কোবিদ-১৯গী লাইচৎ অসিগী মনুংদা মরু ওইনা খুঙ্গংগী লমশিংদা ভারতকী পব্লিক হেল্থ সীস্তেমশিংগী অখাং কনবা অদু আয়ুশ্মান ভারত হেল্থ অমসুং ৱেলনেস সেন্তরশিং (এ.বি. – ঐচ.দবল্যু.সি.শিং)গী মথৌ লেপ্তনা পাংথোকপা অসিনা উৎলি অমসুং কোবিদকী নত্তবা তঙাইফদবা হেল্থ সার্বিসশিং লেপ্তনা ফংহনবদা নত্তনা কোবিদ-১৯দগী ঙাকথোক্নবা অমসুং মসিবু লাকশিন্নবা অথুবা থবকশিংসু মতম চানা পাংথোক্লি।

অহেনবা ঐচ.দবল্যু.সি. ১৩,৬৫৭ লাইচৎ অসিগী মতম (২০২০, জনুৱারীদগী জুলাই ফাওবগী মরক)গী মনুংদা মথৌ তৌহনখি, হায়রিবশিং অসি মখোয়না মতেং পাংলিবা প্রজা মীয়ামদা পাক শন্না হেল্থকেয়র অসি শোইদনা য়ৌহন্নবনি। ২০২০গী জুলাই ২৪ ফাওবদা পুন্না ঐচ.দবল্যু.সি. ৪৩,০২২, লৈবাক অসিগী তোঙান – তোঙনবা মফমশিংদা পাক শন্না থবক তৌরি।

জুলাই ১৮দগী হৌরগা জুলাই ২৪ ফাওবগী চয়োল অসিদা পুন্না মীওই লাখ ৪৪.২৬ এ.বি.–ঐচ.দবল্যু.সি.শিংনা পীখিবা হেল্থ অমসুং ৱেলনেস সার্বিসশিংদগী কানবা ফংখি। ঐচ.দবল্যু.সি.শিংগী মরক্তা পুন্সিল্লবা অপুনবা ফুতফোল অদু মখোয়না হৌদোরকপদগী (হায়বদি ২০১৮গী এপ্রিল ১৪) লাখ ১৯২৩.৯৩দা হেনগৎলকখ্রে। মসি ঐচ.দবল্যু.সি.শিংনা মখোয়গী কম্যুনিতীশিংদা ফাউন্দশনেল ৱার্ক তৌখিবগী খুদম-চাংদম্নি। মখোয়না কোবিদকী নত্তবা তঙাইফদবা সার্বিসশিং অদু অথিংবা-অপনবা লৈহন্দনা অমসুং লেপ্তনা ফংহন্নবা হোৎনবদা য়াম্না মরু ওইবা থৌদাং লৌখি।

ভারত শিনবা থুংনা লৈরিবা এ.বি.–ঐচ.দবল্যু.সি.শিংদা মমাংগী চয়োলদা য়োগ সেশন ৩২,০০০ পাংথোকখি। ঐচ.দবল্যু.সি.শিংনা মখোয় হেক হৌদোরকপদগী পুন্না য়োগ সেশন লাখ ১৪,২৪ পাংথোকখ্রে।

মসিগী মথক্তা ঐচ.দবল্যু.সি.শিংনা নন-কম্যুনিকেবল দিজিজশিংগীদমক্তা মাস স্ক্রীনিং তৌবদা মরু ওইবা থৌদাং লৌরি। মমাংগী চয়োল খক্তদা মীওই লাখ ৩.৮৩বু হাইপরতেন্সনগীদমক্তা, দাইবেতিসকীদমক্তা লাখ ৩.১৪, ওরেল কেন্সরগীদমক্তা লাখ ১.১৫, ব্রেস্ত কান্সরগীদমক্তা ৪৫,০০০ অমসুং সর্ভিকেল কেন্সরগীদমক্তা ৩৬,০০০ স্ক্রীন তৌখি। মখোয়না হৌদোরকপদগী ঐচ.দবল্যু.সি.শিংনা হাইপরতেন্সনগীদমক্তা পুন্না মীওই কোতি ৪.৭২, দাইবেতিসকীদমক্তা কোতি ৩.১৪, ওরেল কেন্সরগীদমক্তা কোতি ২.৪৩ ব্রেস্ত কান্সরগীদমক্তা কোতি ১.৩৭ অমসুং সর্ভিকেল কেন্সরগীদমক্তা লাখ ৯১.৩২ তেস্ত তৌখি।

এ.বি.–ঐচ.দবল্যু.সি.শিং অসি নন-কম্যুনিকেবল দিজিজশিগীদমক্তা মীশিংদা য়ুম্ফম ওইরগা মখোয়না স্ক্রীনিং তৌবা অসিনা লাইচৎ অসিগী মনুংদা য়াম্না কানহনখি মরমদি মসিনা মরু ওইনা কোবিদ-১৯১৯দগী ঙাকথোক্কদবা  তুং কোইনা নাবা লাইনাশিং অমসুং খুদোংথিনীংঙাই ওইরবা, কো-মোর‌বিদ লৈবা মীয়ামগী লিস্ত অমা রাজ্যগী হেল্থ ওথোরিতীশিংদা পীখি। কো-মোর্বিদিতীশিং লৈরবা মীওইশিং য়াম্না য়াংনা মখোয়না স্ক্রিন তৌবা ঙম্বা অমসুং ইনফেক্সনতৌবদগী ঙাকথোক্নবা পাউতাক কয়া পীবা অসিনা মীয়ামগী থাজবা ফংবা ঙম্বদা মরু ওইবা থৌদাং লৌখি। ঐচ.দবল্যু.সি. তীমশিংনা ইম্যুনাইজেশন সেশন কয়া অমা শিনখি, মসিদা মখোয়না তি.বি., লেপ্রোসী, হাইপরতেন্সন অমসুং দাইবেতিক পেসেন্তশিংগী তঙাইফদবা হিদাক-লাংথকশিং পীবদা নত্তনা মীরোল্লবী নুপী কয়াগী মেদিকেল চেকঅপশিংসু তৌখি।

****