লৈবাক অসিগী ইনক্যুবেতর ইকোসিস্তেম অসি পুক্নিং থৌগৎনবা অমদি অশেংবা মওংদা খুমাং চাওশিলহন্নবা পায়খৎপা অচৌবা খোংথাং অমদা নিতী অয়োগকী অতল ইনোভেসন মিশন(এ.আই.এম.)না ইনক্যুবেতর ইকোসিসিস্তেম খংফ-ফগৎহন্নবা চাওনা থবক পাংথোকপা ঙম্বা স্তার্ত অপশিং শেম্বদা পান্দম অমগীদমক হেনগৎহনবা ঙম্বা থৌরাং অমা ওইরিবা এ.আই.এম.-আই.ক্রেস্ত  হৌদোকখ্রে। মসি ভারত্তা ইনৌ নৌনা থবক পায়খৎপদা চাওনা খুমাং চাওশিলহনবা ঙম্বা অহানবা ওইনা পায়খৎপা থৌরাংনি।

এ.আই.এম.না ইন্তরপ্রিন্যুর্শিপ অমসুং ইনৌ-নৌনা থবক পায়খৎপগী মফম অমগী থাজনিংঙাই ওইনা ঙাক্লৌ পীদুনা অমসুং থোইদোক-হেন্দোকপা মওংদা ওইহনবা ঙম্বা ওর্গানাইজেসন ওইরিবা বিল অমসুং মেলিন্দা গেত্স ফাউন্দেসন  অমসুং ৱাধৱানী ফাউন্দেসনগা খুৎশম্নখ্রে। মসিগী খুৎশম্নবা অসিনা এ.আই.এম.গী ইনক্যুবেতর নেতৱর্ক অসিদা মালেমদা থোইদোক-হেন্দোক্না থবক পাংথোকহনবা অমদি উত্তুনা য়ারবা খ্বাইদগী অফবা থবকশিং পাংথোকপা ফংহল্লগনি। 

এ.আই.এম.-আই.ক্রেস্ত হায়রিবা মমিং অসিদগী খংবা ঙম্মি মদুদি ইনক্যুবেসন ইকোসিস্তেম অসি মঙম হাপ্নবা অমসুং লৈবাক শিন-থুংনা এ.আই.এম.গী অতল অমসুং শেমগৎখিবা ইনক্যুবেতরশিং অসি থবক পাংবা ঙমহন্নবা মশক-মওং অসি শেমখিবনি। থৌরাং অসিগী মখাদা এ.আই.এম.গী ইনক্যুবেতরশিং অসি থাক ৱাংখৎহন্নবগীদমক্তা শেমখিবনি অমসুং ইনক্যুবেসন ইন্তর্প্রাইজ ইকোনোমী অসি খুমাং চাওশিলহন্নবগীদমক্তা মখোয়গী থবক পাংথোকপগী মওং অদু অখন্নবা মওংদা উৎপদা মঙম হাপ্পা ঙমহনগদবা মথৌ তাবা মতেংশিং পাংখ্রে। মসিগী তেক্নোলোজীনা থবক পাংথোকহনবগী থবক-থৌওংশিং অমসুং প্লেৎফোর্মশিং অসিদগী ইন্তরপ্রিন্যুরশিংদা ত্রেনিং পীবদা হেন্না মপুং ফাহনগনি।

থৌরাং অসি ইনক্যুবেতর কেপাসিতী শেম্বগী হেন্না থবক পাংথোকপদসু পান্দম থম্লি। হৌজিক থোক্লিবা তমথিরবা লায়চৎ অসি য়েংলগা স্তার্ত-অপ ইন্তরপ্রিন্যুরশিংদা ৱাখল-লৌশিং লৈহন্নবা অমসুং শন্দোকপদা মীৎয়েং থম্বগা লোয়ন-লোয়ননা মপাঙ্গল কনখৎহনগনি অমসুং নিংথিনা মতৌ তৌবা নেতৱর্কশিং ফগৎহনবদা ৱাখল চিংশিনগনি।

নিতী আয়োগকী সি.ই.ও. অমিতাব কান্তনা মহাক্কী ৱাখল্লোনশিং ফোংদোক্লদুনা হায়খি, , “ভারতকী স্তার্ত অপ ইকোসিস্তেম অসি শেংনা মালেমগী থাক্কী ইহৌদা চংশিনগনি হায়বসি চেৎনা থাজৈ। নিতী আয়োগনা মসি ওইহনবদা হেন্না মথৌ হাপকৎপগী থৌদাং লৌগনি। লৈবাক অসিগী মনুংদা লৈরিবা শিংনবশিং অসিগীদমক্তা কায়গনবা পাম্বৈশিং শেম্লদুনা মালেমগী কৈথেলদা মফম কন্ননবগীদমক্তা ভারতকীদা ইনৌ-নৌবা ৱাখল্লোন থম্নবগী খুদোংচাবা অমা লৈরে।  আত্মনির্ভর ইকোসিস্তেম অমা ওইহনবদা খুদোংচাহন্নবা অসিগুম্বা কায়গনবা স্তার্ত অপশিং, এ.আই.এম., নিতী আয়োগ অসি ফগৎহনবা ঙম্নবা  বিল অমসুং মেলিন্দা গেত্স ফাউন্দেসন  অমসুং ৱাধৱানী ফাউন্দেসনগা খুৎশম্নবা ঙমহল্লি। মসিনা #মালেমগী থাক্কী ইনক্যুবেতরশিং ওইহনবা অমসুং খ্বাইদগী অৱাংবা থাক্তা য়ৌবা ঙমহন্নবা ঐখোয়গী পোর্তফোলিও অসি খংহেন হেনগৎহনগনি হায়বগী অফবা ৱাখল্লোন থম্লি।”

এ.আই.এম.গী মিশন দিরেক্তর রমানন রমানাথন্না মহাক্কী ৱাখল্লোন অদু থম্লদুনা হায়খি, “ভারত অসিগী ওইনা ঐখোয়গী লৈবাক অসিগী খ্বাইদগী অফবা ইনৌ-নৌবা থবকশিং পাংথোক্নবগী হৈথোই-শিংথোইবা অদু হেনগৎহন্নবা মালেমগী থাক্কী ইনক্যুবেতরশিংগী মথৌ তাই। সরাকার অসিনা খ্বাইদগী অহানবা ওইনা ইনক্যুবেতর শেমগৎপগী থৌরাং অসিগী মতেং ফংখ্রবা অতল ইনক্যুবেতরশিংগী পোর্তফোলিওশিংগী মনুংদা য়ৌহনখ্রে। মসিগী থৌরাং অসি মাগী মশক-মওংদসু তোপ-তোপ্পি-ইনক্যুবেসনগী লমদা ইন্তরেক্তিব ওইবা থবক পাংথোকপশিং পুনশিন্নবনি; ইনক্যুবেতরশিং অসি মতম পুম্নমক্কী ওইনা অমসুং মায় পাক্লবা স্তার্ত-অপশিং শৌগৎপা ঙমহল্লি।এন.ই.এন.না শৌগৎপা বিল অমসুং মেলিন্দা গেত্স ফাউন্দেসন  অমসুং ৱাধৱানী ফাউন্দেসনগা খুৎশম্নবা অসি লাওথোকপদা হরাওবা ফোংদোকচরি।”

বিল অমসুং মেলিন্দা গেত্স ফাউন্দেসনগী দিপুতী দিরেক্তর অঞ্জনি বন্সলনা হায়খি, “লাপ্না শাফু পীবা ঙমগদবা খুদোংচাবশিং ফহন্নবা ইনৌভেসনশিং শেমগৎপা ঙম্নবা অমদি থাক হেনগৎনবা ইকোসিস্তেম শেমগৎনবা অতল ইনোভেসন মিশন অমসুং নিতী আয়োগকী থৌরাং অসি শৌগৎপদা অদুক্কী মতিক নুংঙাইবা ফাওই। মমা অমসুং মচাগী হকচাং ফগৎহন্নবা, লৌমী মচাশিংগী পোত্থোক অমসুং চাগা হেনগৎহন্নবা, দিজিতেল ফাইনান্সিএল সর্ভিসশিং য়ৌহন্নবা অমসুং শিজিন্নবদা কাখৎহন্নবা অমসুং নুপীশিংগী পুন্সি মহিং ফগৎহন্নবগী পান্দমদা তেক্নোলোজীশিং অমসুং লল্লোন-ইতিক্কী মওংদা তৌরিবা অসিগুম্বা ইনোভেসনশিং অসিনা হেনগৎহনবগী মওংদা অমদি মরু ফংবা মওং অনিমক্তা শরুক য়াবা ঙম্মি। এ.আই.এম.-আই.ক্রেস্তকী থৌরাং অসিগী মখাদা লৈরিবা অচৌবা নেতৱর্ক অসিনা মসিগী থৌরাং অসি অচৌবা মওংদা ফংহনবদা তাংদাংবা মওংদা লাংতক্নিংঙাই ওই।”

ৱাধৱানী ফাউন্দেসনগী সি.ই.ও.গী অধ্যক্ষ অজয় কেলানা ফোংদোকখি, “ভারত্তা স্তার্ত অপ অসি মায় পাক্না পাংথোকপদা য়েংশিনবা হেনগৎহনগদবা অমসুং চাওখৎহনবদা মতেং ওইগদবা অতল ইনোভেসন মিশন(অ.আই.এম.) অমসুং বিল অমসুং মেলিন্দা ফাউন্দেসনগা খুৎশম্নবদা ইকাই খুম্নবিখ্রে। খুৎশম্নবা অসিনা এ.আই.এম.-আই.ক্রেস্তগী য়ৌহন্নবগীদমক্তা অচৌবা প্লেতফোর্মদা পুনশিন্নরক্লবা চহি কয়াগী থেংনরক্লবা অমসুং মালেমগী খ্বাইদগী অথোইবা থবক পাংথোকপশিং অসি পুরক্লি।”

ৱাধৱানী ফাউন্দেসনগী মকোক থোংবা এদভাইজর অমসুং আই.ক্রেস্তকী লুচিংবা ত্রেনর দেন ক্রেঞ্জলরনা হায়খি,  “আই.ক্রেস্তকী, ৱাধৱানী ফাউন্দেসনগী কাংবুশিংনা অমসুং ভারতকী মকোক থোংবা ইনক্যুবেতরশিংনা শেন্মিৎলোন হেনগৎনবা তৌবদা অমদি থবক হাপকৎনবা তৌবদা খুমাং চাওশিনবা আওতকম পুথোরক্নবা পুন্না থবক পাংথোকমিন্নবা অসিদা ঐখোয় পুম্বা নুংঙাই। কোবিদকী অথিংবা কয়া অসিগী মরক্তা থৌরাং অসি লেপ্তনা অরেপ্পা মওং অমদা থবক পাংথোকহন্নবগীদমক্তা মালেমগী ইনক্যুবেতর ২০০দগী হেনবা কন্তেন্ত, প্রোগ্রামশিং, তুলকীৎশিং, রিসোর্সশিং অমসুং খ্বাইদগী অফবা থবক পাংথোকমিন্নবগী মওংদা অথোইবা মওংদা থবক তৌই।”

****