প্রধান মন্ত্রী শ্রী নরেন্দ্র মোদীনা স্মার্ত ইন্দিয়া হেক্কাথোন (সোফৎৱেয়র)-২০২০গী ফিনালেদা শরুক য়ারিবশিংগা ভিদিও কনফরেন্সিংগী খুত্থাংদা ৱারী শানখ্রে।

স্মার্ত ইন্দিয়া হেক্কাথোন

স্মার্ত ইন্দিয়া হেক্কাথোনগী গ্রান্দ ফিনালেগী থৌরমদা ৱা ঙাংবদা পি.এম.না মহৈরোয়শিংনা লৈবাক অসিনা থেংনরিবা খুদোংচাদবা কয়াগী হীরমদা থবক কয়া পাংথোক্লি হায়খি। খুদোংচাদবশিং অসিগী ৱারোয়শিন পীবতা নত্তনা মখোয়না দেতা, দিজিতাইজেসন অমসুং হাই-তেক ফ্যুচরগী হীরমদা ভারতপু মপাঙ্গল হাপ্পি। খোঙজেল য়াংবা ২১শুবা চহি-চা অসিগী মওং-মতৌগী মতুং ইন্না ভারতনা মশাবু হোঙহন্দুনা কান্নবা থৌদাং লৌবগী তঙাই ফদববু খঙলদুনা প্রধান মন্ত্রীনা লৈবাক অসিদা অনৌবা থৌওং পাংথোক্নবা, রিসর্চ, দিজাইন, চাউখৎপা অমসুং ওন্তোপ্রিনর্শিপ পুক্নিং থৌগৎহন্নবা তঙাই ফদবা ইকোসীস্তেম শাবগী থবক চত্থরি হায়না হায়খি। পুম্নমক অসিগী পান্দমদি ভারতকী মহৈ তম্বীবগী পথাপ্পু মতমগা চান্নবা ওইহন্দুনা মহৈ-হৈবা মীওইশিংগী খুদোংচাবা কয়া শেম্বনি হায়না মহাক্না হায়খি।

অনৌবা এজুকেসন পোলিসী

অনৌবা এজুকেসন পোলিসী অসিগী মতাংদা ৱা ঙাংলদুনা প্রধান মন্ত্রীনা হায়রিবা অসি ২১শুবা চহি-চাগী নহাশিংগী ৱাখল্লোন, তঙাই ফদবশিং, মংলান অমসুং থবক ওইনা পাংথোক্নিংবশিংবু য়েংদুনা শেমখিবনি হায়খি। মসিগী শুপ্নতগী চে অমা নত্তে তৌবতবু ভারত মচা কোতি ১৩০গী থবক ওইনা পাংথোকপা ইথিলগী মমিনি হায়না মহাক্না মখা তানা হায়খি। “ঙসিসু অঙাং কয়া অমদি মখোয়না থৱাই-খোয়দাজবা হীরমশিংদা য়ুম্ফম ওইদুনা মখোয়গী খল খায়রি হায়না খল্লি। মমা-মপাশিং, মরী-মতাশিং, মরুপশিংনচিংবনা হায়মনবদগী অঙাংশিং অসিনা অতোপ্পা মীওইশিংনা মখোয়গীদমক্তা খনবিবা লম্বীদা চৎলি। মসিগী থৌওং অসিনা লায়রিক-লায়শুদি হৈবা অদুবু মখোয়না তম্লুরিবা মহৈদি মখোয়দা ইকান কান্নদবা মীওই মশিং য়াম্না হেনগৎলক্লি” হায়না মহাক্না হায়খি। অনৌবা এজুকেসনগী পোলিসী অসিনা মসিগী থৌওং অসি হোঙদোক্তুনা ভারতকী মহৈ-মশিং তম্বীবগী পথাপ্তা কাংলোন চুম্বা শেমদোকপা অমা পুরক্তুনা মহৈ-মশিং তম্বীবগী পান্দম অমসুং মসিগী মনুংদা য়াওরিবা হীরমশিংবু শেমদোক্নবা হোৎনরি হায়না মহাক্না হায়খি। এন.ই.পি. অসিনা লৌশিং তানবা, থিজিন হুমজিনবা অমসুং অনৌবা থৌওং পাংথোকপদা মিৎয়েং চংদুনা স্কুল, কোলেজ অমসুং য়ুনিবর্সিতীদা থেংনরকপা খুদিং অসি মীওই অমগী অপাম্ববু লমজিংদুনা ৱাখল চাউথোকপা অমসুং মহৈ য়ানবা থৌওং অমা ওইহন্নবা হোৎনবদা মিৎয়েং চঙই হায়না মখা তানা হায়খি।

মহৈরোইশিং অদুদা ৱা ঙাংলদুনা, প্রধান মন্ত্রীনা হায়খি, "হায়রিবা হেকাথলোন অসি নখোয়না ফল পুরক্কে খন্না হোৎনখিবা অহানবা নত্ত্রগা অরোইবা সমশ্যা নত্তে।" মহাক্না নহা ওইরিবশিংদা থবক অহুম লেপতনা তৌনবা পাউতাক পীখিঃ তমশিনবা, ৱাহং হংবা অমসুং ৱারোইশিন পুরকপা। মহাক্না হায়খি, কনাগুম্বা অমনা তমশিনবা মতমদা মী অমনা ৱাহং হংনিংবগী লৌশিং অসি ফংগনি অমসুং ভারতকী নেসনেল এজুকেসন পোলিসী অসিনা হায়রিবসি উৎলি। স্কুল হেক লোইবগা চৎনবা য়াররোইদবা লাইরিক খাউগী পোৎলুমদগী অতোপ্পা মাইকৈ অমদা পান্দম থম্লক্লি হায়বসি মহাক্না থম্লদুনা পুন্সিদা মতেং ওইরক্কদবা নিংশিংবদগী হৌদুনা অরুবা ৱাখল খনবা ফাওবা য়াওরি হায়খি।

এজুকেসন পীবা

বাবা সহেব অম্বেদকরনা হায়খিবা মহৈ হায়বসি মীপুম খুদিংদা ফংহনগদবনি হায়বসি পল্লদুনা প্রধান মন্ত্রীনা হায়খি মদুদি মসিগী এজুকেসন পোলিসী অসি মহাক্না খল্লম্বা ৱাখল্লোন অদুদা কত্থোকচরিবনি। নেসনেল এজুকেসন পোলিসী অসি প্রাইমরী এজুকেসন্দগী হৌরদুনা লাইরিক লাইশু তমহনবগী মতাংদদি য়াম্না চাউরে। মহাক্না হায়খি, পোলিসী অসিনা হাইয়র এজুকেসন্দা ২০৩৫ ফাওবদা গ্রোস এনরোল্মেন্ত রেসিওগী চাদা ৫০ হেনগৎহন্নবা পান্দম থম্লি। মহাক্না মখা তারদুনা হায়খি মসিগী এজুকেসন পোলিসী অসিনা থবক থিবা মী ওইহনবগী মহুত্তা থবক পীবা মী অমা ওইহন্নবা হোৎনরি। অসুম্না মসিনা ঐখোয়গী ৱাখল্লোন অমসুং ঐখোয়গী খোংচৎ হোংহন্নবা হোৎনরি।

গ্লোবেল ইন্তিগ্রেসন্দা মীৎয়েং থম্বা

প্রধান মন্ত্রীনা হায়খি, পোলিসী অসিনা লোকেলদা মীৎয়েং থম্না-থম্না, মালেমগা পুনশিন্নবা হোৎনবদসু মীৎয়েং থম্লি। মালেমগী খ্বাইদগী ৱাংবা ইন্সতিত্যুসনশিংবু ভারত্তা হাংদোকহন্নবা পুক্নিং থৌগৎলি। মসিনা ভারতকী নহাশিংদা মালেমগী মরমদা হেন্না খঙহনবদা নত্তনা মালেমগী থাক্তা লৈবা চাংদম্নবশিংগীদমক শেম শাবদা মতেং ওইরগনি। মসিনা ভারত্তা মালেমগী থাক্তা ফরবা ইন্সতিত্যুসনশিং শেমগৎপদা মতেং পাংলগনি অমসুং ভারতপু মালেমগী এজুকেসনগী ময়োল অমা ওইহনবা ঙমহল্লগনি।

স্মার্ত ইন্দিয়া হেক্কাথোন ২০২০গী গ্রান্দ ফিনালেদা প্রধান মন্ত্রীনা হায়খিবশিং পানবগীদমক্তা মফম অসিদা নম্বীয়ু

ঙসিগী অঙনবা অয়ুক্তা, কেন্দ্রগী হ্যুমেন রিসোর্স দিবেলপমেন্ত মন্ত্রী, শ্রী রমেশ পোখ্রিয়াল 'নিশাঙ্ক'না স্মার্ত ইন্দিয়া হেকাথলোন (সোফৱেইয়র) – ২০২০গী ৪শুবা তাংকক্কী গ্রান্দ ফিনালে ভর্চুএল ওইনা নই দিল্লীদা হৌদোকখি। ঐচ.আর.দি.গী রাজ্যগী মন্ত্রী শ্রী সঞ্জয় ধোত্রে; হাইয়র এজুকেসনগী সেক্রেতরী শ্রী অমিৎ খারে; আই.আই.সি.তি.ই.গী চীয়রমেন প্রোফেসর অনিল সহারাবুধে; চীফ ইন্নোবেসন ওফিসর দা. অভে জেরেসু থৌরম অদুদা শরুক য়াখি। হেকাথলোন অদু ভারত সরকারগী ঐচ.আর.দি. মন্ত্রালয়; ওল ইন্দিয়া কাউন্সিল ফোর তেক্নিকেল এজুকেসন (এ.আই.সি.তি.ই.), পর্সিস্তেন্ত সিস্তেম অমসুং আই.৪.সি.না শীনখিবনি।

হৌদোকপগী থৌরমদা, ঐচ.আর.দি. মন্ত্রী শ্রী রমেশ পোখ্রিয়াল 'নিশাঙ্ক'না হায়খি মদুদি হন্দক চহীগী চাংদম্নবগী অহানবা তাংকক্তা মহৈরোই লাখ ৪.৫ হেনবদগী পাক শন্না পাম্নবগী রেস্পোন্স লাকখি। মহাক্না হায়খি, প্রধান মন্ত্রী শ্রী নরেন্দ্র মোদীনা লৈবাক অসিদা লৈরিবা দিজিতেলগী ওইবা খাইবোক তারিবসিবু শমজিন্ননবা দিজিতেল ইন্দিয়া অমগী মংলান শাগৎখি অমসুং মখা তানা দিজিতেল লিতরেসীবু চাউখৎপগী খোংজেলদা মীয়াম পুম্বগী ইহৌ অমা ভারত্তা মীপুম খুদিংমক্তা য়ৌহন্নবগীদমক শাগৎনবা হোৎনখি। ঐখোয়না দিজিতেল ইন্দিয়াগী খোংথাং অসিগী কান্নবসি কোবিদ-১৯গী মনুংদা উবা ফংলে।

শ্রী পোখ্রিয়ালনা হায়খি মদুদি মসিগী হেকাথলোন অসি মালেমগী থাক্তা খ্বাইদগী চাউবা মহৈরোই লাখ ৪.৫ হেনবা, এজুকেসনেল ইন্সতিত্যুসন ২০০০গী মথক, ওজা ১০০০গী মথক, ইভালুএতর ১৫০০গী মথক, কেন্দ্রগী মন্ত্রী, রাজ্য সরকারগী বিভাগশিং অমসুং প্রাইবেৎ ইন্দস্ত্রীশিং য়াওনা অশেংবা পি.পি.পি.গী মোদেল অমা শাগত্তুনা প্রোব্লেম সমিত্তিং এজেন্সী ৭০গী মথক্না শরুক য়ারিবা ওপন ইন্নোবেসন মোদেল অমনি। অসিগুম্বা মহৈরোই অশুক য়াম্বা মশীং অসিনা শরুক য়ারিবা মসিগী মোদেল মখল অসি মালেমগী অমত্তদা লৈত্রি।

শ্রী পোখ্রিয়লনা অত্মানির্ভার ভারতকী ইন্নোবেসনগী ৱাখল্লোন অসিদা মীৎয়েং চংদুনা মহাক্না হায়, এস.আই.ঐচ.দা শরুক য়ারিবশিংনা পুথোকপা সোলুসনশিংনা প্রধান মন্ত্রীগী শেন্মীৎলোন ফগৎনবা ৱাখল্লোন ওইরিবা “ভোকেল ফোর লোকেল” অসিগী পাঙ্গল হাপ্লগনি। মন্ত্রীনা হায় চহি অসিদা  প্রোব্লেম স্তেৎমেন্ত ২৪৩ মদুদি কেন্দ্রগী সরকারগী বিভাগশিংগী ৩৭, রাজ্য সরকারগী ১৩ অমসুং ইন্দস্ত্রীশিংগী ২০ অসি কোকহন্নবা পার্তিসিপেন্ত ১০,০০০ হেনবনা চাংদম্নগদৌরি। প্রোব্লেম স্তেৎমেন্ত  অমমমদা শেমগী মনা লুপা ১,০০০০০ পীগনি অদুগা মহৈরোয়গী ইন্নোবেসনগী হীরমদা অথোইবা অহুম লৈগনি, অহানবা, অনিশুবা অমসুং অহুমশুবদা শেলগী মনা ওইনা মথং শিৎনা লুপা ১,০০,০০০, লুপা ৭৫,০০০ অমসুং ৫০,০০০ পীগনি।

থৌরম অসিদা ৱা ঙাংলদুনা শ্রী ধোত্রেনা হায় ঐখোয়না নুংতি-নুমিৎ খুদিংগী সমস্যা কয়া মায়োক্নরি। অনৌবা পোৎ পুথোকপা অমসুং সমস্য কোকহন্নবগী ৱাখল্লোন চেনবা, দেমোগ্রাফিক দিবিদেন্দ, ইনর্জী অমসুং নহাশিংগী ৱাখল্লোনশিং শিজিন্ননবা চৎনবী অমা শেমগৎনবা চহি চুপ্পা ইন্সতিত্যুৎকী থাক্তা অসিগুম্বা থবক থৌরমশিং অসি পাঙথোকপা মথৌ তাই। মহাক্না হায় ইন্সতিত্যুৎশিংদা প্রোব্লেম স্তেৎমেন্ত কয়া থমগদবনি অসুম তৌদুনা মহৈরোয় অমনা মহাক্কী অপাম্বগী মতুং ইন্না সমস্যা অমা কোকহন্নবা হোৎনহনগনি। এতল তিঙ্করিং লেবশিংগী খুত্থাংদা মহৈরোয়শিংদা স্কুলগী থাক্তা খুদোংচাবা ফংহল্লি। এতল তিঙ্করিং লেবশিংদগী  দিবেলপ তৌরকপা ৱাখল্লোনশিং নত্রগা মোদেলশিং অদু মখা তানা এস.আই.ঐচ.তা পুখৎকনি। লোয়ননা লায়চৎশিংগী লান্থেংনবা ঙম্না অনৌবা হীদাক-লাংথক পুথোক্নবা অথুবদা দ্রগ দিসকোবরী হেকাথোন অমা হৌদোক্লগনি

হায়র এজুকেসনগী সেক্রেতরী, শ্রী অমিৎ খারেনা হায় মদুদি স্মার্ত ইন্দিয়া হেকাথোন ২০২০গী সোফৱের ইদিসন অসি ওনলাইন প্লেৎফোর্ম অমগী খুত্থাংদা পাঙথোক্লি। স্মার্ত ইন্দিয়া হেকাথোন অসি চাউনা মায় পাক্লবা মতুংদা অচৌবা ইন্তর্নেস্নেল হেকাথোন অনি মদুদি ইন্দিয়া-পোরতুগল হেকাথোন অমসুং ইন্দিয়া-এ.এস.ই.এ.এন. হেকাথোন পাঙথোক্কনি, মসিনা লোকেলদগী গ্লোবেল য়ৌবা ঙমবগী অশেংবা খুদমশিং ওইরগনি।

মহাক্না হায় এস.আই.ঐচ. অসি চাউখৎ থৌরাংগী থবক্তা মপুংফানা শরুক য়াবদা তঙাই ফদ্রবা লৌশিং, স্কিল অমসুং সেল্ফ-কনফিদেন্স লৈবা নহাশিং থৌনা হাপ্নবা য়াম্না মরুওইবা পাম্বৈশিংগী মরক্তা অমনি। অনৌবা এজুকেসন পোলিসি অসিদা ফাওবা ইনোবেসনগী তঙাইফদবা অমসুং হৌদোকপদা মীৎয়েং চংলি। মসিগী মথক্তা এস.আই.ঐচ. অসি পব্লিক প্রাইবেৎ পার্নরশীপকী খ্বাইদগী ফবা খুদমশিংগী মনুংদাঅমনি। মহাক্না মখা তারদুনা হায় ঐখোয়গী এজুকেসন ইন্সতিত্যুসনশিংদা ইনোবেসনগী চৎনবী অসি পুক্নিং থৌগৎপদা ঐখোয় য়াম্না পুক্নিং চংলি। লোকদাউনগী মতম ফাওবা ঐখোয়গী মহৈরোয়শিংনা ভর্চ্যুল ওইনা হন্দক চহিগী এস.আই.ঐচ. সোফৱেয়র ইদিসন শিল-লাংনবা লম্বেল য়াৎখিবা ভর্চ্যুল হেকাথোনশিং “আইদিয়াথোন” অমসুং ‘সমাধান’’দা শরুক য়াখি।

এ.আই.সি.তি.ই.গী চিয়র্মেন প্রোফ. অনিল সহসরাবুধেনা হায় এন.ই.পি.না ভারতকী মমাংঙৈগী অৱাংবা থাক্তা লৈরিবা ঞ্জান অসি মীয়ামদা য়ৌহনবদা মতেং পাংগনি। অনৌবা এজুকেসন পোলিসি (এন.ই.পি.)গী নেস্নেল রিসর্স ফাউন্দেসনগী সোসিএল সাইন্সতা রিসর্স য়াওহনবা অসি হোলিস্তিক রিসর্স অমসুং ইনোবেসন কলচর লৈবগী অফবা খুদম অমনি।

দা. অভে জেরেনা হায় লৈবাক অসিদা হেকাথোনগী চৎনবী অসি চৎনবা হৌখ্রে অমসুং হৌজিক্তি অপিকপা শহরশিং অমসুং লনাইগী লুপশিংনা ফাওবা মখোয়গী গর্বর্নেন্স ফগৎনবা নহাশিংগা তান্ননবা অমসুং ৱাখল্লোনশিং পুথোকহন্নবা হেকাথোনশিং শিল্লি।

স্মার্ত ইন্দিয়া হেকাথোনশিংনা হৌজিক ফাওবদা প্রোতোতাইপ ৩৩১ মুক পুথোকখ্রে, স্তার্তঅপ ৭১না শেমগৎপা হৌরি, স্তার্তঅপ ১৯না মায় পাক্না রেজিস্তর তৌখ্রে। মখা তানা সোলুসন ৩৯ হান্ননা তোঙান তোঙানবা দিপার্তমেন্তশিংদা শিজিন্নখ্রে অমসুং পোতেন্সিএল সোলুসন ৬৪ রোম মখাতানা পুথোক্নবা শেল থাদখ্রে। এস.আই.ঐচ.না স্তার্রঅপ অমসুং ইনোবেসন চৎনবী অমা ওইনা হেনগৎহনবদা মতেং পাংলি।

*******