স্মার্ত গ্রিদ তেক্নোলোজীগী মতাংদা রিসর্স, ত্রেনিং অমসুং ওন্ত্রপ্রিনরশিপ ফগৎহন্নবা লৈবাক অসিগী মাংজিল য়ারিবা এন.বি.এফ.সি অমসুং পাৱর মিনিস্ত্রীগী পি.এস.য়ু অমা ওইরিবা পাৱর ফাইনান্স কোর্পোরেসন (পি.এফ.সি.)না ইন্দিয়ান ইন্সতিতুৎ ওফ কানপুরগা য়ানচে অমা খুৎয়েক পীনখ্রে। য়ানচে অসিগী মখাদা, পি.এফ.সি.না মসিগী সি.এস.আর.গী মখাদা আই.আই.তি. কানপুরদা লুপা ২,৩৮,৯৭,০০০ মতেং ওইনা পীরগনি।

পি.এফ.সি.গী একজিক্যুতিব দাইরেক্তর, আর মুরহরিনা হায়খি মদুদি য়ানচে অসিগী পান্দমদি স্মার্ত গ্রিদ তেক্নোলোজীগী মতাংদা থিজিন্নবা মচাক-মথুমশিং শেমগৎনবা আই.আই.তি কানপুরদা মতেং পাংবনি। প্রোজেক অসিগী শরুক অমা ওইনা, আই.আই.তি কানপুরনা মীওই ৯০দা স্মার্ত গ্রিদ তেক্নোলোজীগী ত্রেনিং পীগনি অমসুং খনগৎলবা মীওই ৯দা স্মার্ত গ্রিদ তেক্নোলোজী খঙহন্নবা ফেল্লোসিপ পীগনি। ফেল্লো অদু আই.আই.তি কানপুরগী স্তার্দ-অপ ইন্নোবেসন এন্দ ইনকুবেসন সেন্তরনা মতেং পাংগনি অমসুং ওন্ত্রেপ্রেনিউয়রগী থবকশিং পায়খৎনবা পুক্নিং থৌগৎকনি।

পি.এফ.সিগী চীফ জেনেরেল মেনেজর, এম প্রভাকার দাস অমসুং আই.আই.তি কানপুরগী রিছোর্স অমসুং এলুম্নিগী দিন, প্রোফেসার জয়ান্ত কুমার সিংহনা ভর্চুএল ওইনা য়ানচে অদু খুৎয়েক পীনখি।

****