ভারতকী কেস ফেতলিতী রেৎ (সি.এফ.আর.) অসি লেপ্তনা হন্থরক্তুনা হৌজিক ২.২৫% ওইরে। মালেমগী ওইনা শীবগী চাং খ্বাইদগী নেম্বা লৈবাক অমা ওইনা ভারতনা লেপ্তনা চংশিল্লি। য়ুম খুদিংদা চত্তুনা সর্ভেশিং পাঙথোকপা, তেস্ত তৌবা কনশিনবা অমসুং অফবা স্তেন্দর্দ ক্যের এপ্রোচতা য়ুম্ফম ওইবা স্তেন্দর্দাইজ ক্লিনিকেল মেনেজমেন্ত প্রোতোকলশিং ঙাক্তুনা হোস্পিতালশিংদা পোৎলুম পীদনা লাইওং উত্তবা মীওইশিং হোম আইসোলেসন তৌহনবগা লোয়ননা মপুং ফানা লাকশিন্নবা ললোং পায়খৎপনা ঙসি মায় পাকপা ঙম্লিবনি।

কেন্দ্র সরকারগী লুচিং মখাদা রাজ্য/য়ু.ত. সরকারশিংনা লৈবাক পুম্বদা সি.এফ.আর. হন্থনবা ফীভম লুবা কেসশিংদা হেন্না মীৎয়েং চংদুনা শীবগী চাং হন্থনবা মপুং ফানা হোৎনরি অমসুং য়াম্না খুদোংথিবা মফমশিংদা ফিল্দ হেল্থ ৱার্করশিং শীজিন্নদুনা অহেনবা ক্যের ফংহল্লি। সি.এফ.আর. অসি জুনগী ময়াই চল্লকপদা ৩.৩৩% ওইরম্বদগী ঙসি ২.২৫%তা হন্থরে।

তাইয়র অহুমগী হোস্পিতালগী ইনফ্রাস্ত্রকচর চাউথোকহনবগা লোয়ননা খুদক্তা অমসুং কন্নবা মওংদা ক্লিনেকেল ত্রেৎমেন্তগী লালোং লৌখৎপা অনাবা লেপ্তনা ফগৎলকপা ঙমহল্লি। থংনা-থংননা মঙানি শুবা ওইনা ভারতনা নোংমদা ফগৎলকখিবশিংগী মশিং অসি ৩০,০০০ হেনখ্রে। কেন্দ্রগী সরকার অমসুং রাজ্য/য়ু.তি.গী সরকারশিংনা ন্যু দিল্লীগী এমসকী এক্সপর্ত তিমশিংগা লোয়ননা রাজ্যশিং/য়ু.তি.শিং লমজিং-লমতাকপীদুনা ঙান্না খঙদোক্নবা অমসুং আইসোলেসন তৌদুনা হোস্পিতালদা পুখৎলকপা কেসশিংগী মপুং ফানা ক্লিনিকেল মেনেজমেন্ত তৌবা অমসুং কেন্দ্রগী তিমশিংনা চাং নাইনা য়েংশিনবদা মীৎয়েং চংবনা মরম ওইরগা ফগৎলকপগী চাং লেপ্তনা হেনগৎলক্লি।

ফগৎলকপগী চাং অসি জুনগী ময়াই চল্লকপদা ৫৩% রোম ওইরম্বদগী খঙহেন হেনগৎলক্তুনা ঙসি ৬৪% ওইরে। হৌখিবা পুং ২৪ অসিদা অনাবা মীওই ৩৫, ১৭৬ দিচার্জ তৌখিবগা লোয়ননা অপুনবা ফগৎখিবা মশিং ৯.৫২,৭৪৩ শুখ্রে।

নোংমদা ফগৎলকপগী মশিং অসি হেনগৎলকপগা লোয়ননা, ফগৎখিবা কেসশিং অমসুং এক্তিব কেসশিংগী মরক্তা লৈবা খেৎনবা অসি লেপ্তনসু হেনগৎলক্লি। হৌজিক্কী ওইনা ৪,৫৫,৭৫৫ ওইরি। মসিগী অর্থদি অশেংবা এক্তিব কেস লোদ অসি হৌজিক্কী ওইনা ৪,৯৬,৯৮৮ অমসুং মখোয় পুম্নমক মেদিকেল সুপর্ভিজনগী মখাদা লৈরো।

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবাকোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ and @MoHFW_INDIA .

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf .

*****