শ্রী পরমেস্বরন আইয়র, সেক্রেতরী ওব দিপার্ত্মেন্ত ওব দ্রিঙ্কিং ৱাতর এন্দ সেনিতেসন্না ইবা "দি স্বছ ভারত রিভোলুসন" হায়বা লাইরিক অসি হিন্দিদা হন্দোক্তুনা স্বছ ভারত ক্রান্তি হায়না ফোংখ্রে। লাইরিক অসি জল শক্তিগী কেন্দ্রগী মন্ত্রী শ্রী গজেন্দ্র সিংহ সেখৱৎ অমসুং তেক্সতাইল অমসুং নুপী অঙাং চাউখৎ থৌরাংগী কেন্দ্রগী মন্ত্রী শ্রীমতি স্মৃতী ইরানিনা ঙসি নই দিল্লীদা ফোংখি। মসিগী মতুংদা লাইরিক অসিগী মতাংদা অমসুং স্বছ ভারত মিসনগী মতাংদা মন্ত্রী অনীগা লোইননা শ্রী পরমেস্বরম আইয়রনা খন্ন নৈনখি। খন্ন-নৈনবদু এস.বি.এম.গী ফিল্দ ফংসনরী লাখ কয়ানা ৱেবকাস্তিংগী খুথাংদা মীৎয়েং তাখি।

স্বছ ভারত ক্রান্তিনা এস.বি.এম.গী নীংথীরবা খোংচৎ অসিবু তোঙান-তোঙানবা স্তেকহোল্দর অমসুং এস.বি.এম.গী কন্ত্রিব্যুতরশিংনা মসিগী সমাজদা অহোংবা অমা পুরক্কদবা থৌরাং অসিদা য়েংলিবা মীৎয়েংশিং ৱারেং ৩৫দা ইথোক্তুনা তাক্লি। ৱারেংশিং অসি এস.বি.এম.গী মাই পাকপগী য়ুম্বী ওইরিবা মরুওইবা কাংলুপ মরি খাইদোক্তুনা শেম্লিঃ রাজনিতীগী লুচিংবা, মীয়ামদা শেল থাদবা, খুৎশম্নবা অমসুং মীয়ামগী শরুক য়াবা। প্রধান মন্ত্রী শ্রী নরেন্দ্র মোদীনা লাইরিক অসিগী মরমদা ইবা য়াওরদুনা হায়রিবা লাইরিক অসি অরুন জেৎলী, অমিতাভ কান্ত, রতন তাতা, সাধগুরু, অমিতাব বচন, অকসে কুমার, তাব্লিন সিংহ, বিল গেৎস অমসুং অতোপ্পা মীওইশিংগী খোমজিল্লবা ৱারেংশিং য়াওরি।

থৌরম অসিদা ৱা ঙাংলদুনা শ্রী গজেন্দ্র সিং সেখৱৎনা ভারতনা মতৌ করম্না মালেমদা লুবা নানবগী মাংজিল থাবা লৈবা অমা ওইরকখিবগে অমসুং মালেমগী লৈবাক কয়ানা ভারতকী মীওই কোতি ৫০ হেনবনা অমাংশঙ শীজিন্নবা হৌরক্তুনা লমহাংদা খোঙ হাম্ববু চহী মঙাগী মতমদা লেপ্পা ঙমখিবগে হায়বসি করম্না মতৌ তম্নরকখিবগে হায়বগী মতাংদা ৱা ঙাংখি। স্বছ ভারত ক্রান্তিনা মসিগী খোংচৎ অসিবু ভারতকী ময়াই ওইবা লমদা লৈরিবা লাইরিক পাবা মীওই লাখ কয়াদা য়ৌহনবা ঙম্লগনি খল্লুবদা নুংঙাইবা পোকই হায়না মহাক্না ফোংদোকখি।

শ্রীমতি ইরানিনা হায়খি মদুদি স্বছ ভারত মিসন অসিবু অশেংবা জন অন্দোলন ওন্থোকপা মতমদা নুপীশিংনা লৌখিবা লুচিংবগী থৌদাংশিংগীদমক মহাক্না চাউথোকচবা পোকচৈ। মহাক্না হায়খি, এস.বি.এম. অসি নারি শক্তিগী অশেংবা খুদম অমনি অমসুং এস.বি.এম.গী মথংগী তাংকক্তসু নুপীশিংনা মরুওইবা থৌদাং লৌদুনা হৌজিক ফাওবদা শেমখিবা কান্নবশিং অসি তুংকোইনা চৎননবা হোৎনগনি অমসুং তুংদা কনা অমত্তনা লমহাংদা খোং হামদনবা হোৎনরগনি। মন্ত্রীশিংনা স্বছগ্রহি, ফিল্দ ফংসনরি অমসুং রাজ্য সরকারগী ওফিসিএলশিংগী ৱাহংগী পাউখুম ভিদিও কনফরেন্সিংগী খুথাংদা পীখি।

*****