মতমগা চান্নবা ৱাখল্লোন, তেক্নোলোজী অমসুং চাউখৎ থৌরাংশিংদা হৌরকফম ওইরিবা অওনবা নাইবা মালেম অসিদা য়েলহৌঙৈগী ওইবা পুন্সি মহিং অসি লাইরিক্তা য়াওহৌবা হৌখ্রবা পোৎ অমা ওইনা ওইরে, ভারত শিনবা থুংনা ত্রাইবেল মখল ২০০ হেন্না লৈরি। ত্রাইবেল খুৎহৈবশিংনা মখোয়গী পুন্সিগা লোয়নরক্লবা কলা অমদি খুৎশা হৈবা অমসুং মখোয়গী কাংলুপকী নাৎ অদু য়োকখৎনবা হোৎনরি। ত্রাইবেল এফিয়র্স মন্ত্রালয়গী তি.আর.আই.এফ.ই.দি.না অসিগুম্বা খুদোংচাদ্রবা মীওইশিং অসি মখোয়গী কাংলুপ শেন্মীৎলোন ফগৎনবা অমদি মখোয়বু চাউখৎপগী লম্বেলদা পুরক্নবা মখোয়গী মিসননা হোৎনরি। মখোয়গী মখল কয়াগী খোঙথাংশিং, ইমপ্লিমেন্তেসন অমসুং প্রোগ্রামশিংগী মরক্তা ত্রাইবস ইন্দিয়াগী দিজাইন ইনিসিয়েতিব অসি মীৎয়েং চংবা মথৌ তারিবা অমনি।

মমিং থাগৎতুনা লৈরবা ত্রাইবেল খুৎহৈবশিং অসি হেন্না হৈগৎহন্নবা অমসুং মখোয়গী লৈজরিবা স্কিলশিং অমসুং পোত্থোকশিং মালেমগী থাক্তা পুখৎনবা, তি.আর.আই.এফ.ই.দি.না থোইদোক হেন্দোক্না মমিং চৎলবা দিজাইনরশিংগা পুন্না থবক তৌমিন্দুনা হৌখিবা থা খরা অসিনা মখোয়বু অৱাংবা থাক্তা পুখৎনবা অমদি মখোয়গী দিজাইন চাউখৎনবা হোৎনরি। মখোয়শিং অদুগী মিস রিতু বেরি, মিস রিনা ধাকা, মিস রুমা দেবি, মিস ৱিঙ্কী সিংহ, মিস নীরা নাথ অমসুং মিস রোজী অহ্লুৱালিয়া য়াওরি।

তি.আর.আই.এফ.ই.দি.নাগী চীফ দিজাইন কন্সল্তেন্ত ওইনা মিস রিনা ধাকানা লম অসিদা মহাক্না হৈজবশিং অদু ত্রাইবেল পোত্থোকশিং অমসুং হেন্দিক্রাফ অসি হৈন্না শকখঙনবা অমদি মীয়াম্না হেন্না লৈহন্নবা হোৎনবদা মতেং পাংলি। ফেব্রুৱারী ২০২০দা পাঙথোকপা চহিগী সুরজকুন্দ মেলাগী ফেসন ৱীক্তা, মহাক্না মহাক্কী নাৎকী ওইবা কল্লেক্সন অদু উৎখি, মসিদা ত্রাইবেলগী নাৎশিংদা য়ুম্ফম ওইবা দিজাইনরকী পিসশিং উৎখি। তেলেন্ত লৈরবা খুৎহৈবশিং মীয়াম্না হেন্না খঙন্নবা মহাক্না ত্রাইবেলশিং অসিনা পুথোক্লিবশিং অসিদগী মখল কয়াগী পুক্নিং চিংশিন্নিঙাই ওইবা খুদোল পোৎশিং শারি। মধ্য প্রদেশকী ধার জিলাগী ত্রাইবেল খুৎহৈবশিংগা লোয়ননা মহাক্না বাগ প্রিন্ততা অনৌবা দিজাইনশিং পুথোক্লি। খোঙথাং অসিগী ৱাখল্লোনদি লৈবাক অসিগী অমদি মালেম পুম্বগী মীয়ামবু হায়রিবা ফজরবা অফবা প্রদক্তশিং অসিনা পুক্নিং চিংশিন্দুনা ত্রাইবস ইন্দিয়াগী অউৎলেৎ খক্তা নত্তনা ই-কম্মর্স ৱেবসাইৎশিংদসু য়োন্নবনি।

মসিগী মথক্তা ত্রাইবেল খুৎহৈবশিংবু য়োকখৎপা ওইনা, মিস রিনা ধাকানা মহাক্কী হৌজিক চত্থরিবা থৌরম, দি দিজাইনর এন্দ দি ম্যুস, হৌজিক হৌজিক ন্যুস এক্সতা শন্দোক্লিবা অসিদা মমিং লৈরবা মীওইশিংগা লোয়ননা ইন্তর্ভ্যু মথং মথং তৌবদা ত্রাইবেল হেন্দিক্রাফশিং অমসুং প্রদক্তশিং অৱাংবা থাক্তা থাংগৎলি। মিস গৌহর খান্দ, মিস দেলনাজ ইরানি, মিস পুজা বত্রা অমসুং মিস রক্সন্দা খান্দগা লোয়ননা ইন্তর্ভ্যুশিং পাঙথোকখ্রে। তি.আর.আই.এফ.ই.দি.গী মেনেজিং দিরেক্তর শ্রী প্রবির কৃষ্ণসু থৌরম অসিদা শরুক য়াকি অমসুং মহাক্না ত্রাইবেল মীয়াম চাউখৎহনবদা তি.আর.আই.এফ.ই.দি.না লৌরিবা থৌদাং অদুগী মতাংদা ৱাফমশিং থমখি।

কুমারী, নীরা নাথনা নই দিল্লীগী মহাদিও রোদতা লৈবা ত্রাইবস ইনদিয়াগী ফ্লেগশিপ স্তোর (১৯৯৭দা লিংখৎখিবা) অসি নৌনা শেমগৎপা মতমদা মহাক্কী মগুন লৈরবা অমসুং দিজাইন ইনপুৎশিং ওফর তৌখি। মসিগী দিজাইনরশিং অসিগা পুন্না পুথোকখিবা পোৎশিং উৎনবা তোঙানবা গেলেরী অমা শেমগৎখি। স্তোর অমসুং গেলেরী নৌনা শেমগৎখিবা অদুনা মসিগী মগুন লৈরবা পোৎশিং অসি মীয়াম্না পাম্নগদবা মওংদা ঊপদা মতেং পাংখি। নীরা নাথকী হৈ শিংলবশিংনা দিল্লী হাত স্তোর ফজহনবদা মতেং পাংখি।  

তি.আর.আই.এফ.ই.দি.না হৌদোকখিবা স্কিল হেনগৎহনবগী প্রোগ্রাম অমদা মসিগী কন্সল্তেন্ত দিজাইনরশিং অসিনা খনগৎলবা হৈশিংলবা ক্রাফসমেনশিংগা লৈবাক শিনবা থুংবদগী খনগৎলবা ত্রাইবেল ক্লস্তরশিংগা পুন্না থবক তৌমিন্নখি। ক্লস্তর অমমমগী য়ামদ্রবা ত্রাইবেল খুৎহৈবা ২০ লৈ। মসিগী খুৎহৈবশিংগী ক্লস্তরশিং অসি হৈ শিংলবা ক্রাফমেনশিংদগী তম্লগা মখোয়গী স্কিলশিং উৎথোক্নবা অমসুং তম্বীরিবা দিজাইন অদু মখোয়গী দিজাইনশিংদা উৎথোক্তুনা খুৎনা হক্লিবা অমসুং হক্লগা পুথোক্লিবা পোৎশিং অদু মালেমগী থাক্তা পুথোকপা য়াবা ওইহন্নবা পুক্নিং থৌগৎলি। দিজাইন ১৫-২০ ফাওবনা ত্রাইবস ইন্দিয়া আউৎলেৎশিংদা প্রোগ্রামগী মতুংদা কেপসুল দিজাইনশিং ওইনা উৎকনি।

মসিগী খোংথাংশিং অসিগী মথক্তা কুমারী. রোজি অলুৱারিয়ানা শেম্বা দিখা খাদি হায়না মমিং থোনবা কলেক্সন অমা ত্রাইবেল মোতিফশিংগা লোয়ননা ইভিনিং গাউন্স অমা চহি অসিগী ওস্কার্সতা উবা ফংবদা মসি ময়েক শেংনা চাওথোকচনিংঙাই ওইখি। হৈ শিংলবা ত্রাইবেলশিংগী ফজরবা থবকশিংনা মতিক চাবা আউৎলেৎ অমা ফংবা মতমদা চাওথোকচনিংঙাই ওইবা মীকুপ অমা ওইখি।

******