কম্যুনিকেসন অমসুং ইনফোর্মেসন তেক্নোলোজী মন্ত্রালয়
শ্রী সঞ্জয় ধোত্রেনা রেদিও নেৎৱর্ক্তা য়ুম্ফম ওইবা লাস্ত মাইল তেলিকোম কন্নেক্তিবিতী সোল্যুসন, ভারত এয়রফাইবর শঙ্গাখ্রে
Posted On:
02 AUG 2020 12:43PM by PIB Imphal
ভারত সরকারগী কেন্দ্রগী ঐচ.আর.দি., ইলেক্ত্রোনিক্স, কম্ম্যুনিকেসন অমসুং আই.তি. রাজ্য মন্ত্রী শ্রী সঞ্জয় ধোত্রেনা ঙসি মহারাস্ত্রাগী অকোলাদা “ভারত এয়র ফাইবর সর্বিস” শঙ্গাখ্রে। সর্বিস অসি শঙ্গাখিবগা লোয়ননা অকোলা অমসুং ৱসিম জিলাগী মীওইশিংনা পাম্বগী মতুং ইন্না ৱায়রলেস ইন্তর্নেৎ কন্নেক্সন ফংলগনি।
ভারত সরকারনা পায়খৎখিবা দিজিতেল ইন্দিয়াগী খোঙথাং ওইনা ভারত এয়র ফাইবর সর্বিস অসি বি.এস.এন.এল.না হৌদোকখিবনি অমসুং মসিনা বি.এস.এন.এল.গী মফমদগী কিলোমীতর ২০ লাপ্না লৈবা মফমশিংদা ৱায়রলেস কন্নেক্তিবিতী পীনবা পান্দম থম্লি অমসুং তেলিকোম ইনফ্রাস্ত্রকচর পার্তনরশিংনা শৌগৎপগী মতুং ইন্না বি.এস.এন.এল.না অহোঙবা মমলদা সর্বিস পীবগী মরম ওইদুনা অরাপ্পা মফমদা লৈবা কস্তমরশিংসু য়াম্না কন্নহল্লগনি।
বি.এস.এন.এল.না ভারত এয়র ফাইবর সর্বিস অসি অকোলা অমসুং ৱসিম জিলাদা লৈবা বি.এস.এন.এল.গী লোকেল ব্যুজিনেস পার্তনরশিংগী খুত্থাংদা পীবনি অমসুং মসিগী সর্বিস অসিনা য়াম্না য়াঙবা ইন্তর্নেৎ কন্নেক্তিবিতী সর্বিস পীগনি। মসিগী সর্বিস অসিনা তোঙানবনি অমসুং অতোপ্পা ওপরেতরগী সর্বিস্তগী খেৎনগনি মরমদি মসিদা বি.এস.এন.এল.না লেম্না অনলিমিতেদ বোইস কোল্লিংগী খুদোংচাবা পীরি।
মসিগী অৱাংবা থাক্কী তেক্নোলীজী সর্বিস অসিগী মতেংনা বি.এস.এন.এল.না মখোয়গী কস্তমর্শিং মশিং হেনগৎহনবতা নত্তনা অকোলা অমসুং ৱসিম জিলাগী মীওিশিংদা বি.এস.এন.এল.গা খুৎশম্নদুনা তেলিকোম ইনফ্রাস্ত্রকচর পার্তনর ওইবগী অচৌবা খুদোংচাবা কয়াসু পীগনি। মখোয়না থা অমদা লুপা লাখ ১দগী হেনবা শেন্থোক তানবা ঙমদুনা ভারত সরকারগী “আত্মানির্ভর ভারত” ওইবগী খোঙথাং অসিগী মখাদা মরোমদোম লেপচবসু ঙমগনি।
মসিগী ভারত এয়র ফাইবর সর্বিস অসিনা য়াম্না য়াঙবা ইন্তর্নেৎ কন্নেক্তিবিতী পীবতা নত্তনা বোইস সর্বিসসু অহোঙবা মমলদা পীগনি। বি.এস.এন.এল.না ভারত এয়র ফাইবর সর্বিস অসি এম.বি.পি.এস. ১০০গী অয়াঙবা ফাওবা পীগনি। বি.এস.এন.এল.না ৱায়রলাইন অমসুং ৱায়রলেস সেগমেন্ততা ফজবা প্লান কয়া অমা পীরি অমসুং লোকদাউন মনুংদা খ্বাইদগী ফবা ইন্তর্নেৎ কন্নেক্তিবিতীগী ব্রান্দ অমা ওইনা থোক্লক্তুনা সরকার অমসুং লন্নাইগী ফর্ম কয়ানা হৌদোকখিবা য়ুমদগী থবক তৌবগী চৎনবীবু মায় পাক্না থবক ওইনা পাংথোকহনবদা তেংবাংখি।
বি.এস.এন.এল.না লেন্দলাইন/ব্রোদবেন্দ অমসুং ফাইবর এফ.তি.তি.ঐচ. মায় পাক্না পীরি। জুলাই ২০২০দা বি.এস.এন.এল.না মহারস্ত্রা সর্কলদা এফ.তি.তি.ঐচ. কন্নেক্সন ১৫০০০ পীখি অমসুং ভারত পুম্বগী ওইনা এফ.তি.তি.ঐচ. কন্নেক্সন ১৬২০০০ পীখি। হায়রিবশিং অসি অকনবা লোকদাউন অমসুং কোবিদ-১৯গী লায়চৎ মনুংদা পাংথোকপা মায় পাকপা থবকশিংনি।
ৱায়রলেস ভারত এয়র ফাইবর লোঞ্চ তৌখিবগা লোয়ননা মীওইশিংনা পাম্বগী মতুং ইন্না অথুবা মতমদা কন্নেক্সন কয়া অমসু পীগনি। বি.এস.এন.এল.না অকোলা অমসুং ৱসিমগী মীয়ামদা মসিগী অফবা অমসুং অহোঙবা সর্বিসসিং অসি শিজিন্নবীয়ু হায়খি।
*************
(Release ID: 1643015)
Visitor Counter : 168