ইলেক্ত্রোনিক্স অমসুং আই.তি. মন্ত্রালয়
মাইগোভ সিতিজন এঙ্গেজমেন্ত প্লেতফোর্মদা গৱা য়াওরে; রাজ্য ১২ মাংজৌননা মখোয়গী মাইগোভ প্লেতফোর্মশিং হাংদোকখ্রে
লৈবাক ঙাকপা অমসুং থৌশিল শেম্বদা শরুক য়াবা হেনগৎহন্নবা গৱাগী চীফ মিনিস্তরনা মাইগৱা সিতিজন এনগেজমেন্ত প্লেতফোর্ম হাংদোক্লে
মীয়াম্না মখোয়গী অনিংবশিং, ৱাখল্লোনশিং অমসুং পাউতাকশিং সরকারদা পীনবা www.goa.mygov.in দা চঙবা য়াগনি
Posted On:
05 AUG 2020 5:19PM by PIB Imphal
২০২০গী অগস্ত ৪দা ওনলাইনদা পাংথোকপা থৌরম অমদা গৱাগী চীফ মিনিস্তর দোক্তর প্রমোদ সাৱান্তনা মাইগোভ গৱা পোর্তেল হাংদোকখ্রে অমসুং লৈবাক ঙাকপদা মীয়াম শরুক য়াবা ঙম্নবা মাইগোভ সিতিজন এঙ্গেজমেন্ত প্লেতফোর্মদা গৱা য়াওরে।
থৌরম অদুদা মহাক্না হায়খি মাইগোভ গৱা পোর্তেল অসিনা লৈবাক ঙাকপদা মীয়াম শরুক য়াবা হেনগৎহল্লগনি অমসুং রাজ্য অসিগা লৈবাক্কী অতৈ মীওইশিংগা শম্নদুনা রাজ্য অসিগী মীয়াম তোঙান-তোঙানবা ফোরমশিংদা শরুক য়াবা ফংলগনি অমসুং সরকারগী থবকশিং অমসুং থৌশিলশিংদা মখোয়গী ৱাখল্লোনশিং ফোঙদোকপা য়ারগনি।
মাইগোভ (mygov.in), ভারত সরকারগী মীয়ামগা পাউ ফাওন্নবা মফম অমনি অমসুং মসিনা লৈবাক ঙাকপা অমসুং থৌশিল শেম্বদা মীয়াম শরুক য়াহন্নবা পান্দম থম্লি। ২০১৪গী জুলাই ২৬দা হৌদোকখিবদগী, মাইগোভনা মীয়ামগা পাউ ফাওন্নবা পাম্বৈশিং হায়বদি ৱা তান্নবা, থবকশিং, অনৌবা পুথোকপা চাংদম্নবা, মীখলশিং, সর্ভে, ব্লোগশিং, কুইজশিং ইন্তরনেত, মাইবাইল এপ্পশিং, আই.ভি.আর.এস, এস.এম.এস অমসুং ও.বি.দি তেক্নোলোজিশিং শীজিন্নদুনা পাংথোক্তুনা লাকলি। মাইগোভ শীজিন্নবা মীওই করোর ১.২৫ হেল্লে অমসুং সোসিএল মেদিয়া প্লেতফোর্মশিং হায়বদি ফেসবুক, য়ুতুব, লিঙ্কইন অমসুং তুইতরদা মীয়াম্না মাইগোভ শীজিন্নরি। হন্দক অনৌবা এপ্পশিং হায়বদি সিয়রচাত অমসুং রোপোসোদা মাইগোভনা মসিগী চেন্নেলশিং হাংদোক্লে। হ্বাতসএপ্পগী হেল্পদেক্স অমসুং তেলিগ্রামগী নিউদেক্সতা মাইগোভনা মীয়ামদা কোবিদ-১৯গী ই-পাউশিং ফংহল্লি।
রাজ্য থাক্তা মীয়ামগা পাউ ফাউন্নবা , সোফৱায়র-এস-এ-সর্বিস(সাস)গী মওংদা মাইগোভনা মীয়ামগী ৱাখল্লোনশিং লৌরে অমসুং মচাক কয়া শেমগৎলে। রাজ্য ১২ মখোয়গী মাইগোভ প্লেতফোর্মশিং হাংদোকখ্রে,মখোয় অদুদি মহারাস্ত্রা, হরিয়ানা, মৈধ্য প্রদেস, অসাম, অরুনাচল প্রদেস, মনিপুর, ত্রিপুরা, ছতিসগর, ঝরখান্দ, নাগালেন্দ, হিমাচল প্রদেস অমসুং উত্তরখান্দনি। মাইগোভকী কাংবু অমসুং রাজ্য সরকারশিংনা মতেং পাংবদগী থবক অসি য়াম্না চাউনা মাইপাক্লে অমসুং মসিগী পান্দমশিং ফংবা ঙম্লে।
গৱা সরকারগী ইনফোর্মেসন তেক্নোলোজি মিনিস্তর, শ্রীমতি জেন্নিফর মোনসেরেতনা হায়খি, রাজ্য অসিগী মীয়াম্না সরকারগী থবকশিং, থৌশিলশিং অমসুং স্কিমশিংগী মতাংদা মখোয়গী অনিংবশিং পীরক্নবা অমসুং পাউতাকশিং পীরক্নবা মাইগোভ গৱা পোর্তেল অসিনা মীয়ামগা পাউ ফাওনগনি।
মাইগোভ ইন্দিয়াগী সি.ই.ও অবিসেক সিংহনা, লৈবাক ঙাকপা অমসুং চাউখৎ-থৌরাংগী থবকশিংদা শরুক য়ানবা কমদৌনা মাইগোভ অসি মীয়াম্না পাম্না মফম অমা ওইরকপগে হায়গী মতাংদা ফোংদোকখি।
মীয়াম্না মখোয়গী অনিংবশিং, ৱাখল্লোনশিং অমসুং পাউতাকশিং সরকারদা পীনবা www.goa.mygov.in দা চঙবা য়াগনি।
******
(Release ID: 1643579)
Visitor Counter : 110