্তমেন্তগা পুন্না খুৎশম্নদুনা “হায়দ্রো মেতিওরোলোজিকেল হাজার্দস রিস্ক রিদক্সন” কৌবা ৱেবিনার সেরিজ অমা পাংথোকখ্রে। ৱেবিনার সেরিজ অসি ৱেবিনার মঙাদা পুক্নিং চিংশিন্দুনা থন্দরস্তোর্ম এন্দ লাইথনিং, ক্লাউতব্রস অমসুং ঈশিং-ইচাও, সাইক্লোন অমসুং নোংলৈ নুংশিৎ, ক্লাইমেত চেঞ্জ অমসুং য়াম্না কনবা অই-অশাগী থৌদোকশিং অসিনি। ৱেবিনার সেরিজ অসিনা মীওইবাশিংদা অহেন্বা থৌনা পীদুনা হায়দ্রো মেতিওরোলোজিকেল হাজার্দস রিস্ক অমসুং প্রধান মন্ত্রীগী পোইন্ত-১০ এজেন্দা শিজিন্দুনা অমসুং সেন্দাই ফ্রেমৱার্ক ফোর দিজাস্তর রিস্ক রিদক্সন, অমসুং অকোইবদা লৈরিবা মীওইবদা খুদোংথিবা অসিবু হন্থহনবা।

স্তেত ফোর হোম এফিয়র্সগী য়ুনিয়ন মিনিস্তর শ্রী নিত্যানন্দ রাইনা ৱেবিনার সেরিজদা “থন্দরস্তোর্ম এন্দ লাইথনিং” কৌবা অহানবা ৱেবিনার অমা হৌদোকখ্রে। শ্রী রাইনা মহাক্কী ৱা ঙাংবদা হায়খি মদুদি হায়দ্রো মেতিওরোলোজিকেল অসিগী খুদোংথীবা অসিবু হন্থনবা ভারত সরকারগী দিপার্তমেন্তশিং/এজেন্সিশিং লৌখৎলিবা খোঙথাংশিং অসিবু পুথোক্তুনা উৎখি। মহাক্না মরুওইনা দিজাস্তর অসিবু ঙাকথোক্নবা অমসুং হন্থহন্নবা মিয়েং চংদুনা খোঙথাং চংশিন্নবা পুক্নিং চিংশিনখি।     

ৱেবিনার সেরিজ অসি  শ্রী জি.ভি.ভি. শর্ম্মা, মেম্বর সেক্রেতরী এন.দি.এম.এ.; দাঃ রাজিবন, সেক্রেতরী মিনিস্ত্রী ওফ আর্থ সাইন্স; দাঃ ভি. থিরুপুগজ, এদিসনেল সেক্রেতরী, এন.দি.এম.এ.; মেজোর জেনেরেল মনোজ কুমার বিন্দাল, ইজুক্যুতিব দাইরেক্তর, এন.আই.দি.এম.; দাঃ ম্রুতিয়নজয় মোহাপত্র, দাইরেক্তর জেনেরেল, আই.এম.দি.; শ্রী এস.এন. প্রধান, দাইরেক্তর জেনেরেল, এন.আই.দি.এম. অমসুং প্রোফেসর সুর্য়া পার্কাস, হেদ জি.এম.আর.দি. এন.আই.আর.এম.। ৱাঙাংলোইশিং অদুদি শ্রী শরদ চন্দ্র, দাইরেক্তর (এফ.এফ.এম), সি.দবল্যু.সি.;  প্রোফেসর কপিল গুপ্তা আই.আই.তি বোম্বে; দাঃ আর.কে. জেনামনি, সাইন্তিস-এফ, আই.এম.দি.; শ্রী বি.পি. য়াদব, হেদ হায়দ্রোমেত, আই.এম.দি.; দাঃ দি.আর. পাতানেল, সাইন্তিস-এফ আই.এম.দি.;দাঃ সোমা সেন রোয়, সাইন্তিস-এফ আই.এম.দি.; শ্রী আনুপ কারান্ত ওফ ৱার্লদ বেঙ্ক অমসুং শ্রীমতি সুনিতা দেবী, সাইন্তিস-ই. আই.এম.দি.।

ৱেবিনার সেরিজ অসিদা য়াওরিবা অসি মতম অমসুং মফম য়েংলগা হায়দ্রো মেতিওরোলোজিকেলবু নোদাল এজেন্সিনা মাংজৌননা হায়বা ঙম্মী। আই.এম.দি অমসু এন.আই.দি.এম. হায়দ্রো মেতিওরোলোজিকেলবু হান্না মাংজৌননা মরী লৈনবা থৌবু অমসুং মীয়াম কয়াগা ঙাকথোক্নবগী শেম শাদুনা লৈরি।

*****