ঙাকশেল মন্ত্রালয়
এয়র মার্শল বি. সুরেশ পি.ভি.এস.এম. এ.ভি.এস.এম. ভি.এম. এ.দি.সি.
এয়র ওফিসর কম্মান্দিং-ইন-চীফ, দব্ল্যু.এ.সি.আই.এ.এফ. থবক্তগী পোথাদুনা পেন্সন চৎলগনি
Posted On:
31 JUL 2020 4:32PM by PIB Imphal
এয়র মার্শল বি. সুরেশ পি.ভি.এস.এম. এ.ভি.এস.এম. ভি.এম. এ.দি.সি. এয়র ওফিসর কম্মান্দিং-ইন-চীফ, ৱেস্তর্ন এয়র কম্মান্দ, ইন্দিয়ন এয়র ফোর্স চহী ৪০ হেন্না মশক থোক্না থবক তৌরম্লবা মতুং জুলাই ৩১, ২০২০দা থবক্তগী পোথারগনি।
এয়র মার্শল অসি ইন্দিয়ন এয়র ফোর্স্তা ইং ১৯৮০দা ফাইতর পাইলৎ অমা ওইনা থবক চঙখিবনি। রাস্ত্রিয়া ইন্দিয়ন মিলিতরী কোলেজ, দেহরাদুন অমসুং নেসনেল দিফেন্স একাদেমী, খাদাকভাস্লাগী এলুমনাই অসি তেক্তিক্স অমসুং এয়র কোম্বেৎ দিবেলপমেন্ত ইস্তাব্লিশমেন্ততগী 'সোর্দ ওব ওনর' ফংলবা এয়র মার্শল অমনি। এয়র ওফিসর অসিনা দিফেন্স সর্বিসীস স্তাফ কোলেজ, ৱেলিংতন অমসুং ক্রেনফিল্দ য়ুনিবর্সিতী, শ্রীবেনহম, য়ু.কে.দগী পোস্ত গ্রেজুএৎ তৌরকখি।
এয়র মার্শল সুরেশ নীংথীনা খঙ হৈরবা ফাইতর পাইলৎ অমনি অমসুং এয়রক্রাফ মখল কয়া মহাক্না পাইখ্রে। মহাক্কী মশক থোক্না থবক তৌরিঙৈ মতমদা, এয়র মার্শল অসিনা মশক নাইরবা কম্মান্দ অমসুং স্তাফকী ফম কয়া পায়রমখি। কার্গিলগী চয়েৎনবা ইরাং থোক্লিঙৈ মতমদা মহাক্না শমুদ্রগী ওইবা অমসুং নুমিদাংগী মতমদা নোংথক্তগী লান্দাবদা হৈথোই শিংথোইরবা ফাইতর স্ক্বাদ্রোন অমা কম্মান্দ তৌখি অমসুং নোংচুপ থংবা ঙমখৈগী ময়াদা থাখি। ত্রাই সর্বিস কোওর্দিনেসনগী থৌদাং পুরিবা দিরেক্তর ওপরেসন (জোইন্ত প্লানিং)গী ফম পায়দ্রিঙৈদা মহাক্না তেক্তিক্স অমসুং এয়র কোম্বেৎ দিবেলপমেন্ত ইস্তাব্লিশমেন্ততা কম্মান্দ ওইরম্মি। এয়র মার্শল অসিনা আই.এ.এফ.কী খ্বাইদগী চাউবা এয়র বেজগী মনুংদা অমা ওইরিবা নোংচুপ থংবা সেক্তরদা এয়র কোমুদোর ওইনা থৌ পুরম্মি। মহাক চীফ ওব এয়র স্তাফতা এয়র এসিস্তেন্তসু ওইরম্মি। এয়র ভাইস মার্শল অমা ওইনা মহাক্না চহী মরিরোম মরুওইবা এপোইন্তেদ চীফ ওব এয়র স্তাফ ওইনা লৈরম্মি অমসুং মসিগী মতুংদা ত্রাই সর্বিস জোইন্ত ওপরেসন কম্মিতী (জোকোম)গী এয়র ফোর্স্কী মীহুৎ ওইরম্মি।
এয়র ফোর্সকী মনুংদা লাল্লোং শিনবদা হৈ শিংবা অমনি হায়না পাক শন্না থাগৎনরদুনা, মহাকপু য়ুনাইতেদ স্তেৎ এয়র ফোর্স্কা লোইননা চহী ৪০রোমগী মতুংদা অহানবা ওইনা পাঙথোকখিবা লৈবাক অনীগী ইন্তর্নেসনেল এক্সর্সাইজ, এক্সর্সাইজ কোপ ইন্দিয়া ২০০৪গী মনুংদা আই.এ.এফ.না ফজবা পার্ফোর্মেন্স পীখিবদু মহাক্কী মপান্ননি হায়না শিংথানরি। মহাকপু এ.আই.এফ.না মশক থোক্না উৎখিবা অহানবা ওইনা পাংথোকখিবা রিপব্লিক ওব সিঙ্গাপোর এয়র ফোর্সকা লোইননা পাঙথোকপা লৈবাক অনীগী এক্সরসাইস্তসু অমুক্কা হন্না 'এক্সর্সাইজ দিরেক্তর' হাপখি। আই.এ.এফ.পু মালেমগী থাক্তা লান্দা হৈশিংলবা ফোর্স অমা ওইনা মশক তাক্নবা হোৎনবদা এয়র ওফিসর অসিনা লৌখিবা থৌদাংশিংবু মশক খঙবীবা ওইনা মহাকপু আতি বিশিস্ত সেবা মেদল (এ.ভি.এস.এম.) হায়বা রাস্ত্রপতীগী মনা পীদুনা শক্তাকখি। মহাক্না গ্রুপ কেপ্তেন ওইনা রাস্ত্রপতীগী মনা অসি লৌখিবা খ্বাইদগী নৌবা অহানবা মীশক অমনি।
২০১৪দা এয়র মার্শলগী ফম কারবা মতুংদা মহাকপু ৱেস্তর্ন এয়র কম্মান্দগী সেনিয়র এয়র স্তাফ ওফিসর (সাসো) ওইনা হাপতুনা কম্মান্দ অসিনা মরী লৈনবা কম্মান্দ অহুম – নোর্দন কম্মান্দ, ৱেস্তর্ন কম্মান্দ অমসুং সাউথ ৱেস্তর্ন কম্মান্দগা পুন্না মপাঙ্গল হেনগৎহন্দুনা ওপরেসন অমসুং লান্দা শেম শাবগী চাংদা কা হেন্না মপাঙ্গল হেনগৎহনখি। এয়র হেদক্বার্তরদা এয়র ওফিসর-ইন-চার্জ (এ.ও.পি.) ওইনা থৌ পুরিঙৈ মতমদা মহাক্কী ৱারেপ অমসুং মাংজৌননা উবা ঙম্বশিং অদু য়াম্না মরুওইবা অমা ওইখি। মথংশিৎনা ওফিসর অমসুং এয়রমেনগী থবক লৌনবগী পরিখা এয়র ফোর্স কম্মন এদমিসন তেস্ত (এ.এফ.সি.এ.তি.) অমসুং সেদ্যুল্দ তেস্ত ফোর এয়রমেন রিক্রুৎমেন্ত (স্তার)বু ওনলাইন ওইনা পাঙথোক্নবা হোৎনখিবদা অচৌবা থৌদাং লৌখি।
এয়র মার্শল অসি মহাকপু ৱেস্তর্ন এয়র কম্মান্দগী এয়র ওফিসর কম্মান্দিং-ইন-চীফকী ফম পুদ্রিঙৈদা সাদর্ন এয়র কম্মান্দগী এয়র ওফিসর কম্মান্দিং-ইন-চীফ ওইরম্মি। মহাক্কী লুচিং মখাদা সাদর্ন এয়র কম্মান্দ অসি থবক পাঙবা ঙম্বা অমসুং মথৌ পাঙথোকপগী চাং ফগৎলক্লম্মি। ২০১৮দা থোকখিবা কেরলাগী ঈচাউগী মতমদা পায়খৎখিবা 'হ্যুমেনিতরিয়ান এসেস্তেন্স অমসুং দিজাস্তর রিলীফ (ঐচ.এ.দি.আর.)গী থৌরাংশিং অদু মহাক্কী লুচিং মখাদা সাদর্ন এয়র কম্মান্দনা পায়খৎখিবনি। হায়রিবসি পুৱারীদা আই.এ.এফ.না লৌখৎখিবা ঐচ.এ.দি.আর.গী থবকশিংগী মনুংদা খ্বাইদগী চাউবা থৌদাং অমনি।
মহাক্না এ.ও.সি.-ইন-চীফ ওইনা ৱেস্তর্ন এয়র কম্মান্দদা থৌ পুরিঙৈ মতমদা, মহাক্না ওপরেসনেল অমসুং সেক্যুরিতীগী শেম শাবগী থবকশিং থাক ৱাংনা থাংগৎলম্মি অমসুং মহাক্না রাফেল ফাইতরবু আই.এ.এফ.তা হৌনবী মতুং ইন্না হাপচিন্নবগী য়ুম্বী খিনবীরম্মি। আই.এ.এফ.কী চিনুক হেভী-লিফ হেলিকোপ্তর অমসুং অপাচি এতেক হেলিকোপ্তরবু অয়ুক অমসুং নুমিদাং ওপরেসন তৌনবগী থবক পায়খৎপদা অচৌবা থৌদাং লৌরম্মি। শম্না পল্লবদা লদ্দাখতা লৈরিবা এয়রফিল্দ অসিদা নুমিদাংগী ফাইতর ওপরেসন হৌদোক্তুনা আই.এ.এফ.কী শক্তিদা ২৪X৭ হাপচিন্দুনা মপাঙ্গল কনখৎহল্লম্মি।
এয়র মার্শল অসি মহাক্না লৈবাক অসিগীদমক তৌরম্বা মশক থোক্লবা থবকশিং অমসুং মথৌদা কত্থোকপা কয়াগীদমক বায়ু সেনা মেদল, আতি বিশিস্ত সেবা মেদল অমসুং পরম বিশিস্ত সেবা মেদলগী মনাশিং ফংলবা শক্নাইরবা ওফিসর অমনি। মহাকপু ইকাইখুম্নজরবা ভারতকী রাস্ত্রপতীগী মফমদা ওনররি ওইনা এদ-দি-কেম্পগী ফম পায়রম্মি।
***
(Release ID: 1642687)
Visitor Counter : 145