ইলেক্ত্রোনিক ভেক্সিন ইন্তেলিজেন্স নেৎৱার্ক (ই.ভি.আই.এন.) হায়বসি লৈবাক অসিদা লৈরিবা তিকা থাবগী সপ্লাই চেন অসি মপাঙ্গল হেনগৎহন্নবা হোৎনরিবা অনৌবা তেক্নোলোজিগী ওইবা থৌরাং অমনি। হায়রিবসি হকশেল অমসুং য়াইফ-য়ুম্বাল মন্ত্রালয়গী মখাদা নেসনেল হেলথ মিসন (এন.ঐচ.এম.)গী খুথাংদা থবক ওইনা পায়খৎলি। ই.ভি.আই.এন.না লৈবাক অসিদা লৈরিবা তিকাগী লৈরিবা মশীং অমসুং চৎখিবগী চাং অমসুং কোল্দ চেন পোইন্তশিংদা লৈবা অইং অশাগী চাং খুদক্কী ওইনা পীবা ঙম্মি। হায়রিবা মপাঙ্গল লৈরবা সিস্তেম অসি কোবিদ-১৯ লাইচৎ অসিগী মনুংদা অঙাং অমসুং মীরোনবী নুপীশিংবু তিকানা কনবা ঙম্বা লাইনাশিংদগী ঙাকথোক্নবগীদমক তঙাইফদনা থাগদবা তিকাশিং থাবা য়াহনলি।

ই.ভি.আই.এন.না অনৌবা তেক্নোলোজীশিং, মপাঙ্গল লৈরবা আই.তি.গী ইনফ্রাস্ত্রকচর অমসুং মপুং ফানা তাকপী তম্বীরবা মীওইশিংগা পুনশিন্নদুনা লৈবাক অসিগী মফম কয়াদা লৈরিবা তিকা থম্ফমশিংগী অইং অশা অমসুং কয়াম লৈরিবগে হায়বদু খুদক্তা য়েংবা য়াহল্লি।

ই.ভি.আই.এন. অসি রাজ্য অমসুং য়ুনিয়ন তেরিতোরী ৩২দা লৈরে অমসুং লেমহৌরিবা রাজ্যশিং অমসুং অন্দমান অমসুং নিকোবার আইলেন্দ, চন্দিগর, লদাখ অমসুং সিক্কিম হায়রিবা য়ু.তি.শিং অসিদা অত্থুবদা থম্লগনি। হৌজিক্কী ওইনা কোল্দ চেন পোইন্ত ২৩,৫০৭ রাজ্য ২২ অমসুং য়ু.তি. ২গী জিল্লা ৫৮৫দা তিকাশিংবু পুথোক পুশিন তৌবা য়ানবগীদমক ই.ভি.আই.এন. তেক্নোলোজী শীজিন্নরি। ভেক্সিন কোল্দ চেন হেন্দলর ৪১,৪২০দা ই.ভি.আই.এন.গী মতাংদা তাকপী তম্বীদুনা দিজিতেল রেকোর্দ-কিপ্পিং শীজিন্নহল্লি। ভেক্সিন কোল্দ চেন ইক্বিপমেন্তশিংদা থম্লিবা তিকাশিং অদুগী অইং অশাশিং চপ চানা খঙনবগীদমক ইলেক্ত্রোনিক তেম্পরেচর লোগর ২৩,৯০০ হাপখ্রে।

ইলেক্ত্রোনিক ভেক্সিন ইন্তেলিজেন্স নেৎৱার্ক অসিনা তিকাগী তঙাইফদবা চাং খঙদোক্নবগীদমক দেতাদা য়ুম্ফম ওইবা ৱারেপ লৌবা অমসুং শীজিন্নখিবা মশীংদা য়ুম্ফম ওইদুনা প্লান তৌববু পুক্নিং থৌগৎলিবা অচৌবা দেতা আর্ক্তেকচর অমা শেমগৎপদা মতেং পাংলে। মতম চুপ্পগী ওইনা তিকা ফংহনবা হায়বসি অয়াম্বা হেলথ সেন্তরশিংদা চাদা ৯৯ ফংহনলে। ই.ভি.পি.এন.বু হৌজিক হৌজিক শীজিন্নরিবা হেলথ সেন্তরশিংদা তেক্নোলোজী অসি চাদা ৯৯গী চাংদা শীজিন্নরে। লোইথোকখিবগী চাংসু চাদা ৮০ হন্থরদুনা চাংচৎ অমদা স্তোক অমুক নৌনা হাপচিনবদা চঙবা মতমসু তংখাই অমা হেন্না তেনশিনলে। মসিনা তিকা থাফম্বু হেক য়ৌরবা অঙাং পুম্নমকপু তিকা থাবীরে অমসুং লোইথোকখিবনা হন্নদ্রে।

ভারত সরকারনা কোবিদ-১৯ অসিবু লান্থেংননবগীদমক হোৎনরিবা অসিদা মতেং পাংনবগীদমক, এ.ভি.আই.এন. ইন্দিয়ানা রাজ্য/য়ু.তি. সরকারশিংনা কোবিদ রেস্পোন্স মতিরিএলশিং য়েংশিনবদা মতেং পাংলি। এপ্রিল ২০২০দগী হৌদুনা রাজ্য (ত্রিপুরা, নাগালেন্দ, মনিপুর, মেঘালয়, অরুনাচল প্রদেশ, হরিয়ানা, পঞ্জাব অমসুং মহারাস্ত্রা)দা ই.ভি.আই.এন. এপ্লিকেসনবু রাজ্যশিংগী অসিগী ওইবা কোবিদ-১৯গী পোৎলমশিং পীবা অমসুং লৈরিবগী চাং য়েংবদা মতেং পাংলি অমসুং তঙাইফদবা হীদাক অমসুং ইক্বিপমেন্ত ৮১ ৱাৎলকপদা খঙহনলি।

মসিগী মতীক লৈরবা প্লেৎফোর্ম অসিনা কোবিদ-১৯গী অনৌবা তিকা ফংলকপা মতমদা মথৌ হাপচিনবগী মথৌনাসু লৈরি।

*******