য়ুনিয়ন এজুকেসন মিনিস্তর শ্রী রামেশ পোখ্রিয়াল ‘নিশঙ্ক’না হিমাচল প্রদেশকী চীফ মিনিস্তর শ্রী জয় রাম থাকুর, ফাইনান্সকী স্তেত মিনিস্তর শ্রী অনুরাগ সিংহ থাকুর অমসুং এজুকেসনগী স্তেত মিনিস্তর শ্রী সঞ্জয় ধোত্রেগা লোয়ননা ইন্দিয়ন ইন্সতিত্যুৎ ওফ মেনেজমেন্ত (আই.আই.এম.) সিরমৌর হিমাচল প্রদেশতা ওনলাইনগী খুত্থাংদা উরেপ উয়ুং তমখ্রে।

থৌরম অসিদা ৱা ঙাংলদুনা এজুকেসন মিনিস্তরনা হায় মদুদি প্রধান মন্ত্রী শ্রী নরেন্দ্র মোদীজীগী মখাদা য়ুনিয়ন গবর্নমেন্তনা ২০১৪দা হাননা লৈরম্বা আই.আই.এম.গা পিথোক পিশিন্দা লৈরম্বা অৱাৎপা মেনখৎনবা আই.আই.এম. সিরমৌর য়াওনা অনৌবা আই.আই.এম. ৭ লিংখৎনবা ৱারেপ লৌখি। মহাক্না মখা তারদুনা হায়খি মদুদি ২০১৪গী ওগস্তকী ১৫দা সিরমৌর দিস্ত্রীক্তা লৈবা ধৌলাকোন্দা হিমাচল প্রদেশকী ওইবা আই.আই.এম. অমা লিংখৎলনি।  ২০১৫, মার্চকী ১২ তা স্তেত সরকারনা ধৌলাকোন্দা ইন্সতিত্যুৎ অসিগী অদুম ওইনবা চাওখৎ থৌরাংগীদমক একর ২১০  থৌরাং তৌখ্রে।  

মিনিস্তিরনা খংহনখ্রে মদুদি আই.আই.এম. সিরমৌর অসি আই.আই.এম. লখনৌনা ওগস্ততা ইন্সতিত্যুৎ অসিগী পি.জি.পি.গী ছাত্র ২০গা লোয়ননা মতম খরগী ওইনা হিমাচল প্রদেশকী, সিরমৌর, পাউন্তা সাহিবতা থবক চত্থবা হৌখ্রে। মদুদগী ইন্সতিত্যুৎ অসি ফজনা চাওখৎলকখ্রে অমসুং মহৈগী লমদসু অমসুং শেমগৎ শাগৎপদসু চাওখৎপা হেনগৎলকলি। মহাক্না মখা তারদুনা হায় মদুদি মহৈ তম্বা অসি হানন্ মতম মতমগী ওইনা তৌরম্বনি অদুবু হৌজিক্তি মফম চানা মতমগা চুনবা মওংদা লৈরে। ছাত্রশিংনা মহৈ তম্বগী মথক্তা জগোই ইশৈ, শান্ন-খোৎনবা অমসুং সি.এস.আর. অমসুং অপুনবগী থৌরমশিং কয়াদা শরুক য়ারি।

মপুং ফাবা মফম অমা ধৌলাকোন্দা তুংকোইনা ওইনবা একর ২১০দা ছাত্র ১১৭০ লৈবা য়াবা অমা শেমগৎখ্রে। মিনিস্তরনা মখা তানা অমুকসু হায়খ্রে মদু য়ুনিয়ন সরকারনা করোর ৫৩১.৭৫ গী মনুংদা করোর ৩৯২.৫১ অমা মফম স্ক্ব্যর মীতর ৬০২৮৪ কোনবা অমসুং ছাত্র ৬০০ লৈবা য়ানবা কায়থোকখ্রে।      

শ্রী পোখ্রিয়ালনা হায়খি মদুদি এম.বি.এ.গী ছাত্রশিং অসি তুংগী কোর্পোরেৎ লিদর, লন পুথোকপা অমসুং মথৌ মশক খংবা অসি মখোয়গী মথক্তা থমদুনা প্রধান মন্ত্রী শ্রী নরেন্দ্র মোদীগী অত্মানির্ভর ভারতকী মিয়েংদা থমগদৌরি। এজুকেসন হায়বসি লৈবাকমচা শেম্বদা মরুওইবা মচাক অমনি।  ঐখোয়না ঐখোয়গী ইন্সতিত্যুৎ অসিদা থি-হুম্বা অমসুং অনৌবা পোৎ পুথোক্নবা হোৎনবদা অমসুং ইকো-সিস্তেম অমা শেমগৎপদা পুক্নিং থৌগৎপা মথৌ তাই। মহাক্না থাজবা পিরদুনা হায়খ্রে মদুদি এম.ঐচ.আর.দি.গী মতেংনা আই.আই.এম. সিরমৌর অসি মালেমগী থাক্তা পুখৎকনি। মিনিস্তরনা থাজবা থম্লি মদুদি আই.আই.এম. সিরমৌরনা মশাগী মশক থোকপা অমা ওইহনবা অমসুং মহৈ তম্বদা শিন লাংবা অমসুং পান্দম থম্লি মদুদি “মালেমগী ওইনা শকখঙলবা শিন লাংবদা মকোক থোংবা ইন্সতিত্যুৎ অমা ওইহনবা”।

থৌরম অদুদা শরুক য়ারিবশিং অদুদা শ্রী ধোত্রেনা হায়খি মদুদি ইন্দিয়ন ইন্সতিত্যুৎ ওফ মেনেজমেন্ত সিরমৌর অসি ভারত সরকারনা লিংখৎখিবা মমিং লৈরবা আই.আই.এম.গী  খ্বায়দগী অনৌবা আই.আই.এম.নি। আই.আই.এম. সিরমৌর অসি ২০১৫গী সেপ্তেম্বরদা ছাত্র ২০না অহানবা ওইনা হিমাচল প্রদেশকী, সিরমৌরগী পাউন্তা সাহিবতা ঙাইহাক্কী ওইবা কেম্পসদা হৌখি। মহাক্না মখা তারদুনা হায় মদুদি চহী মঙাগী মনুংদা ছাত্র ৩০০দা হেনগৎখি। মসি বোর্দ অসিগী  মেনেজমেন্ত ওইরিবা দাইরেক্তরনা য়াম্না কননা হোৎনবদগীনি হায়রি। নেস্নেল ইম্পোরতেন্সগী ইন্সতিত্যুৎ আই.আই.এম.গী  লিক্তা য়াওরি। মিনিস্তরনা আই.আই.এম.সিরমৌরদা য়াইফ পাওজেল পীরদুনা ধৌলাকোন্দা মতম চুপ্পগী ওইনা লৈরসনু হায়খ্রে।   

*****