পেত্রোলিয়ম অমসুং নেচরেল গ্যাস মন্ত্রালয়

পেত্রোল অমসুং দিজল পুন্না অমসুং চোইনা য়োন্নবা অয়াবা পীনবা চৎন-কাংলোনশিং পেত্রোলিয়ম অমসুং নেচরেল গ্যাস মিনিস্ত্রীনা লাইথোকহল্লে

Posted On: 04 AUG 2020 1:28PM by PIB Imphal

পেত্রোলিয়ম অমসুং নেচরেল গ্যাস মিনিস্ত্রীনা ২০১৯গী ওক্তোবর ৮দা লৌখিবা ৱারেপ অমগী মখাদা পেত্রোল অমসুং দিজল পুন্না অমসুং চোইনা য়োন্নবা অয়াবা পীনবা চৎন-কাংলোনশিং লাইথোকহল্লে। লাইথোকহল্লবা চৎন-কাংলোনশিং অসিনা পেত্রোল অমসুং দিজল য়োনবদা লনাই কম্পেনিশিং শরুক য়াবা হেনগৎহন্নবা পান্দম থম্লি। চোইনা নৎত্রগা পুন্না য়োন্নবা অয়াবা লৌনবা হোৎনরিবা ফার্ম অমনা এপ্লিকেসন থাজিল্লকপা মতমদা য়ামদ্রবদা লুপা করোর ২৫০ লৈগদবনি। চোইনা অমসুং পুন্না য়োন্নবগী অয়াবা লৌনবগীদমক লুপা করোর ৫০০ লৈগদবনি।

হান্না পীথোক্লবা এপ্লিকেসন ফোর্ম অদুগা লোয়ননা চেরোলশিং মিনিস্ত্রীদা হকথেংননা পীশিনগদবনি। চোইনা য়োন্নবা অয়াবা পীনবগীদমক , ফার্ম অদুনা য়ামদ্রবদা চোইনা য়োন্নবা মফম ১০০ হাংদোকপা দরকার ওই। মমাংদা লৈরম্বা অথিংবশিং অদু লৌথোক্তুনা পেত্রোলিয়মগী পোৎথোকশিং য়োনবগী থৌশিল মনিংতমহল্লে। থৌশিল অসিনা লৈবাক অসিদা থাও য়োনবগী থবকশিংদা অওনবা পুরক্লগনি। চৎন-কাংলোনশিং অদু মিনিস্ত্রীগী ৱেবসাইত (http://petroleum.nic.in/sites/default/files/Resolution_Transprotation.pdf) অমসুং পেসক্রাইব এপ্লিকেসন ফোর্ম অদু (http://petroleum.nic.in/sites/default/files/Control%20Order.pdf)দা ফংগনি।

করিগুম্বা হিরম অসিগী মতাংদা ৱাহং হংনিংলবদি, পেত্রোলিয়ম অমসুং নেচরেল গ্যাস মিনিস্ত্রীগী লেন্দ লাইন নম্বর: +৯১-১১-২৩৩৮ ৬১১৯/৬০৭১(নিংথৌকাবদগী ইরাই ফাওবা, ওফিস মতমদা)দা কোল তৌবা য়াগনি।

পেত্রোল অমসুং দিজল পুন্না অমসুং চোইনা য়োন্নবা অয়াবা পীনবা ৱারেল লৌখিবা অসিনা পেত্রোল অমসুং দিজল য়োনবগী থবকশিংদা মপান লৈবাকশিংগী ফার্মশিং য়াওনা লনাই কম্পেনশিং শরুক য়াবা হেনগৎহল্লগনি। মসিনা মনুং হুঞ্জিনা মফমশিংদা থাও য়োনফমশিং মশিং হেনগৎহল্লগনি অমসুং কঞ্জুমরশিংগী থবকশিং হেন্না ফগৎহল্লগনি।

*********



(Release ID: 1643297) Visitor Counter : 49