ৱাল্দ হেল্থ ওর্গনাইজেসন(দবল্যুউ ঐচ ও)গী একজিক্যুতিব বোর্দকী চেয়রমেন ওইনা একজিক্যুতিব বোর্দকী ব্যুরোগী মীফম অমা ভর্চুএল ওইনা হেল্থ অমসুং ফেমিলি ৱেলফিয়ার মিনিস্তর দোক্তর হর্শ বর্ধন্না লুচিংদুনা পাংথোকখ্রে। ব্যুরো অদুদা একজিক্যুতিব বোর্দকী ভাইরস চেয়রশিং অমসুং দবল্যু.ঐচ.ও হেদক্বাতরসকী সেনিয়র ওফিসিএলশিং য়াওরি। মীফম অদুদা ওবজার্বরশিং অমসুং দবল্যু.ঐচ.ও হেদক্বাতরসকী সেনিয়র ওফিসিএলশিং শরুক য়াখি।

মীফম অদুদা খন্নখিবশিংগী মনুংদা থৌরমগী ৩২শুবা মীফমগী অরোইবা মতমশিং লেপ্পা, বজেৎ অমসুং এদমিনিস্ত্রেসন কমিতি অমসুং ৭৩সুবা ৱাল্দ হেল্থ এশেমব্লি অমসুং ১৪৭সুবা একজিক্যুতিব বোর্দকী মীফমশিং অমুক পাংথোকপা হৌবা য়াওরি।

অহানবদা, দোক্তর হর্শ বর্ধন্না একজিক্যুতিব বোর্দকী ব্যুরোগী মীফমদা শরুক য়াখিবশিং তরাম্না ওকখি অমসুং কোবিদ-১৯ লাইচৎ মনুংদা মখোয়দা য়াইফ-পাউজেল পীখি। কোবিদ-১৯ লাইচৎনা মীওই কয়া শিহনখিবা অসিদা মহাক্না অৱাবা ফোঙদোকখি অমসুং মাংজিল থাদুনা থবক পায়খৎলিবশিং থম্মোয় শেংনা থাগৎখি।

কোবিদ-১৯না থোকহল্লিবা মালেমগী অৱাবশিং নিংশিংলদুনা মহাক্না হায়খি থা মরিগী মমাংদা কোবিদ-১৯ অসি মালেমগী লাইচৎ অমনি হায়না দবল্যু.ঐচ.ওনা লাউথোকখি। চাউরাক্না মীওই মিল্লিয়ন ১৭ রোম কোবিদ-১৯না নাহল্লে অমসুং লাইচৎ অসিনা মরম ওইদুনা মীওই লিশিং ৬৬২ হেন্না শিহনখ্রে। মালেমগী শেন-থুমদা য়াম্না চাউনা শোকহল্লে।

মহাক্না মখা তানা হায়খি হৌজিক মালেম্না হকশেলগী মরুওইবা অদু খঙলে অমসুং লৌনগনবা অমসুং লৌনগনদবা লায়নাশিংনা থোকহল্লিবা খুদোংচাদবশিং লাকশিন্না লৈবাকশিংগী মরক্তা পুন্না থবক তৌমিন্নবা মরুওই । মালেম অসি অমতা ওইরক্লবা মতম অসিদা, লৈবাকশিংগী মরক্তা ঙমখৈশিং নাখৈ শেংনা লৈতবদগী লায়নাশিং শন্দোরকপা অসি অচৌবা শিংনবা অমা ওইরে।

মহাক্না হায়খি লৌনগনবা অমসুং লৌনগনদবা লায়নাশিংনা থেংননবা দবল্যু.ঐচ.ওগী মেম্বর লৈবাকশিংগী মরক্তা হান্নদগী হেন্না মতেং পাংনগদবনি। লাইচৎ অসিগী মতুংদা লাকপা অনৌবা শিংনবশিং থেংননবা অনৌবা লম্বীশিং পুথোকপা দরকার ওই। অনৌবা শিংনরকপশিং মতম চানা, মতিক চানা অমসুং মালেমগী অপুনবা ওইনা থেংননবা ঐখোয় পুন্না থবক তৌমিন্নবা মথৌ তাই।

দোক্তর হর্শ বর্ধন্না মখা তারকপদা মীফম অদু দবল্যু.ঐচ.ওগী দিরেক্তর জেনেরেল, দোক্তর তেদ্রোস গেব্রেয়েসসতা মহাক্কী ৱারোল পীনবা শীন্নখি অমসুং অতৈ শরুক য়াখিবশিং মখোয়গী ৱারোল পীনবা মতম পীখি।

****