জুলাই ২৬-২৭ ২০২০গী লোন্নবা অহিংদা রাজস্থানগী জিলা ৯ মদুদি জেসলমের, বার্মর, জোধপুর, বিকানের, চুরু, নাগোর, ঝুনঝুনু, হনুমানগর অমসুং স্রিগঙ্গানগর হায়রিবশিংগী মফম ৩৬তা অমসুং গুজরাতকী কৎচ জিলাগী মফম ১দা লোকস্তর সরকল ওফিসশিং (এল.সি.ও.শিংনা )না শঙ্গু ওইনা শান্না পাইরকপশিং অমসুং হোপরশিংগী মা্য়োক্তা কন্ত্রোল ওপরেসনশিং চত্থখি।

ঙসি (২৭.০৭.২০২০)দা রাজস্থানগী জেসলমের, বার্মর, জোধপুর, বিকানের, চুরু, নাগোর, ঝুনঝুনু, হনুমানগর অমসুং স্রিগঙ্গানগরগী জিলাশিংদা অমসুং গুজরাতকী কৎচ জিলাগী মফম ১দা মপুং ফাদ্রিবা লৈ মচুগী কৌজেং অমসুং মপুং ফারবা হঙ্গাম মপালগী কৌজেংগী শঙ্গু লৈবা উখি।

এপ্রিল ১১, ২০২০দগী হৌদুনা জুলাই ২৬, ২০২০ ফাওবা এল.সি.ও.শিংনা  রাজস্থান, মধ্য প্রদেশ, পঞ্জাব, গুজরাত, উত্তর প্রদেশ অমসুং হরিয়ানা রাজ্যশিং অসিগী লম হেক্তর ২,১৪,৬৪২দা লোকস্ত কন্ত্রোল ওপরেসন চত্থখ্রে। জুলাই ২৬, ২০২০ ফাওবা রাজস্থান, মধ্য প্রদেশ, পঞ্জাব, গুজরাত, উত্তর প্রদে, মহারাস্ত্র, ছত্তিসগর, হরিয়ানা, উত্তরাখন্দ অমসুং বিহার রাজ্যশিংগী রাজ্য সরকারনা লম হেক্তর ২,১৪,১৩০দা লোকস্ত কন্ত্রোল ওপরেসন চত্থখ্রে।

গুজরাত, উত্তর প্রদেশ, মধ্য প্রদেশ, মহারাস্ত্র, ছত্তিসগর, বিহার অমসুং হরিয়ানাদা মহৈ মরোং থোইদোক্না অমাং অতা থোকপগী পাউ লৈতে। অদুম ওইনমক রাজস্থানগী জিলা খরদা মহৈ-মরোং খরা অমাং অতা থোকপগী পাউ লাক্লি।

হৌজিক্কী ওইনা রাজস্থান অমসুং গুজরাতকী রাজ্যশিংদা স্প্রে য়াওবা গারীগা লোয়ননা কন্ত্রোল তীম ১০৪ মথৌ তৌরি অমসুং কেন্দ্র সরকারগী পর্সনেল ২০০ হেন্না লোকস্ত কন্ত্রোল ওপরেসনশিংদা শীজিন্নরি। মখা তানা, রাজস্থানগী বার্মর, জেসলমের, বিকানের, নাগোর অমসুং ফালোদিদা  লৈবা অৱাংবা উ-পাম্বীশিং অমসুং মী চংবদা খুদোংচাদবা মফমশিংদা তিলহীদাকশিং কাপথোক্তুনা কৌজেং মপুং ফানা লাকশিন্নবা দ্রোন ১৫গা লোয়ননা কম্পনি ৫ থাজিনখ্রে। মথৌ তাবগী মতুং ইন্না রাজস্থানগী সেদ্যুল দেজর্ত এরিয়াদা বেল হেলিকোপ্তর শীজিন্নখ্রে। ইন্দিয়ন এয়র ফোর্সনসু এম.আই.-১৭ হেলিকোপ্তর শীজিন্নদুনা এন্তি-লোকস্ত ওপরেসনশিংগী চাংয়েংশিং তৌখ্রে।

ফুদ এন্দ এগ্রিকলচর ওর্গনাইজেসনগী ২১.০৭.২০২০গী লোকস্ত স্তেতস অপদেৎকী মতুং ইন্না, লাক্লিবা চয়োল খরা অসিদা হোর্ন ওফ এফজরিকাদগী শঙ্গু হেন্না পাইশিল্লকপগী খুদোংথিবা লৈ হায়না উৎলি। সোমালিয়দা, শানা পাইবা শঙ্গুশিং অসিনা অৱাং লান্না নোংপোক থংবা মায়কৈদা পাইরি অমসুং থা অসিগী অরোইবা শরুক্তা ইন্দিয়ন ওসিন লান্থোক্তুনা অককনবা মশিংগী কৌজিংগী শঙ্গুশিংনা ইন্দো-পাকিস্তান ঙমখৈগী মফমশিংনা মাইগ্রেৎ তৌরবা য়াই।

১. দেচু, জোধপুর, রাজস্থানদা হোপরশিং শীখিবা

২. নোহর, হনুমানগর, রাজস্থানদা এল.দবল্যু.ও.গী ওপরেসন

৩. নোহর, হনুমানগর, রাজস্থানদা স্প্রে ওপরেসন অমা চত্থবা

৪. নোহর, হনুমানগর, রাজস্থানগী খুইয়ন তেহসিলগী খুঙ্গংদা  এল.দবল্যু.ও.গী ওপরেসন

৫. জোধপুর, রাজস্থানগী তেহসিল বাপিনিগী পুনাসের খুঙ্গংদা দ্রোন ওপরেসন অমা চত্থবা

৬. জোধপুর, রাজস্থানগী রিৱারি তেহসিলগী গেলু খুঙ্গংদা হোপরশিং নালা অমদা তাশিনবা

*********