হ্যুমেন রিসোর্স চাউখৎ-থৌরাংগী মন্ত্রালয়

নেসনেল এজুকেসন পোলিসী ২০২০ অসিনা লৈবাক অসিগী স্কুল অমসুং হাইয়র এজুকেসন সিস্তেমদা অহোংবা শেমদোক শাদোকপা অমা পুরক্লগনি – ঐচ.আর.দি. মন্ত্রী

এন.ই.পি. অসি লৈবাক অসিদা খ্বাইদগী পাক চাউনা খন্ন-নৈনবা অমদি তাথোক তাশিন তৌনবগী থৌওং অমগী ফল ওইরে – শ্রী রমেশ পোখ্রিয়াল 'নিশাঙ্ক'

এন.ই.পি. ২০২০ অসি লৈবাক অসিগী মহৈগী ওইবা পুৱারীদা খ্বাইদগী মপুং ফাবা, রাদিকেল ওইবা অমসুং তুংগী য়েংদুনা শেম্বা পোসিলী দোক্যুমেন্ত অমনি – শ্রী সঞ্জয় ধোত্রে

Posted On: 29 JUL 2020 8:40PM by PIB Imphal

কেন্দ্রগী হ্যুমেন রিসোর্স দিবেলপমেন্ত মন্ত্রী শ্রী রমেশ পোখ্রিয়াল 'নিশাঙ্ক'না হায়খ্রে মদুদি নেসনেল এজুকেসন পোলিসী ২০২০ অসিনা লৈবাক অসিগী স্কুল অমসুং হাইয়র এজুকেসন সিস্তেমদা অহোংবা শেমদোক শাদোকপা অমা পুরক্লগনি। দিল্লীদা মন্ত্রী মন্দল মীফম্না ঙসিগী অঙনবা শরুক্তা অনৌবা এজুকেসন পোলিসী ২০২০ অয়াবা পীখিবগী মতুংদা মীদিয়াদা ৱা ঙাংলদুনা ঐচ.আর.দি. মন্ত্রীনা হায়খি মদুদি এন.ই.পি. অসি লৈবাক অসিদা খ্বাইদগী পাক চাউনা খন্ন-নৈনবা অমদি তাথোক তাশিন তৌনবগী থৌওং অমগী ফলনি। কেন্দ্রগী মন্ত্রী মখা তানা হায়খি, দ্রাফ অসি মীয়ামগী মোৎ তানবগীদমক পব্লিক দোমেন্দা লৈরিঙৈ মতমদা সজেসন লাখ ২.২৫ কী মথক্তা লাকখি।

প্রধান মন্ত্রী শ্রী নরেন্দ্র মোদী অমসুং মন্ত্রী মন্দলশিংবু নেসনেল এজুকেসন পোলসী ২০২০বু অয়াবা পীবীখিবগীদমক ইকাই খুম্নবা ফোংদোক্লদুনা শ্রী রমেশ পোখ্রিয়াল 'নিশাঙ্ক'না হায়খি মদুদি হায়রিবা পোলিসী অসিনা ভারত্তা হেক চৎনবা হৌবগা লোইননা ভারত অসি ৱাখল লৌশিংগী সেন্তর অমা ওইবগা লোইননা মালেমগী মহৈগী লমথুংফম অমা ওইরগনি।

শ্রী নিশাঙ্কনা হায়খি মদুদি হায়রিবা নেসনেল এজুকেসন পোলিসী ২০২০ অসিনা অনৌবা ভারত অমা শাগৎপদা অচৌবা থৌদাং অমা লৌরগনি। কেন্দ্রগী মন্ত্রীনা মহৈরোই, ওজা, মমা-মপা ঐবশিং অমসুং স্তেকহোল্দর খুদিংমকপু অনৌবা এজুকেসন পোলিসী অসিগীদমক থাগৎপা ফোংদোকখি অমসুং মসিবু লৈবাক অসিগী পুৱারীদা হক্তুনা লৈহৌরগদবা মিকুপ অমনি হায়না ফোংদোকখি। মহাকনা মখা তানা হায়খি, মদুদি মসিগী পোলিসী অসিনা স্কুল অমসুং হাইয়র এজুকেসন সেক্তরদা অচৌবা অহোংবা অমা পুরক্লগনি। মহাক্না হায়খি, এন.ই.পি. ২০২০ অসিনা ভারত পুম্বদা অফবা অর্লী চাইল্দহুদ কেয়র অমসুং এজুকেসন পীবা ঙম্লগনি। ঐখোয়না সোসিএল কেপাসিতী, সেন্সিতিবিতী, ফবা হৌন-লোনচৎ, ইথিক, অপুনবা ওইনা শুমিন্নবা অমসুং মতেং পাংনবগা লোইননা অঙাংশিংনা নুংঙাইনা লাইরিক তমজবা ফংনবগীদমক হোৎনগনি হায়না মহাক্না মখা তাখি।

মসিনা ২১শুবা চহী চাগী অহানবা এজুকেসন পোলিসী অমা ওইরি অমসুং চহী কুনথ্রামরি হেন্না লিরবা নেসনেল পোলিসী ওন এজুকেসন (এন.ই.পি.) ১৯৮৬বু মহুৎ শিল্লগনি। এক্সেস, ইক্বিতী, ক্বালিতী, এফোর্দিবিলিতী অমসুং একাউন্তেবিলিতীগী য়ুম্বীনা মখোং ওইরদুনা হায়রিবা পোলিসী অসি ২১শুবা চহী চাগী স্কুল অমসুং কোলেজপু হেন্না হোলিস্তিক ওইবা, ফ্লেক্সিবল ওইবা, মলতিদিসিপ্লিনরী ওইবা মওংদা অঙাং খুদিংমক্কী হৈশিংবশিং পুথোক্নবা শেমদোক্তুনা ভারতপু ৱাখল লৌশিং লৈরবা সমাজ অমা ওইহন্নবা অমসুং মালেমগী নোলেজ পাৱর লৈবা লৈবাক অমা ওইহন্নবগী পান্দম থমখিবা তুংকোইনা চাউখৎপা পুরক্কদবা এজেন্দা ২০৩০গসু মান্ননা চৎলি। 

ঐচ.আর.দি. মন্ত্রালয়গী এম.ও.এস. ওইরিবা শ্রী সঞ্জয় ধোত্রেনা মহায়খি, মদুদি এন.ই.পি. ২০২০ অসি লৈবাক অসিগী মহৈগী ওইবা পুৱারীদা খ্বাইদগী মপুং ফাবা, রাদিকেল ওইবা অমসুং তুংগী য়েংদুনা শেম্বা পোসিলী দোক্যুমেন্ত অমনি। মসিনা অফবা ফল পুরক্কদবা এজুকেসনবু মীপুম খুদিংদা পীবদা অথিংবা অমত্তা থমদ্রে। হৌজিক্তি অঙাং অমগী খ্বাইদগী মরুওইবা চহী মতাং অমা ওইরিবা ৩-৫ফাওবা মখোয়বু য়েংশিন্নবা অমসুং এজুকেসন পীনবা য়াওহল্লে। মরুওইবা ৱাখল খনবা, এক্সপরিএন্সিএল, অমসুং এপ্লিকেসন্দা য়ুম্ফম ওইবা লর্নিংগী মওং মতৌ, ফ্লেক্সিবিলিতী, পুন্সিগী স্কিলশিংদা মীৎয়েং থম্বা, লেপ্পা লৈতনা রিভ্যু তৌবনা হায়রিবা পোলিসী অসিগী মরুওইবা ফিচরশিংনি। লাইরিক তম্লুদ্রবা অঙাং কোতি ২বুসু পুশিনবীরক্লগনি অমসুং স্কুল এজুকেসনবু চহী ৩দগী হৌদুনা য়ুনিবর্সেলাইজ তৌদুনা 'কনা অমত্তবু নাথৈদবা' হায়বা ফিলোসোফীদু ফংনবা হোৎনরগনি।

লাইরিক লাইশুগী ওইবা বেঙ্ক ওব ক্রেদিৎ, নেসনেল রিসর্চ ফাউন্দেসন অমসুং নেসনেল মিসন ওন ফাউন্দেসনেল লিতরেসী অমসুং ন্যুমরেসী হায়রিবশিং অসি মশক নাইবা পোলিসীশিংনি, মসিনা ঐখোয়গী মহৈগী অকোইবদা অহোংবা অমা পুরক্লগনি।

এন.ই.পি.গী মতাংদা অকুপ্পা মরোলগীদমক মফম অসিদা নম্বীয়ু

******



(Release ID: 1642367) Visitor Counter : 86