ঙসি আয়ুশকী রাজ্য মন্ত্রী (আই.সি.) শ্রী শ্রিপদ য়েসসো নায়ক্না নই-দিল্লীগী সরিতা ভিহারদা লৈবা ওল ইন্দিয়া ইন্সতিত্যুৎ ওফ অয়ুর্বেদা (এ.আই.আই.এ.)দা লৈবা কোবিদ-১৯ হেলথ সেন্তরদা চত্তুনা য়েংশিনখ্রে। মন্ত্রীনা সেন্তর অসিদা লৈরিবা কোবিদ-১৯গী অনাবশিংবু লায়েংবগী শিন-লাংবগী ফিভমশিং য়েংশিনখি। মহাক্না মফমদুগী দাক্তরশিংগা ৱারী শান্নদুনা লৈরিবা অনাবশিংগী নীংথিনা থম্বগী ফিভমগী মতাংদা ৱাফম কয়াসু হংখি। মখোয়দগী কোবিদ-১৯ হেলথ সেন্তর অসিদা লৈরিবা ফেসিলিতীশিংগী ফীদবেক লৌখি অমসুং অয়ুর্বেদগী হিদাকশিংগী মহৈশিংগী মতাংদসু মহাক্না হংখি।

মন্ত্রীনা কোবিদ-১৯গী লায়চৎ মনুংসিদা এ.আই.আই.এ.না পীরিবা সেবাশিং অসিদা অপেনবা ফোংদোকখি। মফমসিগী কাংবু পুম্বগী মীওইশিং অসিনা অয়ুর্বেদগী পথাপকী মখাদা কোবিদ পোজিতিব ওইরবা অনাবশিংদা কেয়র পীবগী ৱাখলগী ইথিল, করিগুম্বা অমদা থৱাই য়াওবা, থৌনা অমসুং থবকশিং অসি থাগৎনিংঙাই ওই হায়না মহাক্না হায়খি। এ.আই.আই.এ.না ভারত শিনবা থুংনা লৈরিবা কোবিদ-১৯গী অনাবশিংদা মীওই অমদা মিৎয়েং চংবা অয়ুর্বেদগী হিদাক, চিঞ্জাক, য়োগ অমসুং পোত্থাবগী থৌওংশিংগী খুত্থাংদা হোলিস্তিক কেয়র পীবগী মশক থোকপা থবক পাংথোক্লি।

মন্ত্রীনা মখা তানা হায়খিবদা ইন্সতিত্যুৎ অসিদা লৈরিবা কোবিদ-১৯গী অনাবশিংনা অফবা ফীদবেক কয়া অমা পীরকপসি য়াম্না পুক্নিং থৌগৎনিংঙাই ওই হায়খি। সি.ঐচ.সি. অসিদা লৈবা অনাবা খুদিংমক্না পুন্সিবু চাউখৎপা মিৎয়েংদা য়েংলি অমসুং মখোয়দা অসিগুম্বা অওনবা অমা উবা ফংবসি য়াম্না নুংঙাইনিংঙাইনি। মসিনা মখোয়দা লায়না অসিবু মায়থিবা পীবা ঙমহনবতা নত্তনা পুন্সিগী তাঙ্কক খুদিংসু থেংনবা ঙমহল্লগনি। মহাক্না এ.আই.আই.এ.গী কাংবু পুম্ববু হোলিস্তিক অয়ুর্বেদ কেয়রগী খুত্থাংদা কোবিদ-১৯গী অনাবশিংবু লায়েংনবা হোৎনবগী মশক থোকপা থৌদাং অসিবু থাগৎপা ফোংদোকখি। ভারতকী নাৎকি পথাপ ওইরিবা অয়ুর্বেদ অসিনা লায়চৎ অসি ঙাকথোকপা অমসুং লায়েংবা ঙম্বগী মতিক য়াম্না লৈ হায়না মহাক্না মখা তানা হায়খি। সি.ঐচ.সি. অসিদা লৈরিবা অনাবা অয়াম্বদা চিঞ্জাক অমসুং য়োগগী কাংলোন য়াওবা অয়ুর্বেদনা লায়েংবগী থৌওং শিজিন্নৈ। অনাবা কয়া অমা লায়েংলিঙৈদা খুদোংথিবা য়াওদনা চাদা ১০০ হকশেল ফনা নাবা ফদুনা এস.পি.ও.২ ৯০% হেন্দুনা দিসচার্জ তৌখি। সিম্পতমদা লুশিল্লকপা য়াওবগী মওংসু অমত্তা থেংনখিদে। মফমসিদা লায়েংখিবা অনাবগী লৈখিদবগী চাং অসি হৌজিক ফাওবদা ০% ওইরি। মখোয় পুম্নমক দিসচার্জ তৌদ্রিঙৈগী মমাংদা নেগেতিব লোয়না ওইখি। কাংবু অসিগী লৌশিং অমসুং থবক থৌরমশিং অসিনা অয়ুর্বেদবু লায়চৎ অসিগা লান্থেংনবদা  হেলথ কেয়র সীস্তেমগী খ্বাইদগী মমাংদা থম্লে।

মন্ত্রীনা এ.আই.আই.এ.দা লৈবা কোবিদ-১৯গী লেম্না তেস্ত তৌফমদসু চৎখি। এ.আই.আই.এ. অসি দিল্লী সরকারনা কোবিদ-১৯ তেস্ত তৌবগী মফম (আর.তি.-পি.সি.আর. অমসুং রেপিদ এন্তিজেন তেস্তিং) অমনি হায়না লাউথোকখ্রবনি।

***