সাইন্স অমসুং তেক্নোলোজী, আর্থ সাইন্সেস অমসুং হকশেল অমসুং য়াইফ য়ুম্বালগী মন্ত্রী, দা. হর্শ বর্ধন্না লাউথোকখ্রে মদুদি দি.বি.তি. অমসুং সি.এস.আই.আর.না সার্স-কোব-২ ভাইরেল জিনোম ১০০০ হেন্না সিক্বেন্স তৌদুনা লৈবাক অসিগী অচৌবা মায় পাকপা ওইখ্রে। “মসিনা হৌজিক লৈরিবা স্ত্রেনশিং অমসুং ভারত্তা মসিগী ম্যুতেসন স্পেক্তর্ম অসি হেন্না খঙবদা মতেং পাংগনি, মসিনা দাইগনোস্তিকশিং, দ্রগশিং অমসুং ভেক্সিনশিংদা মতেং পাংগনি।”হায়না মহাক্না ফোঙদোকখি।

  দা. হর্শ বর্ধন্না .এস.আই.আর.না দিবেলপ তৌবা কোবিদ-১৯গী তেক্নোলোজীগী কম্পেন্দিয়ম অমা অমসুং প্রদক্তশিং ফোঙবগী ঙসি পাঙথোকপা থৌরম অমদা ৱা ঙাংখি। কম্পেন্দিয়ম অসিদা তেক্নোলোজী ১০০ হেন্না লোয়ননা দাইগনোস্তিকশিংদগী দ্রগশিং মসিদগী ভেন্তিলেতরশিং অমসুং পি.পি.ই.শিং য়াওনা মখল কয়াগী তেক্নোলোজীশিং অমসুং প্রদক্তশিং, ইন্দস্ত্রী পার্তনর ৯৩গী লিস্ত য়াওরি লোয়ননা মসিগী তেক্নোলোজী অসিগী ৬০গী মথক্তা ইন্দস্ত্রীদা ত্রান্সফর তৌখ্রে।

“অতেনবা মতমদা তেক্নোলোজীশিং অমসুং প্রদক্তশিং দিবেলপ তৌবা ঙমখিবা অসিনা সি.এস.আই.আর.গী সাইন্তিস্তশিংনা তৌবা ঙম্বশিং অদুগী খুদম অমা ওইরে অমসুং মখোয়না য়াম্না অৱাবা তারিবা মতমদসু পাঙথোকপা ঙম্মি” হায়বা অদু উবা ফংলি হায়না দা. হর্শ বর্ধন্না ফোঙদোকখি। খুদোংথিবা ফীভম অসিগী অতেনবা মতমগী মনুংদা সি.এস.আই.আর.গী সাইন্তিস্তশিং, মহৈরোয়শিং অমসুং স্তাফনা তেক্নোলোজীশিং অমসুং প্রদক্তশিং দিবেলপ তৌনবা হোৎনরিবশিং অসিবু মহাক্না থাগৎখি। মহাক্না হায় মদুদি “সি.এস.আই.আর.না পুথোক্লিবা কম্পেন্দিয়ন অসিনা তেক্নোলোজীশিং অমসুং প্রদক্তশিং মফম অমদা পুন্না য়াওহল্লি অমসুং কোবিদ-১৯গী লায়েংনবা পাম্বৈ থিরিবা ইন্দস্ত্রীশিং অমসুং অতোপ্পা এজেন্সীশিংনা মসিবু লাইনা ফংহনবদা মতেং ওইরগনি।”

মহাক্না অপেনবা পোক্লদুনা মন্ত্রীনা হায়, “তেস্ত তৌবগী চাং হেনগৎহনবদগী অফবা দাইগনোস্তিকশিং পুথোকপা অমসুং অহোংবা কান্নরবা দ্রগশিং অনাবা মীওইশিংদা ফংহন্নবা ইন্দস্ত্রীগা পুন্না হোৎন্দুনা শাবা য়াওনা তোঙান তোঙানবা লমশিংদা ভারতনা কোবিদ-১৯ লান্থেংনবদা সি.এস.আই.আর.না চাউনা মতেং পাংলি”। “মখা তানা লায়চৎ অসি হৌরকপদা অৱাৎ লৈরম্বা ভেন্তিলেতরশিং অমসুং পি.পি.ই.গুম্বা হোস্পতালগী এসিস্তিব দিবাইজ কয়া সি.এস.আই.আর.না পুথোকখ্রে”, হায়না মহাক্না হায়খি অমসুং মখা তারদুনা হায় “হৌজিক্তি সি.এস.আই.আর.না তেক্নোলোজীশিং, প্রদক্তশিং অমসুং কোবিদ-১৯ লায়চৎ অসি লাকশিন্নবগী মতাংদা কম্পেন্দিয়ম অমা শেমখ্রে।”

সিপ্লাগুম্বা ইন্দস্ত্রীগা লোয়ননা চুংশিন্নদুনা সি.এস.আই.আর.না কোবিদ-১৯ নারিবা মীওইশিং অসি ফেবিপিরাবিরগুম্বা কান্নরবা দ্রগশিং শীজিন্ননবা পুথোকপদা লৌরিবা থৌদাং অসি দা. হর্শ বর্ধন্না থাগৎখি। মহাক্না হায় অসিগুম্বা খোঙথাং অসিনা দ্রগশিং অসি হোংনা ফংহন্দুা কোবিদ-১৯ নারিবশিংদা কান্নবা ওইরগনি। “ঐখোয়দা ফংজবা কেমিকেলশিং শীজিন্নদুনা ফেবিইরাবিরগী এক্তিব ফার্মাকোতিকেল ইনগ্রিদেন্ত (এ.পি.আই.)গী শেল চংদবা সিন্থেতিক প্রোসেস তেক্নোলোজী সি.এস.আই.আর.-আই.আই.সি.তি. অমা দিবেলপ তৌখ্রে অমসুং তেক্নোলোজী অসি সিপ্লাদা ত্রান্সফর তৌদুনা তেক্নোলোজী অসিদা য়ুম্ফম ওইবা দ্রগ শাদুনা মশিং য়াম্না পুথোকখ্রে”, হায়না মহাক্না হায়খি।

এবিএসনগী লমদা থোইদোক্না খঙহৈরবা সি.এস.আই.আর.-এন.এ.এল.না শিংনবগা লোয়ননা নুমিৎ ৩৬নিগী অতেনবা মতমদা নন-ইন্বেসিব বিপাপ ভেন্তিলেতর ওইরিবা স্বাস্থভায়ু অসি পুথোকখিবা অসিসু মন্ত্রীনা পাওদমখি। দা. হর্শ বর্ধন্না হায় সাইন্সকী লমদা লৈরিবশিংনা পুনশিন্দুনা মতাং অসিদা মথৌ তারিবা অনৌবা ইন্নোবেসনশিং, তেক্নোলোজীশিং অমসুং প্রদক্তশিং দিবেলপ তৌগদবনি মরমদি লায়চৎ অসিদগী ঐখোয়বু কনবা ঙমগদবা অসি সাইন্স অমসুং তেক্নোলোজী খক্তনা ওইগনি অমসুং মখোয়না ‘অত্মা নির্ভার ভারত’কী আশা অসি থুংহনবা ঙমগনি। মহাক্না হায় সি.এস.আই.আর.না লৌমীশিংবু সপ্লাই চেন অমসুং ফ্রাইদ ত্রান্সপোর্তেসন মেনেজমেন্ত সিস্তেমগী অমতা ঙাইরবা পাম্বৈ ওইরিবা কিসান সভা দিবেলপ তৌখি অমসুং হৌজিক ফাওবদা ৬০,০০০ হেন্না দাউনলোদ তৌখিবগী রিপোর্ত তৌরক্লি। মসি রিজনেলগী লোলশিংদসু ফংহল্লি অমদি লৌমীশিং অমসুং মন্দিসকা নকশিন্নহল্লি।

দি.জি. সি.এস.আই.আর. ওইরিবা দা. শেখর সি. মন্দেনা হায় সি.এস.আই.আর.না তাতা সন্স, রিলাইন্স ইন্দস্ত্রীসগুম্বা অচৌবা ইন্দস্ত্রীশিং খক নত্তনা ভেল, বেল অমসুং এম.এস.এম.ই.শিংগুম্বা পি.এস.য়ু,শিংগসু পুনশিন্নদুনা তেক্নোলোজীশিং অমসুং প্রদক্তশিং ঙন্না পুথোক্নবা হোৎনরি। মখা তারদুনা মহাক্না হায় সি.এস.আই.আর.না কোবিদ-১৯ পোর্তেল অমা দিবেলপ তৌখ্রে মসিনা য়ুজরশিংদা অরাইবা ফোর্মেৎ অমদা তেক্নোলোজীশিং অসি থিবা য়াগল্লি। 

সি.এস.আই.আর.গী জোইন্ত সেক্রেতরী, শ্রী বাইদেশ্বরন; সি.এস.আই.আর.গী ফাইনান্সিএল এদবাইজর, কুমরি সুমিতা সরকার; ঐচ.আর.দি.জি. অমসুং আর.এ.বি.গী হেদ, শ্রী চক্রবোর্তী; সেন্ত্রেল প্লানিং দিবিজনগী হেদ, শ্রী বেঙ্কতা সুব্রমনিয়ম; ইন্নোবেসন মেনেজমেন্ত দিরেক্তোরেৎকী হেদ, শ্রী আর.পি. সিংহ; সাইন্স কম্ম্যুনিকেসন এন্দ দিসিমিনেসন দিরেক্তোরেৎকী হেদ, দা. গীতা বানু রয়াসম; সিনিয়র প্রিন্সিপল সাইন্তিস্ত, শ্রী জি. মহেশ মখোয়না থৌরম অসিদা শরুক য়াখি অমরোমদা লৈবাক অসিগী তোঙান তোঙানবা শরুকশিংদগী অতোপ্পা মকোক থোংবা ওফিসিএলশিং অমসুং সি.এস.আই.আর.গী সাইন্তিস্তশিংনা ভিদিও লিঙ্ককী ভর্চ্যুএল নেৎৱার্ককী থোংদা থৌরম অসিদা য়াওখি।

*সি.এস.আই.আর. কম্পেন্দিয়মগী অকুপ্পা ৱারোলগীদমক মসিদা নম্বীয়ু।

**********