অহানবা ওইনা মিতিতরী বেন্দশিংনা লৈবাক শিনবা থুংনা মখোয়গী হৈজরিবশিং অদু ওগস্ত ১, ২০২০দগী হৌনা উৎতুনা নিংখা তম্বগী নুমিৎ পাঙথোক্লি। মখোয়গী পর্ফোর্মেন্সশিং অসি লৈবাক অসিদা কোরোনাভাইরস শন্দোকপা থিংনবা মখোয়গী থৱায় খুপাক্তা হাপতুনা  লান্থেংনরিবা লৈবাক অসিদা লৈরিবা কোরোনা ৱারিয়রশিংবু তৌবিমল খঙবা উৎপা ওইনা অমসুং থাগৎপা ফোঙদোকপা ওইনা লান্থোক্কনি। হৌজিক ফাওবদা আর্মী, নেভী অমসুং ইন্দিয়ন এয়র ফোর্সতগী বেন্দশিংনা পোর্বন্দর, হাইদ্রবাদ, বেঙ্গলুরু, রাইপুর, অমৃৎসর, গুৱাহাতি, অলহাবাদ অমসুং কোলকতাদা উৎখ্রে। ঙসি নুংথিল মিলিতরী অমসুং পুলিস বেন্দশিংনা বিশাখপতনম, নাগপুর অমসুং গ্বালিয়রদা উৎলগনি। ওগস্ত ৭, ২০২০দা মিলিতরী বেন্দশিংনা স্রিনগর অমসুং কোলকতাদা উৎনবা শেম শারি। ত্রাই সর্ভিসেস বেন্দনা ওগস্ত ৮, ৯ অমদি ১২দা মথং শিৎনা দিল্লীগী লাল কিলাদা, রাজপথ অমসুং ইন্দিয়া গেৎতা পর্ফোর্মেন্স অহুম উৎকনি। ওগস্ত ৮, ২০২০দা মিলিতরী অমসুং পুলিস বেন্দশিংনা মুম্বাই, আহমেদাবাদ, শিমলা অমসুং অলমোরাদসু উৎকনি; ওগস্ত ৯দা চেন্নাই, নসিরবাদ, এ.এন.সি. (অন্দামান এন্দি নিককোবর কম্মান্দ) ফ্লেগ পোইন্ত অমসুং দান্দিদা অমসুং ওগস্ত ১২, ২০২০দা ইম্ফাল, ভোপাল অমসুং ঝান্সিদা উৎকনি। মথং মথং উৎলকপনা অরোইবা পর্ফোর্মেন্স অসি লক্ষনৌ, ফাইজবাদ, শিল্লোং, মধুরাই অমসুং চম্পারনদা ওগস্ত ১৩, ২০২০দা উৎকনি।

********