য়ুথ এফেয়র্স অমসুং স্পোর্তসকী কেন্দ্র মন্ত্রী শ্রী কিরন রিজিজুনা ময়াই তাংবল লৌদুনা খেলো ইন্দিয়া স্কীমগী ১বা জেনরেল কাউন্সিলগী মীফম ঙসি পাংথোকখ্রে অমসুং রাজ্যগী শান্ন-খোৎনবগী বিভাগশিং অমসুং অতৈ কেন্দ্রগী মন্ত্রালয়শিংদা ৱাফমশিং থমখ্রে। মীফম অসিদা ৱা ঙাংলদুনা ময়োল চোংখৎলক্লিবশিংগী থাক্কী হৈথোই-শিংথোইবশিং মশক খংদোক্নবা খোংথাং অমা ওইনা চহিগী ওইনা রাজ্যগী থাক্কী খেলো ইন্দিয়া গেম পাংথোক্নবগী য়ুম্বু ওইননবা রাজ্যশিংদা তকশিনখ্রে। মীফম অদুদা শান্ন-খোৎনবগী সেক্রতরী শ্রী রবি মিত্তল মিত্তল; স্পোর্তস ওথোরিতী ওফ ইন্দিয়াগী দিরেক্তর জেনরেল শ্রী সন্দীপ প্রধান অমসুং শান্ন-খোৎনবগী মন্ত্রালয়গী মকোক থোংবা ওফিসিএলশিং য়াওখি।

শ্রী কিরন রিজিজুনা হায়খি, “চহিগী ওইবা চাংদম্নবশিং অসি খেলো ইন্দিয়া য়ুথ গেম্স অমসুং য়ুনিভর্সিতী গেম্সকুম্বা খেলো ইন্দিয়া স্কীমগী মখাদা রাজ্য থাক্তা পাংথোকপা অসিনা রাজ্যশিং খুদিংমক্তগী শান্ন-খোৎনবগী হৈথোই-শিংথোইবা অদু খংদোকপদা মতেং পাংখ্রে। অদুম ওইনমক মসি খক্তনা য়াদে। রাজ্য খুদিংমক্না ইনৌ-নৌনা হৌগৎলক্লিবা থাক্কী হৈথোই-শিংথোইবা অসি মশক খংদোক্নবা অমসুং রাজ্যশিংদগী শান্ন-খোৎনবগী হৈথোই-শিংথোইবশিং অসিদা অচৌবা ফম্বাক অমা পীনবা খেলো ইন্দিয়া গেম্স পাংথোকপা য়াই। হান্ননা চহিগী ওইনা শান্ন-খোৎনবগী চাংদম্নবশিং অসি পাংথোকখ্রবা রাজ্যশিংনা খেলো ইন্দিয়া স্কীমগা তেংবাং লৌনবা য়াই অমসুং অসিগুম্বা থৌরমশিং অসি পাংথোকপদা কেন্দ্রনা মতেং পাংগনি। ”

ইনৌ-নৌনা হৌগৎলক্লিবাথাক্কী হৈথোই-শিংথোইবা অসিগী মশক খংদোকপগী মরু ওইবশিংগী মতাংদা ৱা ঙাংলদুনা শান্ন-খোৎনবগী মন্ত্রীনা হায়খি, “ভারত অসি শান্ন-খোৎনবদা য়াম্না মপাঙ্গল কনবা ওইহন্নবা ঐখোয়না চহি ৫-১০ ফাওবদা লৈবা হৈথোই-শিংথোইবশিং খন্দোক্তুনা মখোয়বু তুংদা চেম্পিয়ন ওইনবা শেমগৎপা য়াই। ওলিম্পিক্সকী ওইনা শেমগৎপদা চহি ৮ চংই অদুগা মদুদগী হেন্না থেংথরগা শেমগৎপা তারগদি মখোয়বু ওলিম্পিক্কী পোদিয়মগী ওইনা শেমগৎপদা অকক্নবা লৈ। মরম অসিনা রাজ্যশিংনা নৌরিবা হৈথোই-শিংথোইবশিং মশক খংদোকপদা ৱাখল লুপশিনগদবনি অমসুং রাজ্য, জীলা, ব্লোক অমসুং পঞ্চায়েৎকী থাক্তা চাংদম্নবশিং পাংথোকপদা হকচিন্না লৌগদবনি।”

শান্ন-খোৎনবগী মন্ত্রীনা নোংপোক, নোংচুপ, খা অমসুং অৱাং-নোংপোক ভারতকী ওইনা জোনেল স্কাউত কমিতী ৫ শেম্নবা থৌরাং তৌখ্রে হায়রদুনা শান্ন-খোৎনবগী হিরম ২৪দা ইনৌ-নৌনা হৌগৎলক্লিবা থাক্কী হৈথোই-শিংথোইবশিং মশক খংদোকপদা মতেং পাংবদা নিংথিনা শরুক য়ানবা হায়খ্রে। “মশক খংদোক্লবা হৈথোই-শিংথোইবশিং অদু রাজ্য সরকার অমসুং সাই সেন্তরশিংদা ত্রেন তৌবা য়াই। হৈথোই-শিংথোইবা অসি মশক খংদোকপদা রাজ্য সরকারদগী ইনপুতশিং চংই।,”

মন্ত্রীনা খেলো ইন্দিয়া স্তেত সেন্তর ওফ এক্সেলেন্স(কে.আই.এস.সি.ই.) অসি রাজ্যশিংনা খ্বাইদগী ফবা শান্ন-খোৎনবগী মশক-মওং অসি মরু ওইবা মওংদা মথৌ তাবগী মতাংদসু ৱাফম ফোংদোকখি। “কে.আই.এস.সি.ই. অসি শেমগৎনবা মাংজৌননা রাজ্য ৮ মশক খংদোকখ্রে। শান্ন-খোৎনবগী মন্ত্রালয়না অরোইবা মওংদা ওইহনগদবা রাজ্য ১৩দগী থাঙ্গৎলকপা ৱাফমশিং ফংখ্রে। কে.আই.এস.সি.ই. অসি রাজ্যশিংগী ওইনা লৈবাক অসিদগী শান্ন-খোৎনবগী সেনিয়র এথলেৎশিংগী ত্রেনিং অমসুং খ্বাইদগী থোইদোক-হেন্দোক্না হৈথোই-শিংথোইহন্নবগীদমক্তা খ্বাইদগী ইনৌ-নৌবা শেম-শাবা মওং অমনি। কেন্দ্রনা হিরম অসিদা রাজ্যশিংবু শেনগী তেংবাং পীনবা অমসুং মতেং পাংনবা থৌরাং তৌদুনা লৈরে, মরম অসিনা কে.আই.এস.সি.ই.গী ওইনা খংদোক্তুনা থম্ননবা শেম-শাবগী মওং অসি থুনা খংদোক্নবা ঐহাক্না রাজ্য খুদিংমক্তা হায়জরি। .”

রাজ্যশিংগী মীহুৎশিংনা শান্ন-খোৎনবগী মন্ত্রীগা খন্নখিবা থৌরাংশিং অসি পাংথোকপদা শান্ন-খোৎনবগী মন্ত্রালয়গা নকশিন্না থবক তৌমিন্ননিংবা উৎখিবগা লোয়ননা মখোয়শিং অদুগী মরক্তগী হান্ননা লৈরবা রাজ্য থাক্কী চহিগী চাংদম্নবশিং অমসুং ইনৌ-নৌনা হৌগৎলক্লিবা থাক্কী হৈথোই-শিংথোইবশিং মশক খংদোক্নবা স্কীমশিংগী মতাংদা মরিক চুম্বা ৱারোলশিং পুথোক্তুনা খংহনখি।

**********