এপ্রিলদগী জুন ২০২০ ফাওবদা প্রধান মন্ত্রী গরীব কল্যান অন্ন য়োজনা (পি.এম.জি.কে.ৱাই.) মায় পাক্না থবক ওইনা পাংথোকখ্রবা তুংদা ভারত সরকারনা স্কিম অসিবু জুলাইদগী নবেম্বর ২০২০ ফাওবা থা ৫ অমুক শাংদোক্নবা ৱারেপ লৌখ্রে। নেস্নেল ফুদ সেক্যুরিতী এক্ত (এন.এফ.এস.এ.) অমসুং অন্তোদয়া অন্ন য়োজনা (এ.এ.ৱাই.)গী মখাদা চনবা বেনিফিসরী কোতি ৮১দা স্কিম অসিগী মখাদা চেং/গেহু কিলো ৫ লেম্না পীরি। পি.এম.জি.কে.এ.ৱাই.-২গী ওইবা জুলাই-নবেম্বর ২০২০গী পুন্না পীগদবা অসি এল.এম.তি. ২০০.১৯ (গেহু এল.এম.তি. ৯১.৩৩ অমসুং চেং এল.এম.তি. ১০৯.৯৬)নি। রাজ্য সরকারশিং অমসুং বেনিফিশরীশিংনা মসিদা য়াম্না থৱাই য়াওবা মওং উৎলকখি। স্কিম অসি ৮/৭/২০২০দগী থাদোকপা হৌখি অমসুং বেনিফিশরীশিংদা মখা তানা পীথনবা হায়দুনা লৈবাক শিনবা থুংবগী রাজ্যশিংদা ২৭/৭/২০২০ ফাওবগী মনুংদা চেং-হৱাই এল.এম.তি. ৩৩.৪০ (গেহু এল.এম.তি. ১৩.৪২ অমসুং চেং এল.এম.তি. ১৯.৯৮) পীথখ্রে অমসুং হায়রিবা অসি জুলাই ২০২০গী পীফম থোকপগী ৮৩%নি।

পি.এম.জি.কে.এ.ৱাই.-২গী পীফম থোকপা অহেনবা এল.এম.তি. ২০০.১৯ য়াওরগা ভারত সরকারনা থা ৫ অসিদা খুন্নাইগী খুদোংথিবা নংবা য়াবা কাংলুপশিংদা পীথগদবা অসি চাউরাক্না এল.এম.তি. ৪৫৫নি। এন.এফ.এস.এ. অমসুং এ.এ.ৱাই.গী বেনিফিশরী খুদিংমক্না চেং অমসুং গেহু কিলো ৫ লেম্না ফংবগী মথক্তা হন্থবা মমলদা মখোয়গী ফংফম থোকপা চেং-হৱাইসু অদুমক ফংগনি।

থা ৫ অসিগী ওইনা লৈবাক শিনবা থুংবা মফমদা চেং-হৱাই ফংহন্নবা থৌওংগী ওইবা পাক চাউবা অমসুং অকুপ্পা থৌরাং য়াৎপগী থবকশিং ফুদ কোর্পোরেসন ওফ ইন্দিয়ানা হান্ননা পাংথোকখ্রে। হান্নদগী ফংবা চাংগী শরুক অনি থোক্না ফংহন্নবা থৌওং অসি য়াম্না চাউবা থৌওং অমা ওইগনি মরমদি হৌজিক লৈরিবা পোত্থোক থমফমশিং অসি হান্নগী মওংদা ফংহল্লম্বা পোত্থোকশিং চন্নবদা য়ুম্ফম ওইবা ঙাক্তনি। তৌবতবু এফ.সি.আই.না থবক অসিগী শেম শাবা লোয়রে অমসুং অরুবা তাঞ্জাদা থবক তৌবা ঙম্বগী মতিক অসি লোকদাউন মনুংদা উৎখ্রবনি অমসুং লোজিতিস্তিক ওইবা থবকশিংগী মতাংদা অনৌবা থবক কয়া অমা পাংথোকখ্রবনি। পীফম থোকপগী মতুং ইন্না লৈবাক্কী মফম খুদিংদা চেং-হৱাই য়ৌহন্নবা হোৎনরগনি অমসুং চানবা চিঞ্জাক পাম্বা লায়রবা মীওই অমত্তা চাক লামহল্লোই হায়বা সরকারগী পান্দম অসি মপুং ফাহল্লগনি।

এফ.সি.আই.না হদক্কী কুমসিগী পোত্থোক লৈশিনবা লোইশিনখ্রে অমসুং চেং অমসুং গেহু লৈবগী হীরমদা রেকোর্দ থমখ্রবনি। হন্দক্তা লোয়শিনখিবা লৌরোক্কী কুমদা গেহু এল.এম.তি. ৩৮৯.৭৬ অমসুং চেং এল.এম.তি. ৫০৪.৯১ লৈখ্রে। হৌজিক ওইরিবা মোন্সুনগী ফিভম অসিগী মতুং ইন্না ইং ২০২০-২১গী খরিফ কুমগী লৌরোক অসিসু য়াম্না ফবা ওইগনি হায়বগী থাজবা থম্লি।
 

****